گۇل مەرەكە، كۇن مەرەكە – 8 ناۋرىز
«گۇل مەرەكە، كۇن مەرەكە – 8 ناۋرىز»
ماقساتى: ادامزات بالاسىن جارىق دۇنيەگە اكەلىپ، ونى تاربيەلەپ وسىرەتىن انا ەكەنىن ءتۇسىندىرۋ. انا ەڭبەگىن ەش نارسەمەن ولشەۋگە بولمايتىنىن، ءتۇن ۇيقىسىن ءتورت ءبولىپ، بالاسىن ازامات ەتىپ تاربيەلەيتىن، سوندىقتان دا بارلىق انانى، بولاشاق انا بولار قىزداردى سىيلاۋعا، قۇرمەتتەۋگە تاربيەلەۋ. قىزداردى اسەمدىككە، ىسكەرلىككە باۋلۋ. ءوزىن كوپشىلىكتىڭ الدىندا ۇستاي بىلۋگە، جاسىماي ونەرىن كورسەتە بىلۋگە تاربيەلەۋ.
جوسپارى:
I ءبولىم «انا - ءومىر شۋاعى» ادەبي مونتاج
II ءبولىم «ناۋرىز ارۋى» بايقاۋى.
قۇتتىقتاۋ ءسوز:
- قۇرمەتتى اپالار، انالار، قىزدار سىزدەردى 8 ناۋرىز مەيرامدارىڭىزبەن قۇتتىقتايمىن! بۇل كۇنى ەڭ جىلى سەزىمدەر – قايىرىمدىلىق پەن كىشىپەيىلدىلىك، ءۇمىت پەن سەنىم، ماحاببات پەن ادالدىق بىرىگەدى.
«8 ناۋرىز - تاماشا مەرەكە، كوكتەم - مەرەكەسى، تابيعاتتىڭ وياناتىن مەزگىلى، ادامنىڭ باقىتى مەن ماحاببات كەزەڭى»، - دەپ ەلىمىزدىڭ پرەزيدەنتى نۇرسۇلتان ءابىش ۇلى نازاربايەۆ اتاپ ءوتتى.
ارداقتى انالارعا، سالماقتى اجەلەرگە ارنالعان
«انا - ءومىر شۋاعى» ءبولىمىن باستايىق.
1 - وقۋشى:
جەر بۋسانىپ،
كوك شىعىپ،
ارىقتاردان سۋ اقتى.
بۇرلەپ ءوسىپ كوك شىبىق
جۇتىپ جاتىر شۋاقتى.
انالاردىڭ مەرەكەسى
ءبارىمىزدى قۋانتتى.
2 - وقۋشى:
سەگىزىنشى ناۋرىز
كەلگەن كەزى كوكتەمنىڭ
بوساپ باقشا-باۋىمىز
مۇز، قار ەرىپ كەتكەن كۇن.
3 - وقۋشى:
سەگىزىنشى ناۋرىز
كۇلىمسىرەپ كوكتەن كۇن
ەلگە ۇسىنىپ سارى ۋىز
ەلجىرەپ نۇر توككەن كۇن.
4 - وقۋشى:
سەگىزىنشى ناۋرىز
جىل قۇسى ۇشىپ جەتكەن كۇن
تامشى جەرگە سالىپ ءىز
جاڭبىر جۇپار سەپكەن كۇن.
5 - وقۋشى:
ارنادا سۋ تاسىنىپ
كوزگە تۇسكەن بەتتەن گۇل
ۇلكەن - كىشى اسىعىپ،
كۇتكەن مەيرام نەتكەن بۇل؟
6 - وقۋشى:
جوق ەشقانداي داۋىمىز
مەرەكە ەڭ جايدارى
ويتكەنى بۇل ناۋرىز
انالاردىڭ مەيرامى.
ەرسىن مەن مەرحاتتىڭ ورىنداۋىندا «اناسى مەن باعلان» كورىنىس.
ءان: قۇتتىقتايمىن ماما!
ءار وقۋشى ءوز اناسىنا جىلى لەبىزىن، تىلەگىن بىلدىرەدى.
II ءبولىم «ناۋرىز ارۋى» بايقاۋى.
بايقاۋدىڭ شارتى: 1. «تانىس بولايىق...»
2. «ءبىلىمدى مىڭدى جىعار...»
3. «قول ونەر – مول ونەر»
4. «ونەرلى - ورگە جۇزەر»
5. «ءدام دۋمان»
6. «ەرەكشە كيىم ۇلگىسى»
(سايىسقا قاتىساتىن قىزداردى ۇلدار قولىنان الىپ كلاسقا كىرەدى)
قىزدار مەن ۇلداردى تانىستىرۋ.
نۇرتولەۋوۆا نۇرايىم مارات قىزى – جاۋاپكەرشىلىگى جوعارى، بەلسەندى وقۋشى. ول ءان ايتقاندى، بي بيلەگەندى ۇناتادى. ادەمى كيىنگەندى، سۇلۋلىقتى سۇيەتىن كەربەز قىز.
ەرەجەپوۆ مەرحات بەكزات ۇلى – ساباقتى جاقسى وقيدى. ول تاپسىرىلعان ءىستى باياۋ، ءبىراق تياناقتى ورىندايدى. مەرحات ۇيىندە باۋىرلارىنا قامقور اعا.
نۇرلانوۆا شۇعىلا نۇرلان قىزى - ىسكە شيراق، ءار پىسىق. شۇعىلانىڭ جان - جاعىنداعىلاردى ءوز ىسىمەن، قىلىعىمەن باۋراپ الاتىن سيقىرلى مىنەزى بار. ول كىشى بولسا دا اپايلارىنا سىرتتاي قامقور بولىپ جۇرەدى. شۇعىلا شىعىس بيلەرىن بيلەگەندى ۇناتادى.
ساپيولايەۆ ەركىنبەك قايربەك ۇلى - ءوز ويىن ەركىن جەتكىزە بىلەتىن، جان - جاقتى ءبىلىمدى بالا. ول زەرتتەگەندى، باقىلاعاندى ودان قورىتىندى شىعارعاندى ۇناتادى. دۇنيەتانۋ ءپانىن ەرەكشە جاقسى كورەدى. ەركىنبەك كوپشىل، دوسى كوپ بالا.
نازاربەكوۆا ايگەرىم ماقسات قىزى - وزگەلەردەن ەرەكشە بىربەتكەي مىنەزى بار. جانىنداعى دوستارىنىڭ قۋانىشىنا قۋانا بىلەتىن ەركە قىز. ايگەرىم اناسىنىڭ قولقاناتى، ءسىڭلىسىنىڭ قامقور اپايى.
قايرعازين ەرنۇر قايرعازى ۇلى - وتە جۇلىمىر، اقكوڭىل بالا. ەرنۇر اينالاسىنداعى قۇبىلىستى، وزگەشەلىكتى تەز بايقاعىش، شيراق ويلى. ول ولەڭ ايتقاندى ۇناتادى. جاستايىنان ەڭبەك ەتۋگە ۇيرەنگەن ەڭبەكقور بالا.
راحىمبايەۆا ايگەرىم ەلدار قىزى – دوستارىنىڭ اراسىندا، اتا-اناسىنىڭ الدىندا ءوزىن ەركە سەزىنەتىن، قىلىقتى قىز. ول بيلەگەندى، اسىرەسە ءۇندى ءبيىن جاقسى كورەدى.
ايگەرىمنىڭ جازۋى وتە تاماشا.
احمەتوۆ ايدوس ايتقازى ۇلى - ءار شارۋاعا پىسىق، شاپشاڭ قيمىلدايتىن بالا. ايدوس سۋرەت سالعاندى، دايىن ۇلگىلەردى بوياعاندى، رەپ ستيلىندەگى ولەڭدەردى، ءبيدى جاقسى كورەدى. ەستە ساقتاۋ قابىلەتى وتە جاقسى.
ازينوۆا ايتولقىن تالعات قىزى – ماقتاعاندى ۇناتاتىن، كوپ سويلەمەيتىن سالماقتى، ۇياڭ مىنەزدى قىز. ايتولقىن ۇيدە اپايلارىنىڭ ىستەگەنىن قايتالاعاندى جاقسى كورەدى. بيلەگەندى، ءسىڭلىسىنىڭ شاشىن ءورىپ، ساندەگەندى جاقسى كورەدى.
حايسا ەلامان حايسا ۇلى – دوس پەيىلدى، باسقالارعا جانى اشىعىش، مەيىرىمدى بالا. ەلامان بيلەگەندى، سۋرەت سالعاندى ۇناتادى. ول ەسەپ شىعارعاندا الدىنا جان سالمايدى.
نۇعىمانوۆا الۋا – ەلگەزەك، ىسكەر، قيالى وتە جوعارى دامىعان، شىعارماشىل. الۋانىڭ جۇرەگى جىلىلىققا تولى، مەيىرىمدى، جانى نازىك قىز. الۋا اعاسىمەن ويناعاندى جاقسى كورەدى. ول مۋلتفيلم كورگەندى ۇناتادى.
تابىلعازى ەرنار ەرمەك ۇلى – تياناقتى، تازالىققا جانى قۇمار بالا. مىنەزى وتە جۇمساق، كىشىپەيىل. ەرنار «قارا جورعا» ءبيىن تاماشا بيلەيدى. ماتەماتيكا ساباعىن ءسۇيىپ وقيدى.
بيمۇحانوۆا ايىم - بايسالدى، سالماقتى قىز. ول ماقتانعاندى ۇناتپايتىن قاراپايىمدىلىعى باسىمدىعىنان، بىلسە دە ۇندەمەي وتىراتىن ەرەكشە سابىرلى مىنەزى بار. ايىم كىتاپ وقىعاندى ۇناتادى.
قاجىنۇروۆ ازات سانات ۇلى – دوس پەيىلدى، اڭقىلداعان مىنەزدى بالا. ول ءان ايتقاندى، بي بيلەگەندى ۇناتادى. اڭگىمەنى جاقسى مازمۇندايدى. ازات دوستارىنىڭ اراسىندا ەلگەزەكتىگىمەن ەرەكشەلەنەدى.
قىزدارعا جەرەبە الدىرۋ ارقىلى شىعۋ رەتىن انىقتاۋ.
ەرنار ش.
قىز دەگەنىڭ قىزعالداق،
قۇلپىرادى جاينايدى.
توتىدايىن تارانىپ،
بۇل-بۇل قۇستاي سايرايدى.
سەگىزىنشى ناۋرىز كوكتەم كەلدى،
جاراسادى قىزداردىڭ كيگەن بوركى.
دايارلانعان سۇلۋلاردى كوپتەن بەرى،
مەرەكەدە باعالايتىن كەزى كەلدى، - دەپ سىنىبىمىزدىڭ ارۋ قىزدارىنىڭ اراسىندا وتەتىن «ناۋرىز ارۋى» اتتى سايىستى باستايىق.
- سايىستى باستاماس بۇرىن ارۋ قىزدارىمىزعا ءادىل باعا بەرەتىن، قازىلار القاسىن سايلاپ الايىق.
«تانىس بولايىق...»
«قىز - ءومىردىڭ قىزعالداعى» - دەگەن عوي،
تالاي زامان مويىنداعان ەرەن وي.
«سەگىزىنشى ناۋرىز» مەرەكەدە،
تانىسۋعا الدارىڭا، حاس سۇلۋلار كەلگەن عوي.
ايدوس
قارسى الايىق، حالايىق!
ارۋعا كوز سالايىق.
قوشەمەتتەپ سايىسكەردى،
قانەكەي قول سوعايىق!
- ەندەشە ورتاعا سۇلۋ قىزدارىمىز كەلىپ، وزدەرىن تانىستىرۋعا رۇقسات ەتەيىك.
تاقپاق «قۇتتىقتايمىن ماما» مەرحات ە.
«ءبىلىمدى مىڭدى جىعار...»
«ماقال – ءسوزدىڭ مايەگى» - دەر دانالار،
بىلمەگەندەر ماقالدى ارتتا قالار.
ءمانىن ۇعىپ جاتتاپ العان قىزدارىمىز،
بۇگىنگى كۇن الدارىڭدا دارالانار – دەپ قىزدارىمىز ءوز ونەرلەرىمەن قوسا بىلىمدەرىن كورسەتەتىن ماقال - ماتەل سايىسىن باستايىق. ارۋ قىزدارىمىزدىڭ 1 مينۋتتا قانشا ماقال ايتا الاتىنىن بايقاۋ.
«قول ونەر – مول ونەر»
ويۋ دەگەن كونەنىڭ كوزى، ەسكىنىڭ ءسوزى،
سىر شەرتىپ، اڭگىمەلەر كەلدى كەزى.
قىزداردىڭ ساۋساقتارى مايىسقاندا،
دەيسىزدەر - «حاس شەبەردىڭ كەلدى ءوزى».
بي: «قارا جورعا» ەرنار ش.
«ونەرلى ورگە جۇزەر»
ونەرلىلەر قانات قاعار قالىقتاپ،
ءان سالادى، بي بيلەيدى شالىقتاپ.
قىزدارىمىز قايسى مىقتى ەكەنىن،
بۇگىنگى كۇن سايىسىمىز انىقتار.
ال، ورتاعا شاقىرايىق سەندەردى،
بار ونەردى سالاتىن ءبىر كەز كەلدى.
تالانتتى دا، جاس جۇلدىزدى كورۋگە،
ونەرلىنى سۇيەتىندەر كوپ كەلدى.
«ءدام دۋمان»
«اس – ادامنىڭ ارقاۋى»- ءبارى بىلەر،
تاعامنىڭ الۋان ءتۇرىن بىلەسىڭدەر.
بۇگىندە قىزدارىمىز اكەپتى استى،
دايارلاعان ءوز قولىمەن، ول ءبىر ونەر – دەپ، قىزدارىمىزدى ۇيدەن، انالارىنىڭ كومەگىمەن دايارلاعان تاعامىمەن ورتاعا شاقىرايىق.
«برەيك ءبيى» احمەتوۆ ايدوس
«مەن جاساعان ەرەكشە كيىم ۇلگىسى.»
«ادام كوركى - شۇبەرەك» دەگەن ەكەن،
قازىردە ءسان ۇلگىلەر كەرەك ەكەن.
ءار ارۋدىڭ ءوز بەينەسى وزگەشە،
سىر شەرتەدى تالعامى، بولەك ەلدەن – دەپ، ارۋ قىزدارىمىزدىڭ ەشكىمگە ۇقسامايتىن، ءوز قيالىنان تۋىنداعان كيىم ۇلگىسىن تاماشالايىق.
ارۋ قىزدارىمىزدىڭ ونەرىن باعالاپ - سارالاۋ قورىتىندىسىن تانىستىرىپ، ماراپاتتاۋ، قۇتتىقتاۋ قازىلار القاسىنا تاپسىرىلادى.
شقو، اياگوز قالاسى «№5 جالپى ءبىلىم بەرەتىن ورتا مەكتەپ»
كوممۋنالدىق مەملەكەتتىك مەكەمەسى باستاۋىش سىنىپ ءمۇعالىمى
ايازبەكوۆا داريا سەريكوۆنا
ماقساتى: ادامزات بالاسىن جارىق دۇنيەگە اكەلىپ، ونى تاربيەلەپ وسىرەتىن انا ەكەنىن ءتۇسىندىرۋ. انا ەڭبەگىن ەش نارسەمەن ولشەۋگە بولمايتىنىن، ءتۇن ۇيقىسىن ءتورت ءبولىپ، بالاسىن ازامات ەتىپ تاربيەلەيتىن، سوندىقتان دا بارلىق انانى، بولاشاق انا بولار قىزداردى سىيلاۋعا، قۇرمەتتەۋگە تاربيەلەۋ. قىزداردى اسەمدىككە، ىسكەرلىككە باۋلۋ. ءوزىن كوپشىلىكتىڭ الدىندا ۇستاي بىلۋگە، جاسىماي ونەرىن كورسەتە بىلۋگە تاربيەلەۋ.
جوسپارى:
I ءبولىم «انا - ءومىر شۋاعى» ادەبي مونتاج
II ءبولىم «ناۋرىز ارۋى» بايقاۋى.
قۇتتىقتاۋ ءسوز:
- قۇرمەتتى اپالار، انالار، قىزدار سىزدەردى 8 ناۋرىز مەيرامدارىڭىزبەن قۇتتىقتايمىن! بۇل كۇنى ەڭ جىلى سەزىمدەر – قايىرىمدىلىق پەن كىشىپەيىلدىلىك، ءۇمىت پەن سەنىم، ماحاببات پەن ادالدىق بىرىگەدى.
«8 ناۋرىز - تاماشا مەرەكە، كوكتەم - مەرەكەسى، تابيعاتتىڭ وياناتىن مەزگىلى، ادامنىڭ باقىتى مەن ماحاببات كەزەڭى»، - دەپ ەلىمىزدىڭ پرەزيدەنتى نۇرسۇلتان ءابىش ۇلى نازاربايەۆ اتاپ ءوتتى.
ارداقتى انالارعا، سالماقتى اجەلەرگە ارنالعان
«انا - ءومىر شۋاعى» ءبولىمىن باستايىق.
1 - وقۋشى:
جەر بۋسانىپ،
كوك شىعىپ،
ارىقتاردان سۋ اقتى.
بۇرلەپ ءوسىپ كوك شىبىق
جۇتىپ جاتىر شۋاقتى.
انالاردىڭ مەرەكەسى
ءبارىمىزدى قۋانتتى.
2 - وقۋشى:
سەگىزىنشى ناۋرىز
كەلگەن كەزى كوكتەمنىڭ
بوساپ باقشا-باۋىمىز
مۇز، قار ەرىپ كەتكەن كۇن.
3 - وقۋشى:
سەگىزىنشى ناۋرىز
كۇلىمسىرەپ كوكتەن كۇن
ەلگە ۇسىنىپ سارى ۋىز
ەلجىرەپ نۇر توككەن كۇن.
4 - وقۋشى:
سەگىزىنشى ناۋرىز
جىل قۇسى ۇشىپ جەتكەن كۇن
تامشى جەرگە سالىپ ءىز
جاڭبىر جۇپار سەپكەن كۇن.
5 - وقۋشى:
ارنادا سۋ تاسىنىپ
كوزگە تۇسكەن بەتتەن گۇل
ۇلكەن - كىشى اسىعىپ،
كۇتكەن مەيرام نەتكەن بۇل؟
6 - وقۋشى:
جوق ەشقانداي داۋىمىز
مەرەكە ەڭ جايدارى
ويتكەنى بۇل ناۋرىز
انالاردىڭ مەيرامى.
ەرسىن مەن مەرحاتتىڭ ورىنداۋىندا «اناسى مەن باعلان» كورىنىس.
ءان: قۇتتىقتايمىن ماما!
ءار وقۋشى ءوز اناسىنا جىلى لەبىزىن، تىلەگىن بىلدىرەدى.
II ءبولىم «ناۋرىز ارۋى» بايقاۋى.
بايقاۋدىڭ شارتى: 1. «تانىس بولايىق...»
2. «ءبىلىمدى مىڭدى جىعار...»
3. «قول ونەر – مول ونەر»
4. «ونەرلى - ورگە جۇزەر»
5. «ءدام دۋمان»
6. «ەرەكشە كيىم ۇلگىسى»
(سايىسقا قاتىساتىن قىزداردى ۇلدار قولىنان الىپ كلاسقا كىرەدى)
قىزدار مەن ۇلداردى تانىستىرۋ.
نۇرتولەۋوۆا نۇرايىم مارات قىزى – جاۋاپكەرشىلىگى جوعارى، بەلسەندى وقۋشى. ول ءان ايتقاندى، بي بيلەگەندى ۇناتادى. ادەمى كيىنگەندى، سۇلۋلىقتى سۇيەتىن كەربەز قىز.
ەرەجەپوۆ مەرحات بەكزات ۇلى – ساباقتى جاقسى وقيدى. ول تاپسىرىلعان ءىستى باياۋ، ءبىراق تياناقتى ورىندايدى. مەرحات ۇيىندە باۋىرلارىنا قامقور اعا.
نۇرلانوۆا شۇعىلا نۇرلان قىزى - ىسكە شيراق، ءار پىسىق. شۇعىلانىڭ جان - جاعىنداعىلاردى ءوز ىسىمەن، قىلىعىمەن باۋراپ الاتىن سيقىرلى مىنەزى بار. ول كىشى بولسا دا اپايلارىنا سىرتتاي قامقور بولىپ جۇرەدى. شۇعىلا شىعىس بيلەرىن بيلەگەندى ۇناتادى.
ساپيولايەۆ ەركىنبەك قايربەك ۇلى - ءوز ويىن ەركىن جەتكىزە بىلەتىن، جان - جاقتى ءبىلىمدى بالا. ول زەرتتەگەندى، باقىلاعاندى ودان قورىتىندى شىعارعاندى ۇناتادى. دۇنيەتانۋ ءپانىن ەرەكشە جاقسى كورەدى. ەركىنبەك كوپشىل، دوسى كوپ بالا.
نازاربەكوۆا ايگەرىم ماقسات قىزى - وزگەلەردەن ەرەكشە بىربەتكەي مىنەزى بار. جانىنداعى دوستارىنىڭ قۋانىشىنا قۋانا بىلەتىن ەركە قىز. ايگەرىم اناسىنىڭ قولقاناتى، ءسىڭلىسىنىڭ قامقور اپايى.
قايرعازين ەرنۇر قايرعازى ۇلى - وتە جۇلىمىر، اقكوڭىل بالا. ەرنۇر اينالاسىنداعى قۇبىلىستى، وزگەشەلىكتى تەز بايقاعىش، شيراق ويلى. ول ولەڭ ايتقاندى ۇناتادى. جاستايىنان ەڭبەك ەتۋگە ۇيرەنگەن ەڭبەكقور بالا.
راحىمبايەۆا ايگەرىم ەلدار قىزى – دوستارىنىڭ اراسىندا، اتا-اناسىنىڭ الدىندا ءوزىن ەركە سەزىنەتىن، قىلىقتى قىز. ول بيلەگەندى، اسىرەسە ءۇندى ءبيىن جاقسى كورەدى.
ايگەرىمنىڭ جازۋى وتە تاماشا.
احمەتوۆ ايدوس ايتقازى ۇلى - ءار شارۋاعا پىسىق، شاپشاڭ قيمىلدايتىن بالا. ايدوس سۋرەت سالعاندى، دايىن ۇلگىلەردى بوياعاندى، رەپ ستيلىندەگى ولەڭدەردى، ءبيدى جاقسى كورەدى. ەستە ساقتاۋ قابىلەتى وتە جاقسى.
ازينوۆا ايتولقىن تالعات قىزى – ماقتاعاندى ۇناتاتىن، كوپ سويلەمەيتىن سالماقتى، ۇياڭ مىنەزدى قىز. ايتولقىن ۇيدە اپايلارىنىڭ ىستەگەنىن قايتالاعاندى جاقسى كورەدى. بيلەگەندى، ءسىڭلىسىنىڭ شاشىن ءورىپ، ساندەگەندى جاقسى كورەدى.
حايسا ەلامان حايسا ۇلى – دوس پەيىلدى، باسقالارعا جانى اشىعىش، مەيىرىمدى بالا. ەلامان بيلەگەندى، سۋرەت سالعاندى ۇناتادى. ول ەسەپ شىعارعاندا الدىنا جان سالمايدى.
نۇعىمانوۆا الۋا – ەلگەزەك، ىسكەر، قيالى وتە جوعارى دامىعان، شىعارماشىل. الۋانىڭ جۇرەگى جىلىلىققا تولى، مەيىرىمدى، جانى نازىك قىز. الۋا اعاسىمەن ويناعاندى جاقسى كورەدى. ول مۋلتفيلم كورگەندى ۇناتادى.
تابىلعازى ەرنار ەرمەك ۇلى – تياناقتى، تازالىققا جانى قۇمار بالا. مىنەزى وتە جۇمساق، كىشىپەيىل. ەرنار «قارا جورعا» ءبيىن تاماشا بيلەيدى. ماتەماتيكا ساباعىن ءسۇيىپ وقيدى.
بيمۇحانوۆا ايىم - بايسالدى، سالماقتى قىز. ول ماقتانعاندى ۇناتپايتىن قاراپايىمدىلىعى باسىمدىعىنان، بىلسە دە ۇندەمەي وتىراتىن ەرەكشە سابىرلى مىنەزى بار. ايىم كىتاپ وقىعاندى ۇناتادى.
قاجىنۇروۆ ازات سانات ۇلى – دوس پەيىلدى، اڭقىلداعان مىنەزدى بالا. ول ءان ايتقاندى، بي بيلەگەندى ۇناتادى. اڭگىمەنى جاقسى مازمۇندايدى. ازات دوستارىنىڭ اراسىندا ەلگەزەكتىگىمەن ەرەكشەلەنەدى.
قىزدارعا جەرەبە الدىرۋ ارقىلى شىعۋ رەتىن انىقتاۋ.
ەرنار ش.
قىز دەگەنىڭ قىزعالداق،
قۇلپىرادى جاينايدى.
توتىدايىن تارانىپ،
بۇل-بۇل قۇستاي سايرايدى.
سەگىزىنشى ناۋرىز كوكتەم كەلدى،
جاراسادى قىزداردىڭ كيگەن بوركى.
دايارلانعان سۇلۋلاردى كوپتەن بەرى،
مەرەكەدە باعالايتىن كەزى كەلدى، - دەپ سىنىبىمىزدىڭ ارۋ قىزدارىنىڭ اراسىندا وتەتىن «ناۋرىز ارۋى» اتتى سايىستى باستايىق.
- سايىستى باستاماس بۇرىن ارۋ قىزدارىمىزعا ءادىل باعا بەرەتىن، قازىلار القاسىن سايلاپ الايىق.
«تانىس بولايىق...»
«قىز - ءومىردىڭ قىزعالداعى» - دەگەن عوي،
تالاي زامان مويىنداعان ەرەن وي.
«سەگىزىنشى ناۋرىز» مەرەكەدە،
تانىسۋعا الدارىڭا، حاس سۇلۋلار كەلگەن عوي.
ايدوس
قارسى الايىق، حالايىق!
ارۋعا كوز سالايىق.
قوشەمەتتەپ سايىسكەردى،
قانەكەي قول سوعايىق!
- ەندەشە ورتاعا سۇلۋ قىزدارىمىز كەلىپ، وزدەرىن تانىستىرۋعا رۇقسات ەتەيىك.
تاقپاق «قۇتتىقتايمىن ماما» مەرحات ە.
«ءبىلىمدى مىڭدى جىعار...»
«ماقال – ءسوزدىڭ مايەگى» - دەر دانالار،
بىلمەگەندەر ماقالدى ارتتا قالار.
ءمانىن ۇعىپ جاتتاپ العان قىزدارىمىز،
بۇگىنگى كۇن الدارىڭدا دارالانار – دەپ قىزدارىمىز ءوز ونەرلەرىمەن قوسا بىلىمدەرىن كورسەتەتىن ماقال - ماتەل سايىسىن باستايىق. ارۋ قىزدارىمىزدىڭ 1 مينۋتتا قانشا ماقال ايتا الاتىنىن بايقاۋ.
«قول ونەر – مول ونەر»
ويۋ دەگەن كونەنىڭ كوزى، ەسكىنىڭ ءسوزى،
سىر شەرتىپ، اڭگىمەلەر كەلدى كەزى.
قىزداردىڭ ساۋساقتارى مايىسقاندا،
دەيسىزدەر - «حاس شەبەردىڭ كەلدى ءوزى».
بي: «قارا جورعا» ەرنار ش.
«ونەرلى ورگە جۇزەر»
ونەرلىلەر قانات قاعار قالىقتاپ،
ءان سالادى، بي بيلەيدى شالىقتاپ.
قىزدارىمىز قايسى مىقتى ەكەنىن،
بۇگىنگى كۇن سايىسىمىز انىقتار.
ال، ورتاعا شاقىرايىق سەندەردى،
بار ونەردى سالاتىن ءبىر كەز كەلدى.
تالانتتى دا، جاس جۇلدىزدى كورۋگە،
ونەرلىنى سۇيەتىندەر كوپ كەلدى.
«ءدام دۋمان»
«اس – ادامنىڭ ارقاۋى»- ءبارى بىلەر،
تاعامنىڭ الۋان ءتۇرىن بىلەسىڭدەر.
بۇگىندە قىزدارىمىز اكەپتى استى،
دايارلاعان ءوز قولىمەن، ول ءبىر ونەر – دەپ، قىزدارىمىزدى ۇيدەن، انالارىنىڭ كومەگىمەن دايارلاعان تاعامىمەن ورتاعا شاقىرايىق.
«برەيك ءبيى» احمەتوۆ ايدوس
«مەن جاساعان ەرەكشە كيىم ۇلگىسى.»
«ادام كوركى - شۇبەرەك» دەگەن ەكەن،
قازىردە ءسان ۇلگىلەر كەرەك ەكەن.
ءار ارۋدىڭ ءوز بەينەسى وزگەشە،
سىر شەرتەدى تالعامى، بولەك ەلدەن – دەپ، ارۋ قىزدارىمىزدىڭ ەشكىمگە ۇقسامايتىن، ءوز قيالىنان تۋىنداعان كيىم ۇلگىسىن تاماشالايىق.
ارۋ قىزدارىمىزدىڭ ونەرىن باعالاپ - سارالاۋ قورىتىندىسىن تانىستىرىپ، ماراپاتتاۋ، قۇتتىقتاۋ قازىلار القاسىنا تاپسىرىلادى.
شقو، اياگوز قالاسى «№5 جالپى ءبىلىم بەرەتىن ورتا مەكتەپ»
كوممۋنالدىق مەملەكەتتىك مەكەمەسى باستاۋىش سىنىپ ءمۇعالىمى
ايازبەكوۆا داريا سەريكوۆنا
You Might Also Like
