ىلە قۇرتقاشاشى
ىلە قۇرتقاشاشى — بيىكتىگى 40 سانتيمەترگە دەيىن جەتەتىن، كوپ جىلدىق، ءشوپ تەكتەس وسىمدىك. تامىرى جۋان، اق ءتۇستى، كوپتەگەن قوسىمشا تامىرلارى بار. ساباعى جوعارعى جاعىندا بۇتاقتانعان. تامىردان ءوسىپ شىققان جاپىراقتارى سەمسەر ءتارىزدى. ساباقتان ءوسىپ شىققان جاپىراقتارى سوپاقشالاۋ بولىپ كەلەدى. گۇلدەرى — ءىرى، وتە ادەمى، كوكشىل ءتۇستى. ءساۋىر-مامىر ايلارىندا گۇلدەيدى. ىلە بويىنداعى شابىندىقتاردا، قۇمدى جەرلەردە قالىڭ بولىپ وسەدى. كەيدە ساندىك وسىمدىك رەتىندە دە ەگىلەدى.
قازاقستاندا قۇرتقاشاشتىڭ 21 ءتۇرى بار. وسىلاردىڭ ىشىندە قىلىش قۇرتقاشاشى، ورىس كۇرتقاشاشى، ءسىبىر قۇرتقاشاشى، ءىرى جاپىراقتى قۇرتقاشاش جانە تاعى دا باسقا تۇرلەرى كەزدەسەدى. دارىلىك ماقسات ءۇشىن قۇرتقاشاشتىڭ تامىرىن قازىپ الادى. ونىڭ قۇرامىندا ەفير مايلارى، يريدين گليكوزيدى، قانت، كراحمال، مايلار بار. تامىرىنان جاسالعان دارىلەردىن قاقىرىق تۇسىرەتىن، ءىش ءتۇيىلىپ اۋىرعاندا تىنىشتاندىراتىن قاسيەتتەرى بار.
You Might Also Like
-
وسىدان 30 جىل بۇرىن ەگەمەندىگىمىزدى جاريالاپ، تاۋەلسىزدىككە قول جەتكىزدىك. بۇل عاسىرلار بويى قازاق حالقىنىڭ اڭساعان ارمانى ەدى. ۇلى قازاق ەلى وسى كۇنگە جەتكەنشە ءۇش ءجۇز جىلعا جۋىق بوداندىقتىڭ بۇعاۋى...
-
شىرماۋىق بۋدرا (بۋدرا پليۋششيەۆيدنايا) — كوپ جىلدىق، ءشوپ تەكتەس وسىمدىك. كولبەۋ وسكەن، جاتاعان ساباقتارىنان تىك كوتەرىلە شىققان بۇتالارى بار. بيىكتىگى 90 سانتيمەترگە دەيىن جەتەدى. تومەنگى جاعىندا...
