ىسقىرما
«ىسقىرمانىڭ» شىعۋ تاريحى دا ايتا قالعانداي. داۋلەتكەرەي تورە تۇقىمىنا لايىقسىز بولسا دا، اتىن مىنبەي، اۋىل سىرتىندا جاياۋ سەرۋەندەگەندى ءتاۋىر كورەدى ەكەن، سونداي سەرۋەنگە شىققان ءبىر كۇنى كەلە جاتىپ بىردەڭە دەپ كۇبىرلەگەندەي بولادى. قاسىنداعى سەرىگى «و نە؟» دەپ ەلەڭ ەتە قالىپ ەدى، كۇيشى باسىن شايقاي، «ۇندەمە» دەگەندەي يشارات ءبىلدىردى. داۋلەتكەرەي سوسىن بالالار قۇساپ ىسقىرا باستادى. بۇل قىلىق، ارينە، «شىڭعىستىڭ اۋلەتىنە» تىم ەرسى ەدى. ونىڭ ۇستىنە قازاقتار ىسقىرعان ادەپسىزدىك بەلگىسى دەپ سانايدى. داۋلەتكەرەي قاسىنداعى سەرىگىنىڭ ابدىراپ قالعان ءتۇرىن كورىپ جىميدى دا، بىردەڭەگە قۋانىپ اسىققان ادامشا ۇيىنە قاراي تەز-تەز ادىمداي جونەلدى. سەرىگى ەشتەڭەگە تۇسىنبەگەن قالپى يىعىن ءبىر قومدادى دا، سوڭىنان ەرىپ جۇرە بەردى. ۇيگە كەلىپ داۋلەتكەرەي قولىنا دومبىراسىن الدى دا، جاڭا كۇيدى شەرتە جونەلدى. مۋزىكانى جاقسى تۇسىنەتىن قۇيماقۇلاق جولداسى كۇي سارىنىنان باعانا ادەپتەن اتتاپ، ايدالادا ىسقىرىپ سالعان ۇزىك-ۇزىك اۋەننىڭ سازىن بىردەن ايىرعان. زەردەسىنە كەلگەن كۇيدەن ۇيگە جەتكەنىنشە ايرىلىپ قالماي پەرنەگە تۇسىرگەنىنە قۋانعان داۋلەتكەرەي، بۇل كۇيگە «ىسقىرما» دەپ ات قويدىم دەيدى جولداسىنا.
You Might Also Like
-
ايگىلى ەسكەندىر پاتشانىڭ باسىندا قوس ءمۇيىزى بولسا كەرەك. ءبىراق مۇنى ءتىرى جان بىلمەيدى ەكەن. سەبەبى شاشىن الدىرعان سايىن سول شاشىن العان ادامنىڭ باسىن شاپتىرتىپ تاستاپ وتىرىپتى. مۇنىڭ ءمانىسى، ەسكەند...
-
داۋلەتكەرەيدىڭ كورۇعلى كۇيىنىڭ اڭىز-اڭگىمەسى ورتا ازيا حالىقتارىنىڭ اراسىندا كەڭىنەن تارالعان ايگىلى «كورۇعلى» داستانىنىڭ وقيعاسىمەن تامىرلاس بولعانىمەن، كۇيدىڭ شىعۋ سەبەبى كۇيشى ءومىرىن...
