جاعالبايلى
(ءى نۇسقا)
الاۋ باتىرعا قۇداھيار دەگەن ءبىر جىگىت بالا: «قۇددىس شاھارىنان كەلدىم، پايعامبار (اراب) اۋلەتىنەنمىن»، — دەپ كەلىپ، بالا بولىپتى. الاۋ باتىر بۇل بالانى «تازا تۇقىمىنان ەكەن» دەپ، بالا ەتىپ، قامقورىنا الىپ، ايەل الىپ بەرىپ، وتاۋ تىگىپ، ءبىر شاڭىراق ەتىپ قويىپتى.
سول قۇداھياردان كەرەيت تۋىپتى. الاۋ باتىرعا تاعى ءبىر بالا، ات-ەسىمى ءسادۋ: «تايم دەگەن ەلدەن كەلدىم»، — دەپ، بالا بولىپتى. ءسادۋ جىگىت بولىپ وسكەن سوڭ، ماساتى شۇلعانىپ ماسى-ەتىك كيىپ، مول قاراكول ەلتىرىلى جاعاسى بار ءماۋىتى شاپان كيىپ، ەل ارالاپ بالگەرلىك جاساپ، ادام ەمدەپ، جاۋرىنشى-بالگەر اتانىپ، سال-سەرى جىگىت بولىپ ءجۇرىپتى.
ءسويتىپ ءجۇرىپ ەلدەن العان مالىن جيناپ، بايىعان ەدى دەيدى. وسىعان وراي ول «جاعالى باي» اتانىپ، كەيىن ەل ونى «جاعالبايلى» اتاپ كەتىپتى. الاۋ باتىر وسى كيىمدى ۇلىنا دا ايەل الىپ بەرىپ، ءبىر شاڭىراق ەتىپ قويىپتى.
ءسادۋ [دەن] — شەربۇعا، [ودان] — مەلدە بي تۋعان، ال ونىڭ ۇرپاقتارى كەيىن «جاعالبايلى رۋى» اتانعان دەيدى.
(ءىى نۇسقا)
ۇرپاقتان-ۇرپاققا جالعاسىپ كەلە جاتقان اۋىزەكى شەجىرەمىزدە جەتىرۋ بىرلەستىگىنە ەنەتىن رۋلاردىڭ شىعۋ تەگى دە بەكارىس ۇرپاقتارى — ءاعالى-ىنىلى ارعىماق پەن الاۋ ەسىمدەرىنەن باستاۋ الىپ جاتادى.
اۋەلى ارعىماقتان تەلەۋ تۋعان ەكەن دەيدى. ول راماداندى وزىنە ەنشىلەس قىلىپ الادى. جاۋگەرشىلىك، شاپقىنشىلىق كوپ سول زاماندا الاۋ باتىرعا دا ءار جىلداردا باسقا جاقتاردان ءسادىر، ءنادىر، قىلۋار، ءسابدان دەگەن بالالار كەلىپ پانالاپ، ونىڭ بالاسى الشىنمەن ەنشىلەس اتانادى. كەيىن سادىردەن — تاما، تابىن؛ نادىردەن — كەردەرى، قىلۋاردان — كەرەيت تۋادى. ءسابداننان — قاراقاتىس (جاۋىرىنشى)، ودان—مەلدە، ودان ەلەۋ مىرزا تۋادى. وسى ەلەۋدەن ون ەكى اتا جاعالبايلى تارايدى.
You Might Also Like
-
ماروككو — سولتۇستىك افريكادا ەلدەرىنىڭ ءبىرى. بۇل ەل اعاش بۇتاقتارىنا شىعىپ قورەكتەنەتىن ەشكىلەرىمەن تانىمال. ادەتتە شارۋالار اعاشقا زيان بەرمەسىن دەپ، ەشكىلەردىڭ بۇتاقتارعا شىعۋىنا توسقاۋىل ب...
