توپەپ تۇرعان نوسەرگە قاراماي-اق،
ءبىر قىز كەتىپ بارادى جالاڭ اياق.
جالتىراعان ادەمى توپىليىن،
كىم بىلەدى، جاۋىننان بارادى اياپ.
ويناقتاعان دالادا قارا كوزىم،
ەسكە ءتۇسىپ كەتتى مە بالا كەزىڭ؟
ەلەڭ قىلماي ەشكىمدى بارادى ءوزى،
جالاڭ اياق جۇرگەندەي دالا كەزىپ،
ەركىن ۇستاپ ەلىگىم بارادى ءوزىن.
(شىت كويلەگى جابىسقان كەۋدەسىنە.)
قاراماسقا، قويمايدى كورمەسىڭە.
He كەلدى ەكەن سايتاننىڭ زەردەسىنە؟!
جالاڭ اياق سيقىرعا قاراپ تۇرىپ،
جالاڭ اياق جاستىعىم كەلدى ەسىمە!
قارا دا تۇر، قايتەسىڭ، قارا دا تۇر،
بۇلاڭ ەتكەن بۇل سۋرەت قالادى اقىر.
جالاڭ اياق...
بالتىرى جالت-جۇلت ەتىپ،
عايىپ بولىپ جاستىعىم بارا جاتىر.

---