InfoHub Logo

(مەكتەپىشىلىك دوڭگەلەك ۇستەل)

جاس ماماننىڭ كاسىبي قۇلشىنىسىن ارتتىرۋ، جىگەرلەندىرۋ، كوڭىل-كۇيىن كوتەرۋ جانە ۇجىمدا جاعىمدى پسيحولوگيالىق احۋال قالىپتاستىرۋ ارقىلى كومەك كورسەتۋ ماقساتىمەن مەكتەبىمىزدىڭ تاجىريبەلى ۇستازدارى جاس ماماندارعا تالىمگەرلىك باعىت-باعدار بەرەدى. سونىمەن قاتار اي سايىن «جاس ماماندار مەكتەبىنىڭ» وتىرىسى بولادى. وندا جوسپار بويىنشا جاس ماماندارعا ادىستەمەلىك كومەك بەرۋ اياسىندا ءار ءتۇرلى  ءىس-شارالار ۇيىمداستىرىلادى. سونىڭ ءبىرى كەزەكتى وتىرىسىندا «جاس ماماننىڭ نەگىزگى ماسەلەلەرى» تاقىرىبىندا وتكىزىلگەن دوڭگەلەك ۇستەل. دوڭگەلەك ۇستەلدىڭ جۇمىسىن قازاق ءتىلى مەن ادەبيەتى ءپانىنىڭ ءمۇعالىمى مۋحانبەتالينا گ.ك. جاس مامانداردى بۇگىنگى تاڭدا قانداي سۇراقتار مازالايدى دەگەن ساۋالمەن باستادى. جاس ماماندار ءوز ويلارىن ورتاعا سالۋ كەزىندە ولاردى كوپ سۇراقتار مازالايتىنى انىق بولدى. وسى ورايدا جاس مامان حايرات ايبولات ءوزىنىڭ  العاشقى قيىندىعىنىڭ  ءبىرى – ول ءمۇعالىم مەن وقۋشىنىڭ ءبىرىن-بىرى بىلمەۋى ەكەنىن اشىق ايتتى. باستاۋىش سىنىپ ءمۇعالىمى مالشىباي اقجول سىنىپ قۇجاتتارىن تولتىرۋدا، تاقىرىپتىق – كۇنتىزبەلىك جوسپار قۇرۋدا باعدارلامانى ءجىتى مەڭگەرە الماۋىنىڭ سالدارىنان كوپ قينالعانىن ايتتى. ءارى قاراي قاتىسۋشىلارىمىز بەرىلگەن تاقىرىپتىڭ نەگىزگى ويىن اشۋ ءۇشىن  وي-تۇجىرىمدارىن  قاعاز بەتىنە ءتۇسىرىپ، ءار توپ ءوز پوستەرلەرىن جوعارى دەڭگەيدە قورعاي ءبىلدى.سونىڭ ىشىندە مۋزىكا ءمۇعالىمى اساينوۆا اسەمگۇل مەن باستاۋىش سىنىپ ءمۇعالىمى ديۋسەمبينا اليا العىرلىقتارىمەن ەرەكشە كوزگە ءتۇستى. دوڭگەلەك ۇستەل سوڭىندا تالىمگەر ۇستازدار جاس ماماندارعا ءوز قىزمەتىنىڭ جەمىسىن كورۋ ءۇشىن  ۇشقىر وي، العىر زەيىن، اشىق كوز، وياۋ كوكىرەك كەرەك ەكەنىن ايتىپ، جاۋاپكەرشىلىگى مول ۇستازدىق جولىنا ساتتىلىك تىلەدى.

 

مۋحانبەتالينا گۋلميرا كايروللينوۆنا
قازاق ءتىلى مەن ادەبيەتى ءپانىنىڭ ءمۇعالىمى
زەرەندى اۋدانى اكىمدىگىنىڭ «پۋحالسك نەگىزگى مەكتەبى» كمم
زەرەندى اۋدانى
اقمولا وبلىسى

---