جاسىل كيىم
ونىمەن كەزدەسكەنىمىزدە ازان ايتىلىپ جاتقان ەدى.
— كەتتىك مەشىتكە بارايىق،- دەدىم.
— مەشىتكە بارمايتىنىمدى بىلە تۇرا مەنى اشۋلاندىرۋ ءۇشىن ايتىپ تۇرسىڭ با؟
— بىلەمىن، ءبىراق بارماۋىڭنىڭ سەبەبىن بىلگىم كەلىپ تۇر.
— ايتەۋىر بارعىم كەلمەيدى. جاسىل تۇسكە اللەرگيام بار. مىسالى، مىنا ۇستىڭدەگى كيىمىڭ جاسىل ەمەس، باسقا تۇستەگى كيىم بولعاندا ساعان جاراسار ەدى. ءوزىڭ دە بىلەسىڭ عوي، ادەمى كيىنۋگە وتە قۇمارمىن. ەگەر ناماز وقيتىن بولسام شالبارىمنىڭ قىرى بۇزىلادى.
سوزدەرى بوستەكى ەدى. ءبىر جاعىنان كۇلىپ تە جىبەردىم. شىنىمەن دە، ۇنەمى كيىمدەرىن ۇتىكتەپ، قىزىل گالستۋك تاعىپ جۇرەتىن.
— مەيلى، ومىرىڭدە ءبىر رەت بولسا دا مەشىتكە بارعانسىڭ با؟
— بالا كەزىمدە اتام بىرنەشە رەت ايت نامازىنا اپارعان. ەندى قايتا بارامىن دەپ ويلامايمىن.
ايتقان سوزدەرىن ەستىپ، ابدىراپ ساسىپ قالدىم. بۇل تاقىرىپتى قوزعاعانىما ءوزىم دە وكىنىپ قالدىم. دەرەۋ ونىمەن قوشتاسىپ، مەشىتكە قاراي بەتتەدىم.
كەيىنىرەك سويلەسكەنىمىزدەن كوپ ۇزاماي ونىڭ مەشىتتە ەكەنىن ەستىدىم. تاڭ قالدىم. «دەمەك ايتقان سوزدەرىم وعان جاقسى اسەر ەتكەن ەكەن» — دەپ ويلادىم. كىمنەن سۇراسام دا «مەشىتتە» — دەپ ايتادى.
تاڭ قالىپ، مەشىتكە قاراي اسىقتىم. بارعانىمدا ەڭ الدىڭعى قاتاردا ەكەن. ۇستىندە جاسىل ءتۇس. اقىرىن قاسىنا جاقىنداپ، تومەن داۋىسپەن سۇرادىم:
— قانە، مەشىتكە كەلمەيمىن دەگەن ەدىڭ؟...
ەش داۋىسىن شىعارمايدى. ويتكەنى جاسىل ماتامەن جابىلعان ءبىر تابىتتىڭ ىشىندە ەدى.
You Might Also Like
-
تار كيىمدەر اعزاداعى تىندەردىڭ قانمەن ازىقتانۋىنا بوگەت بولادى. ءارقاشان ەركىن قوزعالۋعا جانە دەنەنىڭ دەم الۋىنا بوگەت بولمايتىن كيىمدەر كيۋ كەرەك. قىس ايلارىندا كيىلەتىن نەيلون جانە سينتەتيكالىق ما...
-
ءبىر شاكىرت ۇستازىمەن ەگىن القابىن ارالاپ كەلە جاتادى. كەنەت جول شەتىندە جاتقان توزىعى جەتكەن ءبىر اياق كيىمگە ەكەۋىنىڭ كوزدەرى تۇسەدى.
