InfoHub Logo

جوبا ءادىسى باستاۋىش سىنىپ وقۋشىلار شەبەرلىگى مەن زەرتتەۋ داعدىلارىن قالىپتاستىرۋ قۇرالى رەتىندە

سوڭعى جىلداردىڭ ىشىندە مەكتەپتە جاڭا تەحنولوگيالاردى كەڭىنەن قولدانۋ ورىن الىپ وتىر. قازىرگى وقىتۋ ءۇردىسىنىڭ ماقساتى وقۋشىنى جان - جاقتى قالىپتاسقان، باسەكەلەستىككە بەيىم جەكە تۇلعا تاربيەلەۋ. ارينە
ساباقتا ءارتۇرلى جاڭا تەحنولوگيالار جانە ولاردىڭ بولشەكتەرى قولدانىلادى. ءبىراق وقۋشىلاردى ءبىلىمدى يگەرۋدە ءبىراز پروبلەمالار تۋىندايدى. سولاردىڭ ىشىندە مىناداي وزەكتى ماسەلەلەردى اتاپ ايتۋعا بولادى:
• وقىتۋ پروسەسىندە وزدىگىنەن جۇمىس ورىنداۋلارى تومەنگى دەڭگەيدە.
• بەرىلگەن تاپسىرمانى دۇرىس قابىلداماۋ جانە ونى تولىق جۇيەلى تۇردە ورىنداماۋ.
• الىنعان بىلىمدەرىن باسقا سالالاردا قولدانا الماۋى.

سوندىقتان قازىرگى تاڭدا شىعارماشىل ۇستازدار قاۋىمى جوبا ءادىسىن قولدانىپ ءجۇر.
الدىمەن جوبا ءادىسى دەگەنىمىز نە دەگەن سۇراققا جاۋاپ بەرىپ كورەيىن.
ەۆروپا تىلدەرىندە «جوبا» ءسوزى لاتىن تىلىنەن الىنىپ، projectus «الدىعا لاقتىرىلعان» دەگەن ماعىنانى بىلدىرەدى، «سويلەۋشى»، «كوزگە ءتۇسۋشى»، ياعني ءبىر وبەكتىنىڭ، ءبىر ءىستىڭ ءپروتوتيپى، پرووبرازى سياقتى، وسى ءىس — ارەكەت جوبا جاساۋعا اكەلەدى. جوبا ءادىسى وقۋشىلاردىڭ ءبىر پروبلەمانى شەشۋىن تالاپ ەتەدى. ال پروبلەمانى شەشۋ ءۇشىن ولار ءبىر جاعىنان ءار ءتۇرلى ءادىس - تاسىلدەردى قولدانسا، ەكىنشى جاعىنان ءار ءتۇرلى پاندەردەن الىنعان ءبىلىمنىڭ ينتەگراسياسىن پايدالانۋى كەرەك.
دەمەك، جوبا ءادىسى وقۋشىلاردىڭ بىلىمدىلىك سيتۋاسياعا ءتۇسىپ، ءوز پروبلەمالارىن ىزدەپ، تاۋىپ، شەشۋى، وزىندىك جۇمىستارىن، ءىس - ارەكەتىن ۇيىمداستىرۋى.
جوبالاپ وقىتۋ تەحنولوگياسىنىڭ تاريحى.
جوبالاپ وقىتۋ تەحنولوگياسى وتكەن عاسىردىڭ باسىندا اقش - تا دۇنيەگە كەلگەن. ونى پروبلەمالار ءادىسى دەپ تە اتاعان، امەريكا فيلوسوفى ءارى پەداگوگى دج. ديۋي، جانە وقۋشىسى ۋ. ح. كيلپاتري ويلاپ تاپتى. دج. ديۋي وقۋدىڭ بەلسەندى فورماسىن ۇسىندى. بۇل جەردە ومىردەن الىنعان پروبلەما قاجەت، ول بالا ءۇشىن ماڭىزدى ءارى تانىس بولۋى كەرەك، ونى شەشۋ ءۇشىن ءوز ءبىلىمىن پايدالانا الاتىنداي بولۋ كەرەك. ءمۇعالىم اقپارات كوزدەرىن قايدان الۋعا بولاتىنىن عانا ايتادى نەمەسە وقۋشى ويىنا وزىندىك جۇمىس جاساۋ ماقساتىندا باعىت بەرە وتىرىپ، بەلگىلى ءبىر پروبلەماعا قىزىعۋشىلىق تۋدىرىپ، جوبالاپ وقىتۋ ءىس - ارەكەتى ارقىلى العان ءبىلىمىن پايدالانىپ، شەشىم جولدارىن ۇعىندىرۋعا جەتەلەيدى. نەمەسە تەوريادان پراكتيكاعا جەتۋگە باعىت جاسايدى. جوبالاپ وقىتۋ تەحنولوگياسى ورىس پەداگوگتارىنىڭ دا نازارىن اۋدارعان. جوبالاپ وقىتۋ يدەياسى روسسيادا امەريكا پەداگوگتارىمەن پاراللەل كەلگەن. ورىس پەداگوگى س. ت. شاسكيي 1905 جىلى وقۋ ۇردىسىندە جوبالاپ وقىتۋ تەحنولوگياسىن پايدالاندى.