InfoHub Logo

جالپى جۋرناليست ءوز ماماندىعىنا ساي تالاپتارمەن جۇمىس جاسايدى. جۋرناليستتەردىڭ باستى مىندەتى اقپارات جەتكىزۋ، بەلگىلى ءبىر بيلىك پەن حالىق اراسىنداعى كوپىر قىزمەتىن اتقارۋ. قازىرگى تاڭدا اقپاراتتىڭ قانشالىقتى كوپ ءارى اۋقىمدى، ءورشىپ ايتساق ءقاۋىپتى ەكەنى كوبىمىزگە ءمالىم. نەلىكتەن قازىرگى تاڭدا ءجۋرناليستتىڭ قىزمەتىن تولىقتاي ەركىن دەپ ايتا المايمىن دەگەن سۇراققا جاۋاپ بەرگىم كەلىپ وتىر. بۇنىڭ بىردەن-بىر سەبەبى بۇل ارينە الەۋمەتتەگى جوعارى بيلىك نەمەسە بەلگىلى ءبىر اتىن اتاپ، ءتۇسىن تۇستەۋگە بولمايتىن جاندار. ياعني تولىقتىرا كەتسەم، ءبىزدىڭ ەلىمىزدە دە بەلگىلى ءاتى-جونى قۇپيا سانالاتىن ادامدار بار. ءبىراق ءجۋرناليستتىڭ قىزمەتى الەم بويىنشا ەركىن بولعانىمەن، ەلىمىزدە ياعني قازاقستاندا ەركىن ەمەس. نەگىزگى سەبەبى ءار ماماندىقتىڭ وزىندىك زاڭدارى، شەگى، رۇقسات ەتىلەتىن جاقتارى دا، رۇقسات مۇلدە بەرىلمەيتىن جاقتارى دا بولادى. جۋرناليست ماماندىعى جالپى وتە كۇردەلى ءارى ءقاۋىپتى ماماندىقتىڭ ءبىرى. قوعامنىڭ جوعىن جوقتاپ، ءتۇسىن تۇستەيتىن وسى جۋرناليستتەر بولىپ سانالادى. ەلگە اراشا ءتۇسىپ، بەيكۇنا حالىققا جاندارى اشىپ، سولار ءۇشىن قىزمەت ەتەتىندەر دە-جۋرناليستتەر. ءبىراق وسى حالىق قامىن ويلاپ جۇرگەن جۋرناليستتەر ماماندىقتارى بويىنشا جۇمىس ىستەگەنى ءۇشىن اقتالا ما الدە داتتالا ما؟ قازاقستان جۋرناليستيكاسى ءالى دە ەكى لاگەرگە بولىنەدى. ءبىرى مەملەكەتتىك تاپسىرىستى ورىنداۋشىلار بولسا، ەكىنشىسى ءوزىن تاۋەلسىز دەپ جاريالاعان، مەملەكەتتىك تاپسىرىس المايتىندار. بيلىكتىڭ سويىلىن سوعىپ، ۇكىمەتتىڭ ساياساتىن دارىپتەيتىندەر جىلدا قازاقستان جۋرناليستەر كۇنى قارساڭىندا قوماقتى قارجىلاي سىيلىققا يە بولىپ، مارتەبەلەرى ءوسىپ جاتسا، تاۋەلسىز باسىلىم جۋرناليستەرى بۇنداي ماراپاتتان تىس قالادى. كەرىسىنشە، جۋرناليستىك قىزمەتى ءۇشىن قۋدالانادى. الايدا بارلىق اقپارات كوزىن وسى جۋرناليستتەردەن الادى. سوندىقتان دا، ەل بولامىز دەسەك اقپاراتىمىزدى جوندەيىك. اقپاراتى مىقتى قوعام دامۋدىڭ دا سارا جولىنداعى، اقپارات قانشالىقتى ەركىن بولسا، قوعام دا سونشالىقتى ەركىن بولا الادى. قورىتىندىلاي كەلە، مەملەكەتتىڭ اقپاراتتىق ساياساتىن وزگەرتىپ، تاپسىرىسپەن جاسالاتىن اقپارات كوزىن جويساق نەمەسە كونتەنتتىڭ باقىلاۋدا بولماعانىن قاداعالاساق، جوعارى دەڭگەيگە شىعىپ، شىڭدالامىز دەگەن ويدامىن.

امانگەلدى اياجان

---