InfoHub Logo

قوجا جاس كەزىندە ساۋدامەن اينالىسپاق بولادى. وزىنەن جاستاۋ ءبىر دوسىن ەرتىپ، ءبىر قۇمىرا ءسۇت ساتىپ الادى دا، قالاعا ساتۋعا اپارادى. ءسۇتتى ساتقان سوڭ، ولار ءبىر قۇمىرا شىرىن ساتىپ الىپ، اۋىلعا اپارىپ ساتپاق بولادى. سولاي ەتەدى دە، ولار قۇمىرانى شىرىنعا تولتىرعان سوڭ، بۇلاردىڭ قالتاسىندا تاعى دا جيىرما بەس تيىن قالادى. قوجانىڭ جاسى ۇلكەن بولعاسىن، اقشا وزىندە قالادى. بۇلار شىرىندى الىپ، جولعا شىعادى.

ءبىراز جول جۇرگەن سوڭ، قوجا:

— ءتىفۋ-تىفۋ! تەك كوز تيمەسىن. ءسۇتتىڭ دە، شىرىننىڭ دا ساۋداسى ءساتتى بولدى! — دەيدى.

— ساۋدامىز وسىلاي ءساتتى بولا بەرسە، — دەيدى قوجانىڭ دوسى. — وندا ءبىز ەكى ايدا ءبىراز اقشا جيناپ الامىز، ءسويتىپ جوقشىلىقتان قۇتىلامىز.

ءبىراز جۇرگەن سوڭ، قوجاناسىر:

— قىمباتتى دوستىم، ءبىز بۇگىن ءبىراز اقشا تاپتىق. سونىڭ قۇرمەتىنە ءبىر كەسە شىرىن ىشكىم كەلىپ تۇر، — دەيدى.

— دوستىقتىڭ ءجونى ءبىر بولەك، — دەيدى دوسى، — ال اقشانى تەڭدەي بولىسەيىك. شىرىندى ەكەۋمىز بىرگە الدىق، ىشكىڭ كەلسە، اقشا تولە.

قوجا قالتاسىنداعى جيىرما بەس تيىندى دوسىنا بەرەدى دە، ءبىر كەسە شىرىن ىشەدى. دوسى بولسا، جيىرما بەس تيىندى قايتىپ بەرىپ، ول دا شىرىن ىشەدى. ءبىراز جۇرگەن سوڭ، قوجا دوسىنا جيىر ما بەس تيىندى بەرىپ، تاعى دا ىشەدى. سوسىن قوجانىڭ دوسى دا ىشەدى. قىسقاسى، ولار اۋىلعا جەتكەنشە، قۇمىرا دا بوساپ قالادى. ءبىراق ولاردىڭ قالتاسىندا، ايتەۋىر، جيىرما بەس تيىن قالدى عوي.

---