InfoHub Logo

اتاقتى جيرەنشە الىستا جۇرگەندە، جات جۇرتتا اۋىرىپ قايتىس بولادى. قارا ءتىلدىڭ شەشەنى جيرەنشەنىڭ ەلىنە ءسوز تاۋىپ، ءجون ءبىلىپ ەستىرتۋگە ەشكىمنىڭ باتىلى بارمايدى ەكەن. سول اۋىلدا جالعىز جەتىم بالا بار ەكەن:

— جيرەنشە شەشەننىڭ ءولىمىن ۇي-ىشىنە مەن ەستىرتەمىن، — دەپ جيرەنشەنىڭ اۋىلىنا جەتىپ، ۇيىنە كىرىپ كەلەدى. كىرىپ كەلسە، توردە ءبىر سۇلۋ قىز وتىرادى.

— ءسىز كىمى بولاسىز جيرەنشە شەشەننىڭ؟ — دەيدى.

— مەن جيرەنشەنىڭ قىزى قارلىعاشپىن، — دەيدى.

— ولاي بولسا، تىڭدا، — دەپ جەتىم بالا دومبىرانى تەرىس بۇراۋعا سالىپ، «اكەڭ ءولدى، قارىنداس» دەگىزىپ، ءبىر زارلى كۇيدى تارتا جونەلىپتى.

قابىرعاسى قايىسقان قارلىعاشتىڭ كوڭىلىن جۇباتپاق بولىپ، جەتىم بالا دومبىرانى وڭ بۇراۋعا تۇزەپ، سابىرلى سالماقتى تارتا كەلە، ءوزىنىڭ دە جەتىمدىگى ەسىنە ءتۇسىپ كەتىپ، زارلاپ قويا بەرگەنى دەيدى.

---