InfoHub Logo

ۇيىمداستىرىلعان وقۋ قىزمەتىنىڭ تەحنولوگيالىق كارتاسى
ءى كىشى توپ «تابيعات اياسىندا».
ءبىلىم سالالارى: كوممۋنيكاسيا. شىعارماشىلىق
كىرىكتىرىلگەن وقۋ قىزمەتى: كوركەم ادەبيەت. سۋرەت سالۋ.

«كوكونىس» ولەڭى ع. وكەيەۆ. «ۇلكەن قاربىز» (ساۋساقپەن سالۋ)
ماقساتى:
ب: بالالاردىڭ تىلدىك قارىم - قاتىناسقا، دۇرىس سويلەۋ تىلىنە نازار اۋدارا وتىرىپ، كوكونىس تۋرالى تۇسىنىكتەرىن قالىپتاستىرۋ، ولاردى دامىنە قاراي اجىراتۋعا ۇيرەتۋ.
د: سوزدىك قورىن تولىقتىرىپ، جەلىلى سۋرەتتەردى قاراۋعا ىنتاسىن ارتتىرا وتىرىپ، جاسىل ءتۇستى بوياۋمەن ساۋساق ءادىسى ارقىلى دوڭگەلەك ءپىشىن ىشىنە جولاق سالۋعا ۇيرەتىپ، قول ماتوريكاسىن دامىتۋ
ت: بالالاردى تانىمدىق قىزىعۋشىلىققا، بوياۋمەن جۇمىس جاساۋدا ۇقىپتىلىققا تاربيەلەۋ.
ادىستەر: اڭگىمەلەسۋ، سۇراق - جاۋاپ، ويىن سەرگىتۋ، سۋرەت سالۋ، ستو ادىستەرى ت. ب
كورنەكىلىكتەر: كوكونىستەر سۋرەتتەرى بەينە تاسپا ويىن، سلايد، ۇلەستىرمەلى ماتەريال.
سوزدىك جۇمىس: كوكونىس، قاربىز، قىزاناق، باقشا، باعبان ت. ب

موتيۆاسيالىق قوزعاۋشىلىق
ءى. قىزىعۋشىلىقتى وياتۋ. «وي قوزعاۋ».
تاربيەشى جىل مەزگىلىنىڭ تابيعات قۇبىلىستارىن بەينە تاسپادان كورسەتە وتىرىپ، سۇراقتارعا جاۋاپ الادى.
- ءقازىر جىلدىڭ قاي مەزگىلى؟
- كۇزدە قانداي وزگەرىستەر بولادى ەكەن؟
- كۇزدە نە جاۋادى؟
- كۇزدە قۇستار قايدا ۇشىپ كەتەدى؟
- كۇزدە اعاشتاردا قانداي وزگەرىستەر بايقالادى؟
- كوكونىستەر مەن جەمىستەر تۋرالى كىم تاقپاق ايتادى؟
بالالار وزدەرى بىلەتىن تاقپاقتارىن ايتىپ بەرەدى.

ۇيىمداستىرۋشىلىق - ىزدەنىستىك
ءىى. ماعىنانى تانۋ. «توپتاستىرۋ»
1. عابباس وكەيەۆتىڭ «كوكونىس» ولەڭىن وقىپ بەرۋ.
كوكونىستى كوپ ەكتىك
ءوسسىن، ءپىسسىن دەپ ەكتىك
كوكتەمدە ەككەن كوكونىس
كۇزدە بەردى كوپ ءونىس.
تاربيەشى بالالارعا ولەڭدى وقىپ، مازمۇنىن تۇسىندىرەدى. ولاردىڭ تىلدەرىن جاتتىقتىرىپ، ولەڭدى 1 - 2 رەت ىلەستىرە قايتالاتادى.
2. كوكونىستەر تۋرالى اڭگىمەلەۋ.
كوكونىستەردى كوكتەمدە تۇقىم سەبۋ ارقىلى وسىرەمىز. كۇز ايىندا جينايمىز. جەمىستەر باقتا، اعاشتا، ال كوكونىستەر باقشادا وسەدى. جەمىستەر مەن كوكونىستەردى قارايتىن ادامدى باعبان دەيمىز.
كوكونىستەر بىزگە مول ءونىم بەرۋ ءۇشىن، ءبىز ولاردىڭ توپىراعىن قوپسىتۋىمىز كەرەك، ارام ءشوبىن جۇلۋ جانە سۋعارۋىمىز كەرەك. جەر انا مەيىرىمدى، ويتكەنى كوكونىستەردى وسىرەدى، كۇن دە مەيىرىمدى شۋاعىن توگەدى.
كوكونىستەر جىلۋ سۇيگىش، سۋىققا ءتوزىمدى بولىپ كەلەدى ت. ب
3. سوزدىك جۇمىس: كوكونىس، قاربىز، قىزاناق، باقشا، باعبان
4. كوكونىستىڭ پايداسى
ءسابىزدىڭ قۇرامىندا دارۋمەندەر كوپ. كوپ جەسەڭدەر، سەندەردىڭ بويلارىڭ تەز وسەدى.
قاربىزدىڭ دا پايداسى كوپ. ونى جەگەن ادامنىڭ بۇيرەگىنە جاقسى پايداسى بار.
پيازدىڭ تۇماۋعا قارسى قاسيەتى بار. جەمىستەر مەن كوكونىستەردى جۋماي جەۋگە بولمايدى.
تاربيەشى بالالارعا قاربىزدى سيپاتتاپ جاسىرادى. ءوزى ۇلكەن، ءپىشىنى دومالاق، ءتۇسى جاسىل، سىرتى قاتتى، ءىشى قىزىل، ءدامى ءتاتتى. بالالار، ول قانداي كوكونىس دەپ ويلايسىڭدار؟
بالالاردىڭ جاۋابى.....
5. سۋرەت سالۋ.«ۇلكەن قاربىز» (ساۋساقپەن سالۋ).
تاربيەشى بالالارعا قاربىز بەينەسىن ساۋساقپەن سالىپ بويايتىندارىن ايتادى.
بالالارعا دوڭگەلەك ءپىشىندى قاربىز سۋرەتىنىڭ ىشىنە جاسىل ءتۇستى بوياۋمەن ساۋساق ءادىسى ارقىلى جولاق سالۋعا ۇيرەتىپ كورسەتەدى.
رەفلەكسيۆتىك - جيناقتاۋشى

ءىىى. وي تولعانىس. «ۆەنن» دياگرامماسى
«نە قايدا وسەدى؟» قيمىلدى ويىنى.
و/ماقساتى: بالالاردىڭ جەمىس پەن كوكونىستىڭ قايدا وسەتىنىن اجىراتۋعا ۇيرەتۋ.
قاربىز بەن پيازدى سالىستىرۋ.
پياز جەمىس پە، الدە كوكونىس پە؟
قاربىز شە؟
قۇرامىندا نە بار ەكەن؟
كوكونىستى جۋماي جەۋگە بولا ما؟ بالالاردىڭ جاۋابى....
دۇرىس ايتاسىڭدار. ياعني ولاردىڭ ورتاق قاسيەتى ەكەۋى دە كوكونىستەر. جارايسىڭدار بالالار بارلىقتارىڭ دۇرىس جاۋاپ بەردىڭدەر، ويىندى دا جاقسى وينادىڭدار.
بالالاردى ماقتاپ ماداقتاۋ.

كۇتىلەتىن ناتيجە:
بالالار جەمىس پەن كوكونىستەردى اتاي بىلەدى.
كوكونىستەردىڭ باقشادا وسەتىنىن، ولاردى جۋماي پايدالانۋعا بولمايتىنىن تۇسىنەدى.
سۋرەتتەرىن تانىپ، ءپىشىنىن، ءتۇسىن اجىراتىپ، قولدانا الادى.