InfoHub Logo

شىعىس قازاقستان وبلىسى، زايسان اۋدانى.
ينفورماتيكا ءپانىنىڭ ءمۇعالىمى تاقاش قازيزا

ساباقتىڭ تاقىرىبى: كومپيۋتەردىڭ قوسىمشا قۇرىلعىلارى
ساباقتىڭ ماقساتى:
بىلىمدىلىك: وقۋشىلاردى كومپيۋتەردىڭ قوسىمشا قۇرىلىمدارىمەن تانىستىرۋ جانە ولاردىڭ اتقاراتىن قىزمەتىن ۇيرەتۋ.
تاربيەلىلىك: وقۋشىلاردى تارتىپتىلىككە، جۇيەلىلىككە تاربيەلەۋ.
دامىتۋشىلىق: وقۋشىلاردىڭ ويلاۋ قابىلەتىن، لوگيكاسىن دامىتۋ.
ساباقتىڭ ءتۇرى: جاڭا ساباق.

ساباقتىڭ بارىسى:
1. وقۋشىلاردى ۇيىمداستىرۋ (1 مينۋت).
2. ءۇي تاپسىرماسىن تەكسەرۋ (5 مينۋت).
3. جاڭا ساباق ءتۇسىندىرۋ (20 مينۋت).
4. پراكتيكالىق جۇمىس (15 مينۋت).
5. ءۇي تاپسىرماسىن بەرۋ (1 مينۋت).
6. باعالاۋ (1 مينۋت).
7. قورىتىندى (2 مينۋت)

ءۇي تاپسىرماسىن تەكسەرۋ
1. كومپيۋتەر ەڭ نەگىزگى قۇرىلمدارى قايسى؟
2. جۇيەلىك بلوكتىڭ قۇرامىنا نەلەر جاتادى؟
3. پەرنەتاقتا قانداي بولىكتەردەن تۇرادى؟
تەست تاپسىرمالارىن تەكسەرۋ

جاڭا ساباقتى ءتۇسىندىرۋ:
كومپيۋتەردىڭ جۇيەلىك بلوگىنا قوسىمشا قوسىلاتىن قۇرىلعىلار قوسىمشا قۇرىلعىلار دەپ اتالادى.
پرينتەر – ماتىندىك جانە گرافيكتىك اقپاراتتى قاعازعا شىعارۋ قۇرىلعىسى.
سكانەر – كومپيۋتەرگە ماتىندىك جانە گرافيكتىك اقپاراتتى قاعازعا ەنگىزۋ قۇرىلعىسى.
مودەم – تەلەفون جەلىلەرى بويىمەن اقپارات تاراتۋ قۇرىلعىسى.
باعان (كولونكا) – دىبىستىق اقپاراتتى شىعارۋ قۇرىلعىسى.
DVD (CD)- ROM – لازەرلىك ديسكىلەردى كورۋگە ارنالعان قۇرىلعى.
تىشقان – كومپيۋتەرمەن جۇمىس ىستەۋگە ارنالعان ىڭعايلى قۇرىلعى.
اقپارات تاسىعىشتار:
 قاتتى ديسك (ۆينچەستەر)
 جۇمساق ديسك (ديسكەتا)
 لازەرلىك ديسكىلەر
 فلەش - جادى.

قاتتى ديسكى – ۇلكەن كولەمدەگى دەرەكتەر مەن پروگراممالاردى ۇزاق ۋاقىتقا ساقتايتىن نەگىزگى قۇرىلعى.
ديسكەتا – شامالى كولەمدى دەرەكتەردى كوپ قايتارا جازىپ، ساقتاۋ ءۇشىن قولدانىلاتىن تاسىمالداناتىن ماگنيتتىك اقپارات تاسىعىش.
قىسقارتىلعان CD - ROM تىركەسى قازاق تىلىنە ىقشام ديسكى نەگىزىندەگى تۇراقتى ساقتاۋ قۇرىلعىسى دەپ اۋدارىلادى. ال DVD ديسكى – ۇلكەن كولەمدى اقپاراتتى ساقتاۋعا جانە وقۋعا مۇمكىندىك بەرەتىن ارتىعىراق تىعىزدىقتاعى قۇرىلىمدى جۇمساق بەتى بار تاسىعىش.
زاماناۋي اقپارات تاسىمالدايتىن قۇرىلعىلار – ول فلەش - جادىلار. ولارعا اقپاراتتى كوپ رەت قايتا جازۋعا بولادى. مۇنداي تاسىعىشتاردىڭ فيزيكالىق مولشەرلەرى ۇلكەن ەمەس، ال سيىمدىلىعى جىلدان - جىلعا ارتىپ كەلەدى.
اقپارات تاسىعىشتاردىڭ نەگىزگى كورسەتكىشى – ولاردىڭ سىيىمدىلىعى.
سىيىمدىلىق – تاسىعىشتا ساقتالاتىن اقپاراتتىڭ شەكتىك ساندىق مولشەرى.

ساباقتى بەكىتۋ:
وقۋلىقتاعى باقىلاۋ سۇراقتارى مەن تاپسىرمالاردى ورىنداۋ.

ءۇي تاپسىرما: وتىلگەن تاقىرىپتى قايتالاي وقىپ كەلۋ جانە تەست تاپسىرمالارىن ورىنداۋ.
باعالاۋ: ءۇي تاپسىرماسى جانە پراكتيكالىق جۇمىستى جاساۋ بويىنشا باعالانادى.
قورىتىندى:
بۇگىنگى ساباقتا نە ۇيرەندىك. كومپيۋتەردىڭ قانداي قوسىمشا قۇرىلعىلارى بار؟