InfoHub Logo

ساباقتىڭ تاقىرىبى: كومپيۋتەرلىك گرافيكا تۇرلەرى
ماقساتى: بىلىمدىلىك: وقۋشىلاردى كومپيۋتەرلىك گرافيكا ۇعىمىمەن تانىستىرا وتىرىپ، گرافيكانىڭ تۇرلەرى، رەداكتورلارى تۋرالى بىلىمدەرىن قالىپتاستىرۋ؛
دامىتۋشىلىق: وقۋشىلاردىڭ كومپيۋتەرلىك گرافيكامەن جۇمىس ىستەۋ ۇيرەتۋ ارقىلى تەوريالىق ءبىلىمىن، وي - ءورىسىن، شاپشاڭ ويلاۋ قابىلەتىن دامىتۋ؛
تاربيەلىك: وقۋشىلاردى جان - جاقتى بولۋعا، تەحنيكالىق قۇرىلعىلاردى پايدالانۋ بارىسىندا جۇيەلىلىككە تاربيەلەۋ.
كۇتىلەتىن ناتيجە: گرافيكانى وڭدەيتىن باعدارلامالاردى بىلەدى، ءپىشىمىن اجىراتادى، سۋرەتتەردى وڭدەيدى.
ساباقتىڭ ءتۇرى: ارالاس ساباق
كەرەكتى جابدىقتار: وقۋلىق، ينتەراكتيۆتى تاقتا، كومپيۋتەر، پوستەرلەر، ەلەكتروندى وقۋلىق، ينتەرنەت ماتەريالدارى، تاراتپا ماتەريالدار، توپ ەرەجەسى، باعالاۋ ديسكريپتورلارى مەن باعالاۋ پاراعى.

I. ۇيىمداستىرۋ كەزەڭى 2 مين
سالەمەتسىزدەر مە، بالالار!
توپقا ءبولۋ:
1 - توپ: راسترلىق گرافيكا
2 - توپ: ۆەكتورلىق گرافيكا
بۇگىن ءبىز «كومپيۋتەرلىك گرافيكا الەمىنە» ساياحات جاسايمىز! ءبىراق الدىمەن ءبىز سەندەرمەن وتكەن ساباقتا بەرىلگەن ءۇي تاپسىرماسىن تەكسەرىپ الامىز.

II. ءۇي تاپسىرماسىن سۇراۋ
«سايكەستەندىرۋ تەستى» ءادىسى
5 مين 1. مودەلدەردىڭ بارلىق تۇرلەرى..... ۇلكەن كلاسقا بولىنەدى.
ا) 3 ب) 2 س) 4 د) 5
2. مودەلدىڭ كلاسستارىن كورسەت:
ا) ماتەريالدىق جانە اقپاراتتىق مودەل
ب) سوزدىك جانە اقپاراتتىق مودەل
س) كەستەلىك جانە سۇلبالىق مودەل
د) زاتتىق جانە سۇلبالىق مودەل
3. مودەلدەردى ۇعىمدارىمەن سايكەستەندىر:
1. ماتەريالدىق مودەل
2. اقپاراتتىق مودەل
ا. مودەلدەۋ نىسانىنىڭ ماڭىزدى بەلگىلەرىن كورسەتەتىن ناقتى ءبىر زات.
ب. مودەلدەۋ نىسانىن قانداي دا ءبىر تىلدە سيپاتتايدى.
4. اقپاراتتىق مودەل تۇرلەرىن بەلگىلەڭدەر:
ا) كەستە
ب) ۆيدەو
س) سۇلبا
د) اۋديو
5. نۇكتەلەر ورنىن تولتىر:
كومپيۋتەرلىك مودەلدەر.................. مودەلدەرگە جاتادى.

III. جاڭا ساباقتى ءتۇسىندىرۋ
وقۋشىلار بۇگىن ءبىز سەندەرمەن «كومپيۋتەرلىك گرافيكا تۇرلەرىمەن تانىسامىز». بۇگىنگى ساباعىمىزداعى تىرەك سوزدەر:
كومپيۋتەرلىك گرافيكا. گرافيكالىق رەداكتور. ەكى ولشەمدى. ۇشولشەمدى.
راستر. ۆەكتور. فراكتال.
سەندەرگە 2 مين ۋاقىت، وقۋلىقتان تىرەك سوزدەردىڭ انىقتاماسىن ىزدەپ تابىڭدار.
ادام ومىرىندە سۇرەتتىڭ ورنى ەرەكشە. ال ينفورماتيكاداعى سۇرەت بۇل – كومپيۋتەرلىك گرافيكا.
گرافيكا – سىزبا قۇرالداردىڭ كومەگىمەن جاسالعان سۇرەت.
گرافيكالىق رەداكتور – گرافيكالىق بەينەلەردى قۇرۋعا نەمەسە وڭدەۋگە ارنالعان پروگرامما.
كومپيۋتەر كومەگىمەن قۇرىلعان كەسكىندەر كومپيۋتەرلىك گرافيكا دەپ اتالادى.
كومپيۋتەرلىك گرافيكا – پروگراممالىق جانە اقپاراتتىق قۇرالدار ارقىلى كەسكىندى قۇرۋعا بولاتىن، وڭدەۋ تاسىلدەرى مەن ادىستەرىن زەرتتەيتىن ينفورماتيكانىڭ سالاسى.
بارلىق كومپيۋتەرلىك كەسكىندەردى ەكى ۇلكەن كلاسقا بولۋگە بولادى: ەكىولشەمدى جانە ۇشولشەمدى.
ەكىولشەمدى – 2D، 2 Dimensions – 2 ولشەۋ - راسترلىق، ۆەكتورلىق جانە فراكتالدىق كومپيۋتەرلىك گرافيكانىڭ تۇرلەرى جاتادى.
ۇشولشەمدى – 3D، 3 Dimensions – 3ولشەۋ – كولەمدى وبەكتىلەردى بەينەلەۋگە ارنالعان تاسىلدەرمەن قۇرالداردىڭ جيىنتىعىنان تۇراتىن كومپيۋتەرلىك گرافيكانىڭ بولىگى.
(1 - سۇلبا)

كومپيۋتەرلىك گرافيكا تۇرلەرى. جۇكتەۋ