- كورمەيمىن! - دەيسىڭ،
كورمەسەڭ، مەيلىڭ، كورمەگىن!
كورەتىن كوكتەن ءتاڭىرىم ەمەس سەن مەنىڭ.
كورمەدىڭ،
مەيلىڭ،
كوڭلىندى ماعان بولمەگىن،
مەن-داعى قاراپ ولمەدىم،
تۇسىڭنەن، بالەم، شوشىتار،
مەندەگى لەپ، مەندەگى ءۇن.
سەزىنە تۇرا،كەلمەيدى-اۋ، ءسىرا، بىلمەگىڭ...
بىلمەگىن، مەيلىڭ، بىلمەگىن!
سەزەدى مەنى سەنسىز دە،
مازاسىز وتكەن كۇندەرىم،
ۇيقىسىز وتكەن تۇندەرىم.
ۋاقىتتارمەن بىرگەمىن.
كورمەسەڭ، كورمە،
بىلمەسەڭ بىلمە،
شىراعىم مەنىڭ سونبەيدى،
شىدامىن تاۋسىپ سەندەيدىڭ،
مازاسىز جانىم،ماعان ءبىر تىنىم بەرمەيدى،
داريعا-جۇرەك جوق نارسەلەرگە شولدەيدى.
كورمەسەڭ مەيلىڭ،كوزىڭە سەنىڭ ۇرىنبان.
ۇرىنبان، ءبىراق بۇعىنبان!
ەسىڭدە بولسىن!
قۇلاگەرى دە سەرىنىڭ
سورەگە جەتپەي جىعىلعان...

---