كۋرچاتوۆتا 600 ورىندىق قازاق مەكتەبى اشىلدى
تاياۋدا كۋرچاتوۆ قالاسىندا 600 ورىندىق جاڭا قازاق مەكتەبى سالتاناتتى تۇردە اشىلدى.
«نۇرلى جول» باعدارلاماسى بويىنشا سالىنعان № 4 جالپى ءبىلىم بەرەتىن ورتا مەكتەپ № 1 مەكتەپتىڭ ءۇش اۋىسىمدا ءبىلىم الۋ ماسەلەسىن شەشۋگە باعىتتالعان، دەپ جازادى وبلىستىق «ديدار» گازەتى.
قالا اكىمى نۇربول نۇرعالييەۆ قۇتتىقتاۋ سوزىندە جاڭا مەكتەپ ءوسىپ كەلە جاتقان ۇرپاققا ءبىلىم مەن تاعىلىمدى تاربيە بەرەتىنىن ايتىپ ءوتتى. جاڭا مەكتەپ ۇجىمىنا ەلىمىزدىڭ پاتريوتتارى مەن بىلىكتىلىگى جوعارى مامانداردى تاربيەلەۋ جولىنداعى ەڭبەكتەرىنە ساتتىلىك تىلەدى.
مەكتەپتىڭ قۇرىلىسىنا 867 ملن تەڭگە ۇلتتىق قوردان ءبولىندى. مەكتەپتىڭ قۇرىلىسىنا 3،2 گا اۋماقتى الاتىن جەر تەلىمى بەرىلگەن. مەكتەپتىڭ اۋماعى 2 ايماققا بولىنگەن: دەنە شىنىقتىرۋ-سپورت جانە ءارتۇرلى جاستاعى وقۋشىلارعا ارنالعان قيمىل-قوزعالىس ويىندار الاڭدارى بار دەمالىس ايماعى. جاڭا مەكتەپتە وقۋ پروسەسىن ىڭعايلى ەتۋ ءۇشىن بارلىق جاعداي جاسالعان. سىنىپتار كومپيۋتەرلىك تەحنيكامەن، ينتەراكتيۆتى تاقتالارمەن، كورنەكتى ادىستەمەلىك قۇرالدارمەن جابدىقتالعان.
You Might Also Like
-
اقمولا وبلىسى، استراحان اۋدانى “ستارىي كولۋتون ورتا مەكتەبى” مم 7 “ا” سىنىپ وقۋشىسى: مەيرمانوۆا اسەم جانات قىزى عىلىمي جوبا جەتەكشىسى: ءى ساناتتى ح...
-
وقو، تۇركىستان قالاسى ش.نيازوۆ اتىنداعى جالپى ورتا مەكتەبىنىڭ 8 "ب" سىنىپ وقۋشىسى: جۋمادۋللايەۆ شاحرۋح داۆران ۇلى جەتەكشىسى: اجيمەتوۆا ۆازيرا يبادۋللايەۆنا
