بۇگىن دە، كەشە دە، وتكەندە
ىزدەسەڭ قاتەلىك كوپ مەندە.
قاۋعاداي باسىما بارلىعى
ءسىرا دا سوقپاي ءبىر وتكەن بە...
ىزدەسەن، قاتەلىك كوپ مەندە،
سەن ءبىراق تۇڭىلمە، جەك كەرمە!
لايساڭ، جاۋىندار، داۋىلدار
بولماي ما كۇن شۋاق كوكتەمدە.
ومىردە كەڭ، داڭعىل جول قايدا...
داۋىلدار، جاۋىندار بولماي ما،
باس قورعاپ جاتاتىن وندايدا
ايتشى ءوزىڭ، مەن شىمشىق تورعاي ما؟
لايساڭ جاۋىندار، جاۋىڭدار،
جاۋىڭدار، جاۋىڭدار، جاۋىڭدار.
لاي سۋ شايمايتىن ارىم بار
داۋىلدان قورىقپاس جانىم بار!!!
ىزدەسەڭ قاتەلىك كوپ مەندە
بۇگىن دە، كەشە دە، وتكەندە،
سەن ءبىراق تۇڭىلمە، جەك كورمە!!!

---