LEAN-مادەنيەتى قازپوشتانىڭ سۇرىپتاۋ ورتالىقتارىنىڭ تيىمدىلىگىن ارتتىردى
Lean-جۇيەسىن (ۇنەمدى ءوندىرىس تەحنولوگياسىن) ەنگىزۋ ارقىلى وڭىرلەردەگى ۇلتتىق پوشتا وپەراتورىنىڭ پايدالى وندىرىستىك الاڭدارىنىڭ قولدانىستاعى الاڭى 70%-عا كەڭەيدى. بۇل تۋرالى «قازپوشتا» اق-نىڭ باسپا ءسوز قىزمەتى جازدى.
«سونداي-اق، پوشتالىق جونەلتىلىمنىڭ وڭدەۋ ۋاقىتى ەداۋىر قىسقارتىلدى. ەندى ءىرى حابتاردى وڭدەۋ ءبىر تاۋلىك ۋاقىتتى الادى. ال ايماقتىق سۇرىپتاۋ ورتالىقتارىندا – 24 ساعاتتان 12 ساعاتقا دەيىن تومەندەدى. قىزمەتكەردىڭ ونىمدىلىك تيىمدىلىگى ەكى ەسە ءوستى»، – دەلىنگەن پورتالدا.
قازپوشتانىڭ 16 سۇرىپتاۋ ورتالىقتارىندا مۇنداي بيزنەس-ۇدەرىستەردى وڭتايلاندىرۋ ترانسفورماسيا باعدارلاماسى شەڭبەرىندە وتكىزىلەدى. ناتيجەسىندە ورتالىقتاردىڭ ءارتۇرلى بولىمدەرىن ورنالاستىرۋ قايتا قارالدى. پوشتانى سۇرىپتاۋ وپەراسيالارى اۆتوماتتاندىرىلدى. بۇعان قوسا، تاسىمالداۋ ازايتىلىپ، شىعىندار جويىلدى.
«شامامەن 1500 سۇرىپتاۋشىلار جانە پوشتاشىلار LEAN-مادەنيەتىن ارنايى وقىتۋ ادىستەرىننەن ءوتتى، ال ۇزدىك ماماندار تاجىريبەنى رەسەيدە جانە گەرمانيادا وتكەن بولاتىن»، – دەپ جازىلعان باسىلىمدا.
بۇل جۇيەنىڭ قىزمەتكەرلەر ءۇشىن پايداسى كوپ ەكەن. ياعني، ولاردىڭ ۇنەمدىلىك جۇيەگە ارالاسۋعا جانە Lean-ويلاۋدى قالىپتاستىرۋعا مۇمكىندىك بەرىپ جاتىر.
LEAN-مادەنيەت – وندىرىستىك كاسىپورىندى باسقارۋعا ارنالعان كونسەپسيا. بۇل ءوز كەزەگىندە شىعىنداردى بولدىرماۋعا ىقپال ەتەتىن، جۇيەلى ءتاسىل. سونىمەن قاتار، بيزنەستى وڭتايلاندىرۋعا جانە ونداعى قىزمەتكەرلەردىڭ تۇتىنۋشىلارعا ساپالى قىزمەت ۇسىنۋىنا ىقپال ەتەدى.
You Might Also Like
-
«الەمگە ايگىلى فيلوسوف، پلاتون مەن اريستوتەلدىڭ ۇستازى كەمەڭگەر سوكراتتى جەندەتتەر دەدەكتەتىپ سوت الاڭىنا اكەلدى. سوت ءتوراعاسى قارت دانىشپانعا اقتالۋعا ءسوز بەرەدى....»
-
شىعىس قازاقستان وبلىسى سەمەي قالاسى سەمەي قالاسىنىڭ شاكارىم اتىنداعى مەملەكەتتىك ۋنيۆەرسيتەتىنىڭ «5ۆ010900» - ماتەماتيكا ماماندىعىنىڭ ستۋدەنتتەرى نۋرلانوۆا ەلنارا، ابديساماتوۆا گۋلد...
