InfoHub Logo

ساباق تاقىرىبى: ماعىناسى قاراما - قارسى سوزدەر.
ساباق ماقساتى: ماعىناسى قاراما - قارسى سوزدەردى مەڭگەرتۋ جانە ءسوز ماعىناسىنا ءمان بەرۋدى ۇيرەتۋ.
مىندەتتەرى: 1. ءسوز ماعىناسى قاراي تۇرلەرىن ەسكە تۇسىرە وتىرىپ، قاراما - قارسى ماعىنالى سوزدەردى تابا بىلۋگە جانە بايلانىستىرىپ سويلەم قۇراي بىلۋگە قالىپتاستىرۋ.
2. وقۋشىلاردىڭ ەستە ساقتاۋىن جانە ءتىلىن، سوزدىك قورىن دامىتۋ.
3. تەز ويلاۋعا، دۇرىس شەشىم قابىلداۋعا باۋلۋ. حالىق پەداگوگيكاسىن دارىپتەۋگە ۇيرەتۋ.
ءتۇرى: ساياحات ساباق
ءتيپى: جاڭا ءبىلىمدى مەڭگەرۋ
ادىستەرى: سۇراق - جاۋاپ، ىزدەنۋ، وي قورىتۋ، كورنەكىلىك ءادىسى، سايكەستەندىرۋ تەستى كورنەكىلىك: ينتەراكتيۆتى تاقتا، سلايدتار، ۇلەستىرمەلەر

ساباق بارىسى
ءى. ۇيىمداستىرۋ ءبولىمى.
پسيحولوگيالىق دايارلىق
- اق كوڭىلدى جۇرەكپەن
اق نيەتتى تىلەكپەن
امانداسىپ الايىق
قوناقتارعا ىزەتپەن

ءىى. وتكەندى قايتالاۋ. تىرەك ءبىلىمدى جەتىلدىرۋ.
بالالار، بۇگىنگى ساباعىمىز بۇرىنعىدان ەرەكشە بولماق. ويتكەنى، ءقازىر ءبىز
« جەتى اتا»اۋلىنا ساياحات جاسايمىز.
ساياحاتقا شىعۋ ءۇشىن وزىمىزگە كولىك ازىرلەپ الايىق. بۇرىن اتا - بابالارىمىز تەحنيكا دامىماعان، ماشينا بولماعان كەزدە كولىك رەتىندە نەنى پايدالانعان؟
- اتتى، تۇيەنى، وگىزدى
- سەندەر سونىڭ قايسىسىن قالايسىڭدار؟
- اتتى.
- جارايدى، اتتى جولعا ازىرلەيىك.
- اتتى شاناعا جەگۋ ءۇشىن قانداي جابدىقتار كەرەك؟
- قامىت، دوعا، دەلبە، شانا، ەرشىك ت. ب.
سۇراقتارعا جاۋاپ بەرە وتىرىپ، اتامىزدىڭ اۋىلىنا كەلىپ قالىپپىز.

1 «اتا» اۋىلى سەندەردىڭ بىلىمدەرىڭدى تەكسەرمەكشى ەكەن، مىناداي تاپسىرمالار دايىنداپتى.
«سىناق دورباسى»
● ءسوز ماعىناسىنىڭ تۇرلەرىن اتا.
● ماعىناسى جۋىق سوزدەرگە مىسال كەلتىر.
● ماعىناسى قاراما - قارسى سوزدەرگە مىسال كەلتىر.
● دىبىستالۋى بىردەي، ماعىناسى ءار باسقا سوزدەرگە بايلانىستى سويلەم ويلا.
ءىىى. ماقسات قويۋ كەزەڭى
● ديداكتيكالىق ويىن. وي قوزعاۋ (مىسالداردى شەشە وتىرىپ، جاڭا تاقىرىپ اشىلادى)
232 * 20
348 * 2
3720: 3
ماعىناسى قاراما - قارسى سوزدەر
ال بالالار، ساياحاتىمىزدى جالعاستىرايىق. الدىمىزدا كورىنگەن قاي اۋىل؟.

ءىىى. جاڭا ساباق داپتەرمەن جۇمىس
2 «اكە» اۋىلى.
كوركەم جازۋ. ج ج
جەتى
جەتى اتاسىن بىلگەن ەر،
جەتى جۇرتتىڭ قامىن جەر.

3 «بالا» اۋىلى.
بۇل اۋىلدا «پوەزيا مينۋتىن» وتكىزەمىز.
7 - جاتتىعۋ
قىزعالداقتىڭ قاسىنا
قويىپ ەدىم قوندىرماي،
ءبىزىن سۇعىپ باسىما
شاقتى - اۋ ارا وڭدىرماي

ەندى تيمەن وعان مەن،
ءىسىپ كەتتى باس، شەكەم.
بالى ءتاتتى بولعانمەن،
ءتىلى ءوزىنىڭ اششى ەكەن!
(قادىر مىرزا ءالي)
اۆتور تۋرالى مالىمەت ايتىلادى)
● ولەڭدى مانەرلەپ وقيدى.
● ماعىناسى قاراما - قارسى سوزدەردى تابادى: ءتاتتى - اششى

4. ال بالالار، ءۇش اۋىلعا ساياحات جاساپ، شارشاڭقىراپ قالعان بولارمىز. ەندى «نەمەرە» اۋىلىنا كەلدىك. بۇل اۋىلدا «سەرگىتۋ ءساتىن» جاساپ الايىق.
سەرگىتۋ ءساتى
ورنىمىزدان تۇرايىق،
الاقاندى ۇرايىق،
العا قاراي ءبىر ادىم
ارتقا قاراي ءبىر ادىم
جوعارى - تومەن قارايىق
ءبىر وتىرىپ، ءبىر تۇرىپ
ورنىمىزدى تابايىق.
- بالالار سەرگىتۋ ساتىندە دە ءبىز قانداي قاراما - قارسى سوزدەر پايدالاندىق؟( جوعارى – تومەن، العا – ارتقا، وتىر - تۇر)
«نەمەرە» اۋلى مىناداي تاپسىرما دايىنداعان ەكەن؟
● ماقالدى جاتقا جازۋ
1. مەيىرىمدى العىس السا،
مەيىرىمسىز قارعىس الار.
2. اقىلدى ءىس تىندىرادى،
اقىماق ءتىس سىندىرادى.
* ماعىناسى قاراما - قارسى سوزدەردىڭ استىن سىز.
5. كانە، بالالار ساياحاتمىزدى جالعاستىرايىق. ءالى دە باراتىن اۋىلدارىمىز بار، ۋاقىت بولسا جاقىن قالدى.
كوزدى اشىپ جۇمعانشا «شوبەرە» اۋىلىنا كەلىپ قالىپپىز. «سيقىرلى ساندىق» ازىرلەپتى.(ساندىقتىڭ ىشىنەن سوزدەردى الىپ، ماعىناسى قاراما - قارسى ءسوزدى تابادى)
● بەرىلگەن سوزدەرگە ماعىناسى قاراما - قارسى سوزدەردى تاپ.
مەيىرىمدى - مەيىرىمسىز
جۋاس - اساۋ
قىمبات - ارزان
سۇيىق - قويۋ
قاشىق - جاقىن

6. «شوبەرە» اۋىلىنان شىعىپ،«شوپشەك» اۋىلىنا بەت الدىق. مىنە،
«شوپشەك» اۋىلىنا كەلدىك. «شوپشەك» اۋلى سەندەرگە مىناداي تاپسىرما دايىنداپتى.
10 - جاتتىعۋ.
● تەك ماعىناسى قاراما - قارسى سوزدەر جۇبىن تەرىپ جاز.
● كەستەنى پايدالانىپ، پىكىرىڭدى دالەلدەپ ۇيرەن.
جاقسى – جامان، جوعارى – تومەن، وڭاي – قيىن، ۇلكەن – كىشى.
دالەلدەۋ ۇلگىسى: جاقسى جانە جامان سوزدەرى - ماعىناسى قاراما - قارسى سوزدەر، ويتكەنى ەكەۋىنىڭ ماعىناسى ءبىر - بىرىنە قاراما - قارسى، ءارى ەكەۋى دە سىن ەسىمگە جاتادى.
● ءوزىڭ قالاعان ءسوز جۇپتارىمەن ءسوز تىركەسىن جاز.
جاقسى بالا، جامان ادام، وڭاي تاپسىرما، قيىن ەسەپ، ۇلكەن ءۇي، كىشى بولمە.
7. ال، بالالار، سوڭعى اۋىلعا كەلىپ جەتتىك. بۇل قانداي اۋىل؟ «نەمەنە»اۋىلى
3 توپقا ءبولىپ تاپسىرما دايىنداپتى.
1 توپ – سايكەستەندىرۋ تەستى
2 توپ – ماعىناسى قاراما - قارسى سوزدەرى بار سويلەمدەر جازۋ.
3 توپ – ىشىندە قاراما - قارسى ماعىناسى بار جۇمباق نە ماقال - ماتەل تاۋىپ جاز.
3. ساباقتى قورىتۋ.
«نەمەنە» اۋلىنان مىناداي سىيلىق بەرىپتى. اۋزىن اشۋ مىنا ءبىر تاپسىرمانى ورىندايىق: «سيقىرلى ۇياشىق»
ەرەجە - 10 20
ماقال – ماتەل - 10 20
تۇسىندىرمە - 10 20
ءار ءتۇرلى سوزدىك - 10 20

ەرەجە
10 - ءسوز ماعىناسىنا قاراي قانداي تۇرلەرگە بولىنەدى؟
20 - قانداي سوزدەر قاراما - قارسى ماعىنالى ءسوز دەپ اتالادى؟
ماقال - ماتەل
10 - ءبىلىم سوزىنە بايلانىستى ماقال ايت.
20 - جالعاستىر. جاقسىدان ۇيرەن،.......
تۇسىندىرمە سوزدىك
10 – «مومىن» ءسوزىنىڭ ماعىناسىن ءتۇسىندىر. ماندەس ءسوز ايت.
20 – «شىق» ءسوزىنىڭ ماعىناسىن ءتۇسىندىر.
ءار ءتۇرلى
10 - جەتى اتاڭدى اتا.
20 - جەتى قازىنانى اتا.
بۇگىنگى ساباقتا نە ىستەدىڭ، نە ۇيرەندىڭ؟ جەتى اتا قالاي بولىنەدى ەكەن؟
اتا، اكە، بالا، نەمەرە، شوبەرە، شوپشەك، نەمەنە
4. باعالاۋ.( قوراپتىڭ ءىشىن اشىپ، بالالارعا باعالار ۇلەستىرىلەدى)
5. ۇيگە تاپسىرما. 12 - جاتتىعۋ(72 بەت)

سەمەي قالاسى.
باستاۋىش سىنىپ ءمۇعالىمى
كۋتەشوۆا جادىرا سەريكالييەۆنا