InfoHub Logo

سىنىبى: 9، 10، 11 سىنىپتار
تاقىرىبى: «ماتەماتيكا – بارلىق عىلىمدار پاتشاسى، ال اريفمەتيكا ونىڭ پاتشاسى»
ماقساتى: وقۋشىلاردىڭ ءبىلىم دەڭگەيىن انىقتاۋ، ويلاۋ قابىلەتىن دامىتۋ، ماتەماتيكا پانىنە دەگەن قىزىعۋشىلىعىن ارتتىرۋ. وقۋشىلاردىڭ شىعارماشىلىق ىزدەنىسىن، تاپقىرلىعىن، زەرەكتىگىن، ويلاۋعا يكەمدىلىگىن دامىتۋعا ىقپال ەتۋ. وقۋشىلاردى العىرلىققا، شاپشاڭدىققا، تاپقىرلىققا تاربيەلەۋ.
ءتۇرى: ماتەماتيكالىق سايىس
ءادىسى: توپ بويىنشا جۇمىس
كورنەكىلىگى: جىلجىمالى تاقتا، ءارتۇرلى سۋرەتتەر، كەستەلەر، قاناتتى سوزدەر.
جوسپارى:
ءى. كىرىسپە ءسوز
ءىى. ءومىر دەرەك (تانىستىرۋ، ەمبلەما قورعاۋ)
ءىىى. شاپشاڭدىق (9 سىنىپ)
ءىV. بايقاعىشتىق (توپ بويىنشا جۇمىس)
V. فيگۋرالاردى قۇراستىرۋ (10 سىنىپ)
Vءى. فورمۋلالار الەمى (توپ بويىنشا جۇمىس)
Vءىى. ءار قولدا – ءوزىنىڭ ءىسى (جانكۇيەرلەر سايىسى)
Vءىىى. مىقتى بولساڭ، جەڭىپ كور (11 سىنىپ)
ءىX. كۇلدىرگى جۇمباق شەشۋ ( توپ بويىنشا جۇمىس)
X. توپ جەتەكشىلەرىمەن سايىس (ءسوز قۇراۋ)
Xءى. قورىتىندى.

ءى. كىرىسپە ءسوز.
- ۋا، جاراندار، جاراندار!
ءبارىڭ بەرى قاراڭدار،
بارىنە جار سالايىن
بۇگىنگى سايىس تورىندە،
ماتەماتيكا ەلىندە،
ەسەپ شەشىپ جارىسىپ،
جۇمباق شەشىپ اڭدىسىپ
شابىت تاسىپ شالقىسىپ،
ەسەپپەن ءان سالىسىپ،
كوڭىلدى سايىس جاسايىق.
اسىپ استە ساسپايىق
باتىل قادام جاسايىق،
سايىس قىزىعىن، ەي دوستار،
وسىلايشا شابىتپەن
قانە ەندى باستايىق!

بايگەگە ءتۇسىپ جارىسپاي
جۇيرىكتىڭ باعى جانار ما؟
ءبىلىم مەن ونەر جارىسىپ،
تاربيە، ءتالىم تابار ءمان.
بۇل بايگە ويدىڭ بايگەسى،
كىم جۇيرىك ويعا، سول الدا
سىناۋ ءۇشىن وزدەرىنىڭ باقتارىن
شىقسىن قانە، ونەرىمەن ورتاعا!
ورتاعا سايىسقا تۇسكەلى وتىرعان توپتاردى شاقىرامىز.
1 – توپ.
ۇلگىلى ءتارتىپ، جاقسى وقۋ،
العا قويعان ماقساتى.
ءارقاشاندا مەكتەپتە،
شىعىپ جۇرگەن جاقسى اتى، - دەپ ورتامىزعا ارحيمەد توبىن شاقىرامىز. قارسى الىڭىزدار!
2 – توپ.
جينالعان ىلعي دارىندار،
جۇرەكتە وت، كوزدەرىندە جالىن بار.
پيفاگور توبىن توسايىق
قول سوعىپ، قارسى الايىق. ورتاعا پيفاگور توبى شىعادى.

3 – توپ.
ۋا، حالايىق، حالايىق!
بارىنە جار سالايىق.
بۇل سايىسقا قاتىسۋعا،
لوگاريفم توبى
كەلىپ تۇر ورتامىزعا. «لوگاريفم» توبىن قارسى الىڭىزدار!

شىن جۇيرىك شابىسىنان تانىلادى،
ناقتى ءبىلىم، تەرەڭ وي سىنالادى.
باعا بەرەر ءادىلقازى ورتامىزدا
سىزدەرگە قۇرمەتپەنەن قول سوعىلادى.
ەندى ءادىلقازى مۇشەلەرىمەن تانىستىرۋعا رۇقسات ەتىڭىزدەر.

ال، قانەكي سايىستى ءبىز باستايىق
ءوزىمىزدى تانىستىرىپ تاستايىق – دەپ ءسوز كەزەگىن ءار توپقا بەرەمىز. ءار توپ وزدەرىن تانىستىرادى.
ءىى. ومىردەرەك (تانىستىرۋ، ەمبلەما قورعاۋ)
ءىىى. شاپشاڭدىق (9 سىنىپ)
ءار توپتان ورتاعا 9 سىنىپ وقۋشىلارى شىعادى. وقۋشىلاردىڭ الدارىنا 0 – 9 - عا دەيىنگى سيفرلار جازىلعان كارتوچكالار قويىلادى. كوبەيتىندىنى، قوسىندىنى ايىرمانى جانە ءبولىندىنى ەكى سيفر ارقىلى تەز كارتوچكالارىمەن كورسەتۋلەرى كەرەك. قاي توپ بۇرىن كورسەتسە، سول توپ شاپشاڭدىق تانىتادى. ءاربىر دۇرىس جانە ءبىرىنشى كورسەتىلگەن جاۋاپ 5 بالدىق جۇيەمەن باعالانادى.