InfoHub Logo

ماتەماتيكا ساباعىندا كورنەكى قۇرالداردى قولدانۋ

ماتەماتيكا ساباقتارىندا ءبىلىم بەرۋدىڭ بارلىق نەگىزگى پرينسيپتەرى ءبىر – بىرىمەن بايلانىستى جۇزەگە اسىرىلادى: سانالىلىق، كورنەكىلىك، جۇيەلىلىك، بەرىكتىك، جاس ەرەكشەلىكتەرىنىڭ ەسكەرىلۋى، جەكەشە قارىم – قاتىناس ت. ب. ماتەماتيكانى وقىتۋدا كورنەكىلىك ءپرينسيپىنىڭ ءرولى ەرەكشە.

1. 1. كورنەكى قۇرالداردى پايدالانۋدىڭ ادىستەمەسى.
ماتەماتيكا ساباقتارىندا ءبىلىم بەرۋدىڭ بارلىق نەگىزگى پرينسيپتەرى ءبىر – بىرىمەن بايلانىستى جۇزەگە اسىرىلادى: سانالىلىق، كورنەكىلىك، جۇيەلىلىك، بەرىكتىك، جاس ەرەكشەلىكتەرىنىڭ ەسكەرىلۋى، جەكەشە قارىم – قاتىناس ت. ب. ماتەماتيكانى وقىتۋدا كورنەكىلىك ءپرينسيپىنىڭ ءرولى ەرەكشە.
كورنەكى تۇردە وقىتۋ – وقۋشىلاردىڭ ءتيىستى باقىلاۋلارىنا سۇيەنىپ وقىتۋ ءبىر جاعىنان وقۋشىلاردىڭ قابىلداۋىنا سۇيەنسە، ال ەكىنشى جاعىنان ولاردىڭ تۇسىنىكتەرىنە سۇيەنەدى.
قازىرگى زامان تالاپتارىنا سايكەس قازاق باستاۋىش مەكتەپ ديداكتيكاسىن قايتا قۇرۋ، جاڭا تۇرعىدان جەتىلدىرۋ، پەداگوگيكا عىلىمىنىڭ كەزەكتەگى مىندەتى بولىپ تابىلادى.

وسىعان وراي ءبىلىمىنىڭ ماڭىزىن ونىڭ ءبىلىم بەرۋ جۇيەسىندە الاتىن ورنىن، ورتا ءبىلىم بەرۋمەن ساباقتاستىعىن انىقتاۋ، سونداي – اق باستاۋىش مەكتەپتەگى وقۋ تاربيە پروسەسىنىڭ ەرەكشەلىكتەرىن جانە ادىستەرى مەن فورمالارىن جەتىلدىرۋدىڭ جولدارىن اشىپ بەرۋ – باستاۋىش مەكتەپ ديداكتيكاسىنىڭ الدىنداعى تۇرعان مىندەتتەرى ەكەنىن ايتۋعا ءتيىسپىز.

وقىتۋدا ءمۇعالىم مەن بالالاردىڭ اراسىندا ادامگەرشىلىك، ىزگىلىك قاتىناستارىنىڭ جانە ىنتىماقتاستىققا نەگىزدەلگەن وقۋ ارەكەتىنىڭ ەرەكشەلىگىن انىقتاۋ ديداكتيكانىڭ شۇعىلداناتىن ماسەلەسى. سونىمەن قاتار وقۋ - تاربيە پروسەسىندە ءار بالانىڭ بويىنداعى جەكە باسىنىڭ ەرەكشەلىكتەرى ەسەپكە الىنۋى ءتيىس. كورنەكىلىكتى كورسەتۋدە ءار بالانىڭ ۇعىمى، سەزىمى، تانىمى، قابىلداۋ قابىلەتى ءار ءتۇرلى. وقۋشىنىڭ تانىم ارەكەتى ءمۇعالىمنىڭ باسشىلىعىمەن ىسكە اسىرىلىپ وتىرادى. بالانىڭ وقۋىنا كۇشتى اسەر ەتەتىن سەبەپتەرىنىڭ ءبىرى – موتيۆتەر. موتيۆتەر دەپ بەلگىلى ارەكەتكە يتەرمەلەيتىن، باعىتتايتىن سەبەپتى ايتادى. وقۋشىنىڭ موتيۆتەرى ورنىڭ قاجەتتەرى مەن قىزىعۋشىلىعىنا بايلانىستى بولادى.