InfoHub Logo

ماحامبەت وتەمىس ۇلى يساتايدان ايىرىلىپ جالعىز قالىپ جۇرگەن كەزدە، بايماعامبەت حان «يساتاي ءجۇر» دەگەن جۇرۋشىلەرىن جىبەرىپ، ماحامبەتتى شاقىرتادى. سۇراۋ، امان-ساۋ الىپ وتىرعاننان كەيىن بايماعامبەت ايتادى:

— اي، يساتايدىڭ جاۋعا الىنارىن، ءوزىڭنىڭ قاڭعىرىپ قالارىڭدى بىلمەدىڭ بە، حانىڭمەن قالايشا اراز بولدىڭ؟ كانە، بايان ەتشى، — دەيدى. جاۋاپ:

— ەي، بايماعامبەت، ءتاڭىر عالام بولسا، ەلگە ءبىلىم بەرەدى، ءتاڭىر جاۋىز بولسا، ەلگە بۇلىك تۇسەدى، اتاڭا نالەت وزدەرىڭدەي جاۋىز حانداردىڭ قارنى جۋان بيلەردىڭ ەلىمىزگە بۇلىك تۇسىرگەنىن، يساتايدىڭ جاۋعا الىنعانى، مەنىڭ قاڭعىپ قالعانىم سول ەدى. سۇراۋ:

— ەي، ماحامبەت، ءوز ەلىڭە سىيمادىڭ، ماڭعىستاۋعا سىيمادىڭ، ەندى اسپانعا قىستايمىسىڭ، جەر بەتىندە ساعان ەندى ورىن جوق، — دەيدى. جاۋاپ:

— ەي، بايماعامبەت، اسپاندا جاڭبىر بار دەيدى، ەدىلدە قالماق بار دەيدى، جايىقتا كازاك-ورىس بار دەيدى. نارىننان حان تورە قونىسى بار ما ەدى، كەل جاڭگىردى شاۋىپ ولتىرەلىك دەپ ەدىم، يساتاي ەرىك بەرمەدى، وزدەرىڭدەي جاۋىز حانداردىڭ كوزى، ءسىرا، كورمەدى، — دەيدى. سۇراۋ:

— ەي، ماحامبەت، تاعى نە ايتاسىڭ، سەنى جىراۋ دەيدى، ءبىراز جىرلاشى، — دەيدى. جاۋاپ:

— ءيا، بايماعامبەت، مەنىڭ ءتىلىم ەكى ايىر، ءبىز بىرەۋىن كورىپ جاتساق، حانمىن دەپ قايتەسىڭ، مەن قاڭعىرمىن دەپ قاراپ وتىرماسپىن، سەنىڭ باسىڭدى كەسەم دەرمىن، سەن سىقىلدى قاڭعىر ولسە، ەشتەڭە ەتپەس. وزدەرىڭدەي جاۋىز حان ولسە، دۇنيە بىتپەس. مەن — اسپانداعى جۇلدىز، بايماعامبەت قولىڭ جەتپەس، اتاڭا نالەت حانداردىڭ جاۋىز قۇربىلاردىڭ ايتقان ءسوزى ەستەن، ءسىرا، كەتپەس، — دەيدى. سونان كەيىن مۇنار-مۇنات كۇن دە باستاپ كەتەدى.

وقۋعا كەڭەس بەرەمىز:

جىلقىنىڭ تورىسى كوپ پە، توبەلى كوپ پە؟ (ءى نۇسقا)

سىرىمنىڭ نۇرالى حاندى شابۋى (ءىى نۇسقا)

بايماعامبەت سۇلتان مەن سىرىم باتى

---