ماحامبەتتىڭ اكەسى وتەمىس بي
ماحامبەت باتىردىڭ اكەسى وتەمىس سوزگە شەبەر بي بولعان، جاقسى ورتا داۋلەتتى، ءوزى يناباتتى ادام بولعان ەكەن. 1801-1802 جىلدارى كىشى ءجۇزدىڭ كەيبىر رۋلارى بوكەيدى حان كوتەرىپ رەسمي تۇردە ىشكى بەتكە وتۋگە رۇقسات الىپ، كوشىپ، كولدەنەڭ جاتقان جايىق وزەنىنەن وتۋگە بەت العان. جايىق بويىن مەكەن ەتكەن كۇزەتشى ەسەبىندە قىزمەت اتقارىپ تۇرعان قازاق-ورىس اسكەرى ەلدى جايىقتان وتكىزبەي: «سۋدى ىلاي جاسايسىزدار، بالىعىن ۇركىتەسىزدەر»، — دەپ كىدىرتىپ كوپ ەل جايىق جاعاسىندا ءيىرىلىپ قالىپتى.
سول كەزدە ەلدىڭ ۋاكىلى ەسەبىندە وتەمىس قازاق-ورىس باسشىلارىمەن سويلەسىپ، كەلىسىپ، شاڭىراق باسى ءبىر ەركەك قوي بەرەتىن بولىپ، ەلدى وتكىزە باستاپتى. ەلدى جاپا-تارماعاي جىبەرمەي، ءبىر ورىننان عانا جىبەرىپ جانە وتەمىس ءوزى باسىندا تۇرىپ بۇرىن كەلگەندى بۇرىن، سوڭعى كەلگەندەردى سوڭىنان وتكىزىپ تۇرىپتى.
بۇل كەزدە حان-تورە اقسۇيەك تۇقىمدارى دا وتپەك بولعان. ولار مىناداي كەزەكپەن ءوتۋدى ار كورىپ، وتەمىسكە ريزا بولماي، ءارى كورە الماي «وتەمىس سەن نەگە تايراڭدايسىڭ، قانشاما تالداساڭ دا، اتاڭ ءمالى قۇل ەمەس پە؟» — دەپتى. سوندا وتەمىس تۇرىپ قىسىلماي-ساسپاي تورەلەرگە:
— وزەن، وزەن، وزەن سۋ،
وزەن سۋعا قانعان يت.
كۇنىندە ءوزى بولعان جىگىتتىڭ
ءتۇپ اتاسىن سۇراعان يت.
الدىڭعى كىسى سوعىم جەيتىن،
ارتقى كىسى بوعىن جەيتىن.
تورە بولساڭ، جونىڭە تورەسىڭ،
ءبىراق كەزەگىڭ كەلگەندە وتەسىڭ، —
دەگەن ەكەن.
وقۋعا كەڭەس بەرەمىز:
جىلقىنىڭ تورىسى كوپ پە، توبەلى كوپ پە؟ (ءى نۇسقا)
سىرىمنىڭ نۇرالى حاندى شابۋى (ءىى نۇسقا)
بايماعامبەت سۇلتان مەن سىرىم باتىر
You Might Also Like
-
جاڭگىر حاننىڭ قولاستىندا بايباقتى ۇكى بي بولىپتى. ءوزى وتە كىشپەيىل ادام ەكەن. كىشپەيىلدىلىكتەن ۇلكەن-كىشى دەمەي، باي-جارلى دەمەي، ەرتە دە-كەش تە شاقىرسا دا، شاقىرماسا دا، بارا بەرەدى ەكەن. ءوزى جاقس...
-
جاڭگىر حان بالاسىنىڭ تۋعان كۇندەرىنىڭ بىرىنە ارناپ توي جاساپتى. تويدا ماحامبەت اتپەن تاباق تارتىپ جۇرگەن ەكەن. جاڭگىر حان ماحامبەتتىڭ رۋ نامىسىنا تيۋ ءۇشىن، تويدا ساداقا سۇراپ جۇرگەن ماحامبەتپەن رۋل...
