مەن كىمگە ۇقساعىم كەلەدى؟
الماتى قالاسى، اۋەزوۆ اۋدانى
№42 جالپى ءبىلىم بەرەتىن مەكتەپتىڭ
3 "ءا" سىنىپ وقۋشىسى: دجۋماگۋلوۆا جانيا
سىنىپ جەتەكشىسى: باكتورازوۆا ايگەريم
ءوزىمنىڭ شىعارمامدى تاريحتا قالعان 1986 جىلى جەلتوقسان وقيعاسىنىڭ باس قاھارمانى قايرات رىسقۇلبەكوۆ تۋرالى جازعىم كەلدى. مويىنقۇم وڭىرىندە، بىرلىك سەلوسىندا شوپان وتباسىندا دۇنيەگە كەلگەن.
قايرات اعامىز قايسار رۋحتى قازاقتىڭ بالاسى بولعان. ول بار جوعى جيىرما بىردە ەدى. ومىرگە قۇشتار جاس جۇرەك، قانشا بۇلقىنسا دا، ءولىم تۇزاعىنان قاشىپ قۇتىلا المادى. ول ءتىرى قالعاندا اقىن بولار ما ەدى؟ اباقتىدا وتىرعان كەزدە ءوزىنىڭ ولەڭدەرىنىڭ ءۇنىن قوسقان: «مەنىڭ تاعدىرىم»، «اقتىق ءسوز»، «اناما»، «انا ءتىلى» جانە ت،ب. ونىڭ جىرلارىن بۇكىل قازاق ۇيىپ تىڭدايدى. ولەڭدەرى ادامنىڭ جان دۇنيەسىن تەبىرەنتىپ، ەرىكسىز كوزىڭە جاس كەلەدى. كوشەلەرگە، مەكتەپتەرگە، مادەني-دەمالىس ساياباقتارىنا اعامىزدىڭ ەسىمى بەرىلگەن، ەسكەرتكىشتەر دە قويىلعان، كىتاپتار شىعارىلعان، دەرەكتى فيلمدەر كورسەتىلگەن.
تاريحتا ءادىل باعاسىن العان جەلتوقسان وقيعاسىن بۇكىل الەم مويىندادى. قازاق ەلى ءوزىنىڭ تاۋەلسىزدىگىن الدى، كوك تۋىمىز جەلبىرەپ تۇر! مەندە ءبىر عانا وكىنىش بار. ازاتتىق ءۇشىن جاندارىن اياماي الىسقان، قايسارلىقتارىن كورسەتىپ سول اعا-اپكەلەرىمىز بۇگىنگى باقىتتى ساتتەرىمىزگە، قۋانىشتى كۇندەرىمىزگە كۋا بولىپ ورتاقتاسا الماۋى.
قازاق جەرىندە، قازاق وتباسىندا وسىنداي اعامىزدىڭ تۋىلعانىنا ماقتان تۇتامىن. مەنىڭ ويىمشا ول ءوز زامانىنا ساي ءبىر ۇلكەن تۇلعا دەپ ەسەپتەيمىن. ويتكەنى، ونىڭ ەرلىگى قازىرگى ءوسىپ كەلە جاتقان بىزدەي ۇرپاققا كەرەمەت ۇلگى. سول سياقتى نامىستى قازاقتىڭ ۇل-قىزدارى كوپ بولسىن!
You Might Also Like
