مەن ءومىردى قالايمىن!
«قىزىلوردا وIIد ەبقكب تاراپىنان
جاريالانعان سايىسقا»
«سالاۋاتتى ومىرگە كەرى ىقپالىن تيگىزەتىن جاعىمسىز ارەكەت – ول ناشاقورلىق»-، دەپ ەلباسىمىز ن.ءا.نازاربايەۆ ايتقانداي «ناشاقورلىق جانە ەسىرتكى» ەگىز ۇعىم. بۇل ادام بالاسىنىڭ وزىنە جاسايتىن ەڭ ورەسكەل قاستاندىقتارىنىڭ ءبىرى. وسى سوزدەردى ەستىگەندە مەنىڭ ويىما دۇنيەجۇزىندەگى قانشاما دەرلىك قاسىرەت شەگىپ، قور بولعان ءتىرى جان يەلەرى كوز الدىما كەلەدى. ءححى عاسىردىڭ قاسىرەتىنە اينالعان بۇل ىندەتپەن كۇرەسۋ ءار ادامنىڭ پارىزى دەپ ەسەپتەيمىن. ناشاقورلىق جانە ەسىرتكى ۇعىمدارىن ەستىگەن كەزدە مەن ءبىزدىڭ بولاشاعىمىزدىڭ قانداي بولاتىنىن ەلەستەتەمىن: اينالا تولعان تەمەكى قالدىقتارى، اراقتىڭ بوتەلكەلەرى، قىلمىسكەرلەر، ءتىپتى ادامدار اراسىندا دا ساۋ ادامدى تابۋ قيىن. كوپ ادام تۇبەگەيلى دۇرىس جولدان تايىپ، ءوز دەنساۋلىقتارىن قۇرتقان، اۋا دا تازا ەمەس، قانشا جەردەن اۋا-رايى تازا بولىپ تۇرسىن، ءبىراقتا ناشاقور ادامداردىڭ اراسىندا ءوزىڭدى جاقسى سەزىنە المايسىڭ. ءبىزدىڭ بولاشاعىمىز ءدال وسىنداي بولۋى مۇمكىن.
ساۋ ادامدار قالايشا دۇرىس جولدان تايادى؟ بۇل سۇراقتىڭ بىرنەشە شەشىمى بار. ادامداردىڭ دۇرىس جولدان تايۋىنىڭ ءبىرىنشى سەبەبى : جاسوسپىرىمدەردىڭ اينالاسىنداعى ادامدار. بالا قانشا جەردەن يماندى بولسىن، ءبىراق-تا ونىڭ اينالاسىنداعى ادامدار وعان كەرى اسەرىن تيگىزەدى. سەبەبى، قوعامىمىزدا قانشاما ادامدار وسىنداي جولمەن ناشاقورلىق، ەسىرتكى ساتۋشىلىق جولعا تۇسكەن. سول سەبەپتى دە بىزدەر اينالامىزداعى ادامداردىڭ سالاۋاتتى دۇرىستىعىنا كوز جەتكىزۋىمىز كەرەك. ەگەر دە ءبىزدىڭ جاقىنىمىز دۇرىس جولدان تايعان بولسا، وعان كومەك بەرۋىمىز كەرەك نەمەسە ارانى الىس ۇستاۋ قاجەت. ال ەكىنشى سەبەبى : ادامداردىڭ ناشاقورلىققا قىزىعۋشىلىعى، ياعني، ادامنىڭ تەمەكى نەمەسە ەسىرتكى زاتتارىن تۇتىنىپ كورگىسى كەلەتىندىگى. ادام بالاسى ەسىرتكى زاتتارىن قىزىعۋشىلىقپەن ءبىر رەت قولدانىپ كورگەننەن كەيىن ونىڭ قۇتىلماس قۇرىعىنا ءىلىنىپ،تەمەكى مەن ەسىرتكى زاتتارىنا تاۋەلدى بولىپ قالادى.
ناشاقورلىق، ەسىرتكى جانە دە وسى ىستەرگە بايلانىستى بيزنەستەر تەك ءبىزدىڭ قوعامنىڭ عانا ەمەس، بۇكىل الەمنىڭ ەڭ وزەكتى پروبلەماسى. ەسىرتكى تۇتىنۋشى بار جەردە قىلمىستىق ىستەر دە بەلەڭ الادى. كەز-كەلگەن ناشاقور ادام قىلمىس جاساۋعا قۇشتار بولادى. ەسىرتكى ادامنىڭ دەنساۋلىعىن عانا ەمەس پسيحيكاسىن دا قۇرتادى. ەگەر دە ءبىز ناشاقورلىق جانە ەسىرتكى بيزنەستەرىن جويساق ەلىمىزدىڭ قىلمىستىق ىستەر ازايىپ، جارقىن بولاشاعى قايتا جاندانادى. سونىمەن قاتار، بۇل ءىسىمىز پوليسيا قىزمەتكەرلەرىنە دە جاساعان ۇلكەن كومەك بولارى انىق. سول سەبەپتى ءبىز ناشاقورلىققا جانە ەسىرتكى بيزنەسىنە قارسى جۇمىستار جۇرگىزۋىمىز قاجەت. بۇل باستى ماقسات! ەگەر ەسىرتكى زاتتارى ساتىلمايتىن بولسا قوعامىمىزدا ناشاقورلىق تا جويىلادى. بۇل جۇمىستاردىڭ بارلىعى جارقىن بولاشاقتى قالىپتاستىرۋعا جاقسى اسەرىن تيگىزەدى دەگەن ويدامىن.الدىڭعى بۋىن اعا-اپكەلەرىمنىڭ سارا جولىمەن ءجۇرىپ، كەيىنگى بۋىن ۇرپاقتارىنىڭ دارا جولعا تۇسۋىنە ءوز سەپتىگىمدى تيگىزۋ باستى ازاماتتىق بورىشىمنىڭ ءبىرى دەپ ەسەپتەيمىن...
قورىتا ايتقاندا، بارلىق ادام ءوز بولاشاعىنىڭ جارقىن بولعانىن قالايدى. سوندىقتان ءبىز «ەسىرتكى، ناشاقورلىق» ۇعىمدارىن جويۋىمىز كەرەك. مەن ءومىردى قالايمىن!
قىزىلوردا وبلىسى، ارال قالاسى № 64 ورتا مەكتەپ
7 «ب» سىنىپ وقۋشىسى الپامىسوۆا ايدانا
You Might Also Like
-
تەلىمسىز ويىق جارالى كوليت — توق ىشەكتىڭ سوزىلمالى، قايتالامالى سىرقاتى. ول توق ىشەك شىرىشتى قاباتىنىڭ ويىق جاراسىمەن جانە قابىنۋىمەن قاتار اۋىر جايىلمالى زاقىمدانۋىمەن سيپاتتالادى.
