InfoHub Logo

«مەن وتاننىڭ باقىتتى ۇلىمىن»
قۇرمەتتى اتا - انالار، كىشكەنە بۇلدىرشىندەر جانە بالاباقشا ۇجىمى! بارشاڭىزدى 25 قازان رەسپۋبليكا كۇنى مەرەكەسىمەن «قۇلاگەر» مەكتەپ الدى توبى اتىنان شىن جۇرەكتەن قۇتتىقتايمىن! بارشاڭىزعا وتباسىلىق باقىت، دەندەرىڭىزگە ساۋلىق، ەڭبەكتەرىڭىزگە جەمىس، مەرەكەلىك شات كوڭىل تىلەيمىن.

اقجايىق، التاي اراسى
قازاقتىڭ شالقار دالاسى
رەسپۋبليكاما قاراشى!
جەرىمنىڭ ءدانى مارجانداي
قىرمانى اسقار تاۋلارداي
رەسپۋبليكاما قاراشى!
شولساڭ دا بيىك اسپاننان
قارقىرار كەنى تاستاردان
رەسپۋبليكاما قاراشى!
شىرقاعان سايىن تىرەگى
رەسپۋبليكاما قاراشى!

ءى. ءانۇران.
تاربيە ساعاتىن اشۋ ءۇشىن بالاباقشا مەڭگەرۋشىسى نۇرماعانبەتوۆا ەلميرا اپايعا بەرىلەدى.
قۇرمەتتى قوناقتار! بۇگىنگى ءبىزدىڭ 25 قازان رەسپۋبليكا كۇنىنە ارنالعان «مەن وتاننىڭ باقىتتى ۇلىمىن!» قىسقاشا تاربيە ساعاتىن تاماشالاڭىزدار.

ءىى. حور: «ەگەمەندى قازاقستان»
ەلشى:
- ءوزى بۇل جەر قاي ەل ەكەن، ءجون سۇراپ بىلەيىن؟!
جۇرگىزۋشى:
- سالەمەتسىز بە؟ ءسىز كىم بولاسىز؟ قاتەلەسپەسەم، ءبىزدىڭ ەلگە باسقا جاقتان كەلگەنسىز - اۋ دەيمىن.
ەلشى:
- مەن ەل ارالاپ جۇرگەن ەلشىمىن. سىڭعىرلاعان بالالاردىڭ كۇلكىسىن ەستىپ، قاي ەلدىڭ باقىتتى بالالارى ەكەنىن بىلەيىن دەپ كەلدىم.
جۇرگىزۋشى:
- ولاي بولسا، قوش كەلدىڭىز! ءقازىر بىزدە 25 قازان رەسپۋبليكا كۇنىنە ارنالعان تاربيە ساعات وتكەلى جاتىر. بالالاردان سۇراپ ءبىلىڭىز.
ەلشى:
- سالەم، بالالار! سەندەر وتە كوڭىلدى، ءارى باقىتتى كورىنەسىڭدەر. سەندەردىڭ وتاندارىڭ، قاسيەتتى مەكەندەرىڭ قاي رەسپۋبليكا؟
بالالار:
- قازاقستان رەسپۋبليكاسى.
ەلشى:
- پرەزيدەنت كىم؟
بالالار:
- نۇرسۇلتان ءابىش ۇلى نازاربايەۆ
ەلشى:
- وتاندارىڭنىڭ استاناسى قاي قالا؟

بالالار:
- استانا قالاسى.
ەلشى:
- ەلدەرىڭىز ءوزىنىڭ قانداي قاسيەتتەرىمەن ايباتتى؟
بالالار:
- ءانۇران، تۋى، ەلتاڭباسىمەن.
ەلشى:
- وتە جاقسى. وسى ەلدىڭ باقىتتى ۇل - قىزدارى ەكەندەرىڭدى قالاي دالەلدەيسىڭدەر؟

1. شىڭعىس: ءانۇرانىم، جان ۇرانىم
ايتار ءانىم، سويلەر ءسوزىم
تۋعان جەرىم ساعىنارىم
ماڭگى - باقي شىرقالادى
رەسپۋبليكام، ءانۇرانىم

2. نازلى: ەلتاڭباسى ەلىمنىڭ
نەتكەن كوركەم، ادەمى
تۇنىعىنداي كوڭىلدىڭ
ورتادا اسپان الەمى.

3. ماناس: جاراسقان بايراقتىڭ ءمانى بار
كوك اسپان، كوك قىران ءسانى بار
كوك بايراق اشىق كوك كەڭىسىن
التىن كۇن – بەلگىسى جەڭىستىڭ.

ءىىى. ءان: «وينايمىز دا كۇلەمىز». جاننازار جاننا.
جۇرگىزۋشى:
- بالالار، سەندەر سۇيىكتى وتانىمىزدىڭ قاسيەتتى بەلگىلەرىن بىلەدى ەكەنسىڭدەر. وندا وتان دەگەنىمىز نە؟
بالالار:
- وتان دەگەنىمىز ءبىزدىڭ اكە - شەشەمىز، تۋعان تۋىستارىمىز، اۋىل قالالارىمىز، ءوزىمىز تۋىپ - وسكەن جەرىمىز.

ەرنۇر: وتان – سەنىڭ اتا - اناڭ،
وتان – دوسىڭ، باۋىرىڭ
وتان - ولكەڭ، استاناڭ
وتان – اۋدان، اۋىلىڭ.

جاننا: وتان – اتام، وتان - اكەم
وسى ءسوزىم قاتە مە ەكەن؟
قاتە بولسا نەگە بىزدەر
دەيمىز ونى اتامەكەن.

ءىV. بي. ارميان ءبيى. بيشىلەر توبى.
جۇرگىزۋشى:
- بالالار، حالقىمىزدىڭ باتىر ۇلى باۋىرجان مومىش ۇلى ايتقان ەكەن: «وتان ءۇشىن وتقا ءتۇس، كۇيمەيسىڭ»،- دەپ. باسقا دا باتىر اعالارىمىز، اپالارىمىز «وتان» دەپ جىرلاعان، قورعاعان، قاستەرلەگەن جانە وتان ءۇشىن ومىرلەرىن قيعان ەكەن.
ءبىز دە وسى اتا - اپالارىمىز سياقتى وتانىمىزدى قورعاۋىمىز كەرەك. وتان ءۇشىن ەڭبەك ەتۋ كەرەك.
- سەندەردىڭ ەڭبەكتەرىڭ – سەندەردىڭ جاقسى وقىعاندارىڭ، ءتارتىپتى بالا بولعاندارىڭ.
- ال، بالالار، ءبىز وتان تۋرالى ناقىل سوزدەر بىلەمىز بە؟

قىزىلوردا وبلىسى، قازالى اۋدانى،
ع.مۇراتبايەۆ اۋىلىنداعى № 15
"بالداۋرەن" بالاباقشاسىنىڭ ءى ساناتتى
ادىسكەر-تاربيەشىسى جۇلدىزبايەۆا گۇلبانۋ

تولىق نۇسقاسىن جۇكتەۋ