InfoHub Logo

مەن - قازاقتىڭ قىزىمىن!
مەن - قازاقتىڭ قىزىمىن، بايلىعىمىن.
اتا - اناما كۇش بەرەتىن ايبىنىمىن.
ويلاسام تاۋەلسىز ەلىم قازاعىمدى،
ۇمىتىلار بويىمداعى قايعى - مۇڭىم.

مەن - قازاقتىڭ قىزىمىن، ۇلانىمىن.
بيىككە سامعاپ ۇشار قىرانىمىن.
ءاليا، مانشۇك اپامىزدى ۇران ەتكەن،
مەن ەلىمنىڭ ماقتانىشى جىر - ءانىمىن.

مەن - قازاقتىڭ قىزىمىن، ۇلىمىن دا.
ءوز تاعدىرىم مىنا مەنىڭ قۇزىرىمدا.
ەلى ءۇشىن ءوز جاندارىن قۇربان ەتكەن،
جۇرەك جۇتقان باتىرلاردىڭ ءجۇزى مۇندا.

مەن - قازاقتىڭ قىزىمىن، التىنىمىن.
ەركەلەگەن ەلىمنىڭ جارقىنىمىن.
جەتەلەيتىن ەلىمدى مەن بولاشاققا،
العا قاراي ۇمتىلار قارقىنىمىن.

مەن - ەلىمنىڭ جايناپ وسكەن گۇلىمىن.
كوكتەم شىقسا ەرتە اشقان ءبۇرىمىن.
بايتاق ەلىم قازاعىمنىڭ جەرىندە،
ءومىر سۇرگەن ادامداردىڭ ءبىرىمىن.

مەن - قازاقتىڭ قىزىمىن، جاقۇتىمىن.
قۋانىشقا شاشىلاتىن باقىتىمىن.
بالاسى كەتكەندە ۇزاق ساپارلارعا،
اناسىنىڭ ساقتاپ قويعان سارقىتىمىن.

مەن - قازاقتىڭ قىزىمىن، اقىنىمىن.
ەلىم ءۇشىن ەڭ العاشقى جاقىنىمىن.
بالاسى شاپسا بايگەلەردە، ۇيدە وتىرىپ،
اناسىنىڭ قىساتىن تاقىمىمىن.

مەن - قازاقتىڭ قىزىمىن، ۇرپاعىمىن.
قيىندىقتى ويلاسام قورقادى ءۇنىم.
تاۋەلسىزدىك تۇعىرىن بيىك ۇستاپ،
قازاعىمنىڭ ءانۇرانىن شىرقارىمىن.

مەن - قازاقتىڭ قىزىمىن، تاسقىنىمىن.
ەرەكشە بوپ شىعاتىن باسقا ءۇنىمىن.
شارشاعاندا قۇلايتىنداي مامىققا،
مەن داعى قازاعىمنىڭ جاستىعىمىن.

مەن - قازاقتىڭ قىزىمىن، كوكتەمىمىن.
ەستە قالار ماڭگىلىك وتكەنىمىن.
ولەڭدەرىم تامساندىرىپ بارلىق جاندى،
جىرلار ماڭگى ءوزىڭدى توكپەلى ءۇنىم.

مەن - قازاقتىڭ قىزىمىن، اعىنىمىن.
كەي كەزدەرى كورىنەتىن ساعىمىمىن.
جارىپ شىعىپ بۇلت كوزدەرىن مەن داعى،
ساۋلە توگەر ماڭگىلىك جارىعىمىن.

مەن - قازاقتىڭ قىزىمىن، شۋاعىمىن.
ءبىر بۇرىشىن جاماعان قۇراعىمىن.
بيىك تاۋدان باستاۋ الىپ اعاتۇعىن،
تۇپ - تۇنىق مولدىرەگەن بۇلاعىمىن.

مەن - قازاقتىڭ قىزىمىن نازىك جاندى.
ولەڭدەرىم شۋماقتالىپ بەتكە تامدى.
نازىك، سۇلۋ ارۋلاردى مەن جىرلاسام،
ەلجىرەتەر كەز كەلگەن ءاربىر جاندى.

مەن - قازاقتىڭ قىزىمىن، قۇندىزىمىن.
جىمىڭداعان اسپانداعى جۇلدىزىمىن.
ادام بول دەپ ءوسىرىپ، ەر جەتكىزگەن،
مەن داعى اتا - انامنىڭ ۇل - قىزىمىن.

مەن ەلىمنىڭ كۇنىمىن جارىپ شىققان.
ءارقاشان قازاعىمنىڭ جانىن ۇققان.
جارقىراپ نۇر توگەتىن بارىمىزگە،
مەن داعى التىن كۇندى جاناي ۇشقام.

مەن - قازاقتىڭ قىزىمىن، ەركەسىمىن.
اسىر سالىپ وينايتىن سەركەسىمىن.
كوكتەم شىقسا توسەلەتىن جەر بەتىنە،
جاپ - جاسىل كوگالداعى كورپەسىمىن.

مەن - قازاقتىڭ قىزىمىن، تۋعانىمىن.
اقىل - ويدى قورجىنىما بۋعانىمىن.
تەك قانا جاقسىلىقتى جيناپ الىپ،
جاماندىقتى قازاعىمنان قۋعانىمىن.

مەن - قازاقتىڭ قىزىمىن، قارا كوزدى.
اقىلمەنەن ايتاتۇعىن بارلىق ءسوزدى.
قايعى مەنەن قۋانىشتى كوتەرىپ،
قازاعىم بارلىعىنا بىردەي ءتوزدى.

مەن - قازاقتىڭ قىزىمىن، تۇلپارىمىن.
بيىكتەرگە ۇشاتىن سۇڭقارىمىن.
تالاي اقىن جىرلاعان سۇلۋلاردى،
مەن داعى قازاعىمنىڭ ىڭكارىمىن.

مەن - قازاقتىڭ قىزىمىن، قىزىعىمىن.
اتا - اجەمنىڭ ەركە توتاي بۇزىعىمىن.
ال بۇگىندە ارۋ بولىپ ەر جەتىپ،
نازىك جاندى، سۇلۋ بولىپ سىزىلدى ءۇنىم.

مەن - قازاقتىڭ قىزىمىن بالداي ءتاتتى.
ءارقاشان دا جاقتايمىن اقتى، پاكتى.
قازاق ەلىن جىرلاۋ ءۇشىن مەن بۇگىن،
ۇزاق كۇتتىم ومىرىمدە وسى ءساتتى.

مەن - قازاقتىڭ بولاشاق كەمەڭگەرى.
العا قاراي ۇمتىلىپ كەلەم ەندى.
ومىرگە كەلگەن كەزدە ماڭدايىما،
جازىلعان تاعدىرىما كونەم ەندى.

الماتى وبلىسى، تالدىقورعان قالاسى،
ءى. جانسۇگىروۆ اتىنداعى مەملەكەتتىك ۋنيۆەرسيتەتىنىڭ
3 - ءشى كۋرس ستۋدەنتى ءامىرجانوۆا مەرۋەرت سابىرجان قىزى