مەنىڭ اناشىم – ەڭ تاماشا جان!
مەنىڭ اناشىم – ەڭ تاماشا جان!
انا دۇنيەدەگى ءاربىر ادامنىڭ جانىنا ەڭ جاقىن ادام. جارىق دۇنيەگە اكەلىپ، اق سۇتىمەن ءنار بەرەدى. اقىلىمىز تولىسقانشا الپەشتەپ، ماپەلەپ، بار مەيىرىمىن ايامايدى.”بالام ەشكىمنەن كەم بولماسىن دەپ”- جۇمىس ىستەپ بالالارىن تاماقتاندىرادى. بالالارىنىڭ تەك كۇلىپ، باقىتتى جۇرگەندەرىن قالايدى.
مەنىڭ اياۋلى انامنىڭ اتى ماقپال. اناشىم دۇنيەگە ءتورت بالا اكەلدى. سول بالداردىڭ ۇلكەنى ءوزىم. اناشىم №61 جالپى ورتا مەكتەپتە تالىمگەر بولىپ قىزمەت اتقارادى. بۇكىل مەكتەپتەگى وتكىزىلەتىن ءىس - شارالارعا انام تىكەلەي جاۋاپتى. كەي كەزدەرى اناما تاڭ قالامىن، زىر جۇگىرىپ ءجۇرىپ ءبىزدىڭ تاماعىمىز، ساباعىمىزعا، كيىمىمىزگە، اكەمىزدىڭ جاي - كۇيىنىڭ جاقسى بولۋىنا، مەكتەپتەگى جۇمىسىن دا قاتار الىپ جۇرۋىنە قالاي ۋاقىت تاباتىنىنا تاڭ قالامىن. ال ۇيگە كەلەتىن قوناقتاردىڭ ءجونى ءبىر بولەك، ەرتەلى - كەش ۇيىمىزدەن قوناق ۇزىلمەيدى، كەلگەن قوناقتاردىڭ بابىن تاۋىپ ءتاتتى تاماعىمەن داستارحاندا جايناتىپ قوياتىن، ۇنەمى كۇلىمدەپ جۇرەتىن اناما ءدان ريزا بولىپ وتىراتىن اجەم مەن اتام ءۇشىن ءبىزدىڭ انامىز الەمدە جوق كەلىن. مەن اناما ۇقساپ ءوسىپ، بارلىق جۇمىستاردىڭ قىر - سىرىن ءبىلۋدى ۇيرەنۋدەمىن. ءۇيدىڭ ۇلكەنى بولعاندىقتان، كوبىنە اناما قولعابىس جاساۋدى وزىمە العانمىن. سول كەزدەگى انامنىڭ جىميىپ،” مەنىڭ كومەكشىم” دەپ ماڭدايىمنان يىسكەپ، قۇشاقتاعانى قانداي كەرەمەت. سىنىپتاستارىمنىڭ دا انامدى ۇنەمى ماقتاپ قاسىنان شىقپاۋى دا انامنىڭ جۇمىسىنا دەگەن ادالدىعى، كاسىبي شەبەرلىگى دەپ ويلايمىن. ۇنەمى ىزدەنىستە جۇرەدى. تىڭ، جاڭا دۇنيەلەرگە جانى قۇمار، ەرەكشە ەتىپ جاساۋدى قولعا الادى. جاساعان جۇمىستارى كوپشىلىكتىڭ كوڭىلىنەن شىعىپ، زور قوشەمەتكە يە.
مىنە مەنىڭ اناشىم الەمدەگى ەڭ تاماشا جان!.
شىمكەنت قالاسى، اباي اۋدانى،
اقتاس ەلدى مەكەنى № 61 جالپى ورتا مەكتەپ
5 سىنىپ وقۋشىسى عاپپار كاۋسار
جەتەكشىسى سەريكبايەۆا گۋلدانا شىرىنبايەۆنا
You Might Also Like
-
ساباقتىڭ تاقىرىبى: فيگۋرا قۇراستىرۋ جانە ونى بولىكتەرگە ءبولۋ
