InfoHub Logo

ساباقتىڭ تاقىرىبى: «مەنىڭ اتىم قوجا» ب. سوقپاقبايەۆ
ساباقتىڭ ماقساتى:
1. بىلىمدىلىك: بەردىبەك سوقپاقبايەۆتىڭ «مەنىڭ اتىم قوجا» اتتى شىعارماسىمەن تانىستىرۋ؛ ءتۇسىنىپ وقي وتىرىپ، اڭگىمەدەگى ءتۇيىندى ويدى اشۋعا جاعداي جاساۋ؛ شىعارما بويىنشا كەيىپكەرگە مىنەزدەمە بەرە وتىرىپ، سالىستىرۋعا، ولاردىڭ بەينەسىن اشا بىلۋگە العان ءبىلىمىن قولدانا بىلۋگە ۇيرەتۋ.
2. دامىتۋشىلىق: ءوز بەتىنشە شىعارماشىلىقپەن جۇمىس ىستەۋگە باۋلۋ. ءار بالانىڭ سەزىمىنە ەرىك بەرە وتىرىپ ءتۇرلى جاعداياتتاردى شەشۋ ارقىلى شىعارماشىلىق قابىلەتىن ارتتىرۋ.
3. تاربيەلىك: قوجا بەينەسى ارقىلى، وقۋشىلاردى ادامگەرشىلىككە، مادەنيەتتىلىككە، ادەبيەتتى سۇيۋگە، ۇلگى - ونەگە الۋعا شاقىرۋ؛ جاعىمسىز قاسيەتتەردەن اۋلاق بولۋعا تاربيەلەۋ. وقۋشىلاردى ءوزىنىڭ جانە وزگەنىڭ بويىنداعى جاعىمدى – جاعىمسىز جاقتارىن كورە وتىرىپ، اجىراتا وتىرىپ، ۇستاز ەڭبەگىن باعالاپ، اينالاسىنداعىلارمەن جاقسى قارىم - قاتىناستا بولا بىلۋگە ادامگەرشىلىككە، دوستىققا تاربيەلەۋ
ساباقتىڭ ءتۇرى: جاڭا ساباق.
ساباقتىڭ ءتيپى: جاڭا ءبىلىمدى يگەرتۋ
ءادىسى: ءبۇۇ، كۋبيزم ستراتەگياسى، ءتۇرتىپ الۋ، باعىتتالعان وقۋ ستراتەگيالارى، وي قوزعاۋ، شىعارماشىلىق جۇمىس
ساباقتىڭ كورنەكىلىگى: ينتەراكتيۆتى تاقتا، ب. سوقپاقبايەۆتىڭ “مەنىڭ اتىم قوجا” كىتابى، بەينەتاسپا (فيلمىنەن ءۇزىندى)، سلايد، سۋرەتتەر.

ساباقتىڭ بارىسى:
I. پسيحولوگيالىق دايىندىق.
توپتىڭ ەرەجەسى جاسالىپ، گەومەتريالىق فيگۋرالاردى تاڭداۋ ارقىلى توپقا ءبولۋ
1 - توپ: قوجا توبى
2 - توپ: جانتاس توبى
ترەنينگ
شاتتىق شەڭبەرىنە تۇرىپ ءبىر – بىرىنە، ەلىنە دەگەن قۇرمەتىن، سۇيىسپەنشىلىگىن جەتكىزۋ.
ۇيىمداستىرۋ كەزەڭى.
1) وقۋشىلاردى تۇگەندەۋ
2) وقۋشى مەن سىنىپتىڭ ساباققا دايىندىعىن تەكسەرۋ.

ءىى. ءۇي تاپسىرماسىن تەكسەرۋ
1) كۋبيزم ستراتەگياسى.(اۆتور، تاقىرىپ اياسىندا بىرنەشە قايتالاۋ سۇراقتارى قويىلادى)
1. اڭگىمەدەگى قانىش دەگەن بالا كىم؟ ول تۋرالى نە بىلەسىڭدەر؟
2. قانىشتىڭ ۇستازى سۋرەتتى كورگەندە قانداي ويدا بولدى؟
3. بۇل اڭگىمە نەگە «قازىنا كوتەرگەن بالا» دەپ اتالادى؟
4. بالالار قاپشىقتىڭ ىشىندە نە بار دەپ ويلادى؟
ءبۇۇ ستراتەگياسى بويىنشا ءۇي تاپسىرماسىن قورىتىندىلاۋ

III. جاڭا ساباق.
كىرىسپە.
- ءبىز بۇگىنگى ساباعىمىزدا «بالالىق شاققا ساياحات» دەپ اتالاتىن جاڭا بولىمدە بالالار ادەبيەتىنىڭ نەگىزىن سالعان، بالالارعا ارناپ شىعارمالار جازعان اقىن - جازۋشىلاردىڭ ءبىرى بەردىبەك سوقپاقبايەۆتىڭ تۋىندىلارىنىڭ ءبىرى «مەنىڭ اتىم قوجا» اتتى شىعارماسىمەن تانىساسىڭدار.
1. بەردىبەك سوكپاقبايەۆ كىم؟ ول قانداي جازۋشى؟
“... الىستان اربالاپ ماتەريال تاسىمايمىن، ءارحيۆتىڭ شاڭىن جۇتپايمىن. جاقىننان ءوز باسىمنان كەشكەندى، ءوزىم بايقاپ - تۇيگەندەرىمدى، ءوز اينالامدى دوربالاپ جينايمىن. ءبىر سوزبەن ايتسام، ءوزىن جازاتىن جازۋشىمىن. مىنەز - قۇلىق جاعىنان قوجا وزگە ەمەس، مەنىڭ وزىمە ۇقسايدى.”
2. جازۋشىنىڭ قانداي شىعارمالارى بار؟
- «مەنىڭ اتىم قوجا» («ءوزىم تۋرالى پوۆەست»)، «جەكپە - جەك»، قايداسىڭ، گاۋحار؟»، «ولگەندەر قايتىپ كەلمەيدى»، «اياجان»، «بالالىق شاققا ساياحات»، «16 جاسار چەمپيون»، «الىستاعى اۋىلدا» ت.ب.
فيلم تۋرالى: بارلىق مەكتەپكە اتى شۋلى "سوتقار" قوجا، بار ىنتاسىن سالىپ، جاقسى بولۋعا تىرىسادى. اكەسىنەن جەتىم قالعان قوجابەرگەن، ۇيلەرىنە كەلىپ جۇرەتىن، قاراتايدان شەشەسىن قىزعانادى. دوسى سۇلتان ەكەۋى نەشە ءتۇرلى قىزىق وقيعالاردى باستارىنان كەشىپ، كورەرمەندەردى تالاي رەت قۋانتادى. اۋىلدا بەدەلى جوعارى بولعان قادىردىڭ بالاسى، قوجا، اكەسىنىڭ ابىرويىن "شەلەكتەپ" توكتىم دەپ ۋايىمدايدى. دەگەنمەن، قوجا – اشىق مىنەزدى، ارام پيعىلى جوق، اقكوڭىل بالا.

IV. زەرتتەۋ - ىزدەنۋشىلىك (توپتىق جۇمىس)
وقۋشىلاردىڭ شىعارماشىلىق جۇمىسى.(وقۋشىلارعا «مەنىڭ اتىم قوجا» تۋرالى ماعلۇمات جيناپ كەلۋ تاپسىرىلعان، وقۋشىلار اقپاراتى تىڭدالادى)

V. وي تولعانىس. (ءماتىندى تالداۋ)
1. اڭگىمەنى مانەرلەپ وقۋ
2. قوجا قانداي وقۋشى؟
3. جانتاس ءمۇعالىم ساباق سۇراعاندا قانداي قۋلىق جاساعىسى كەلدى؟
4. «ءتۇرتىپ الۋ» ستراتەگياسى بويىنشا شىعارماداعى قوجانىڭ ساباققا دايىندىقسىز كەلگەنىنە وكىنگەنىن سيپاتتاعان سوزدەردى داپتەرگە جازىپ الۋ.

VI. باعىتتالعان وقۋ ستراتەگياسى
1.»مەنىڭ اتىم قوجا» تۋرالى تۇسىرىلگەن كينونى كوردىڭ بە، كينو ۇنادى ما، اڭگىمەدەگى باستى كەيىپكەر كىم؟
2. اڭگىمەدەن قوجانىڭ ىشكى ويىن تاۋىپ وقى.
3. قوجا انفيسا ميحايلوۆنانىڭ ساباق سۇراۋ ءتاسىلىن كىممەن سالىستىرادى؟
4. ساباققا دايىندالماي كەلگەنىنە قوجانىڭ قاتتى وكىنگەنىن نەدەن بايقاۋعا بولادى، اڭگىمەدەن سول جەرىن تاۋىپ وقى.
وزىڭدە قوجانىڭ باسىندا بولعان جاعداي بولدى ما؟
VII. مەنىڭ اتىم قوجا فيلمىندەگى ەكى كەيىپكەردى سالىستىر
قوجا
جانتاس

VIII. سەرگىتۋ ءساتى.
ەربولات «مەنىڭ اتىم قوجا» انىنە.
IX. توپتىق جۇمىس
قوجا توبى «اقىلدى قوجا»
جانتاس توبى «تەنتەك قوجا»
ءار توپ قوجانىڭ جاعىمدى جانە جاعىمسىز جاقتارىن زەردەلەپ، قالاي قورعايدى ەكەن؟ قازىرگى كەزدە قوجا سياقتى بالالار بار ما؟

X. تاپسىرما. ساۋاتتىلىقتى اشاتىن حاتتار
«مەنىڭ قيالىمداعى قوجا قانداي بولۋ كەرەك» ەسسە( شاعىن شىعارما) جازۋ.

XI. ويىن «پىكىرلەر اعاشى
بەردىبەك سوقپاقبايەۆ تۋرالى نە بىلەسىزدەر؟
قانداي شىعارمالارى بار؟
قالاي ويلايسىزدار، كينودا قوجانىڭ ادەپتى جولعا تۇسۋىنە نە سەبەپكەر؟ اناسىن اياۋى ما، سايبەك قارت پا، وسپانوۆتار ايتقان ەستەلىكتەر مە، مايقانوۆانىڭ پەدكەڭەستەن شىعىپ بارا جاتىپ ايتقان ءسوزى مە؟
ءار وقۋشى ءوز وي - پىكىرىن قىسقاشا جازىپ، توقتالىپ، پىكىرلەر اعاشىنا ىلىڭىزدەر.

XII. قورىتىندى:
بەردىبەك سوقپاقبايەۆ «مەنىڭ اتىم قوجا» تۋرالى «شىعارمانى جازارداعى ەڭ باستى ماقساتىم: جاقسىلىققا تاربيەلەۋ. قوجا – ەسەر ەمەس، ەستى تەنتەك. ءبىر كورگەن ادامعا «جامان بالا»، «قيىن بالا» بولىپ، كەيىن مۇلدە وزگەرىپ، جاقسىلاردىڭ قاتارىنا قوسىلىپ كەتەتىن بالالار از ەمەس قوي...» دەگەن ەكەن.
ومىردە سەندەر دە اداسپاي ءوز جولدارىڭدى تابا بىلۋلەرىڭە تىلەكتەسپىن!
كەرى بايلانىس.

ۇيگە تاپسىرما: «مەنىڭ اتىم قوجا» اڭگىمەسىن وقۋ، مازمۇنىن ايتۋ
باعالاۋ.

اتىراۋ وبلىسى
د. بايبوسىنوۆ اتىنداعى 13 ۇلتتىق مەكتەپ - گيمنازياسى
باستاۋىش سىنىپ ءمۇعالىمى ەسقايىروۆا نازىك ەسقايىر قىزى