InfoHub Logo

ۇلى جەڭىستىڭ 70 جىلدىعىنا وراي وتكەلى وتىرعان «مەنىڭ ەلىم» اتتى اسكەري - پاتريوتتىق اندەر بايقاۋىنىڭ سەنارييى
(ساحنا مەرەكەگە ساي بەزەندىرىلگەن، ءان وينالىپ تۇرادى)
ءمۇعالىم: قۇرمەتتى، اتا - انالار، ۇستازدار، وقۋشىلار! بۇگىنگى ۇلى جەڭىستىڭ 70 جىلدىعىنا وراي وتكەلى وتىرعان «مەنىڭ ەلىم» اتتى اسكەري - پاتريوتتىق اندەر بايقاۋىنا قوش كەلدىڭىزدەر!
جۇرەكتى تەربەيتىن، كوڭىلدە سونبەيتىن، ەشقاشان ولمەيتىن قۇدىرەت نە؟ ارينە، ءان. عۇمىرلى ءان – حالىقتىڭ جانى. سايىن دالانى اسەم انىمەن تەربەتكەن حالقىمىز قۋانسا دا، جۇرەگىنەن جىر اعىتىپ، جابىقسا دا انمەن ءوزىن - ءوزى جۇباتقان. سونداي - اق ءاننىڭ قۇدىرەتتىلىگى سول، جۇرتتى جۇدىرىقتاي جۇمىلدىرىپ، رۋحىن اسقاقتاتا تۇسەدى. ءار ءداۋىردىڭ پاتريوتتىق اندەرى سول زامانداعى ۇرپاقتىڭ وتان ءۇشىن وققا دا، وتقا دا تۇسۋىنە سەبەپكەر بولعان يدەولوگيالىق قارۋى. ءبىر كەزدەرى كەڭەس زامانىندا ءبىزدىڭ اتا - اجەلەرىمىز «پارتيا قايدا بولسا، جەڭىس سوندا!»، «العا، كومسومول!» دەپ ەكپىندەتە شىرقادى. وسى كەزدە پاتريوتتىق اندەر ۇگىت - ناسيحاتتىڭ ىقپالىن ارتتىرىپ، جاستاردىڭ جىگەرىن جاني ءتۇستى. ياعني، حالىقتىڭ رۋحىن كوتەرىپ، ازاماتتىق بەلسەندىلىگىن ارتتىرۋدا پاتريوتتىق باعىتتاعى اندەردىڭ ماڭىزى زور ەدى. اسكەري - پاتريوتتىق اندەر كەشە دە، بۇگىن دە، ەرتەڭ دە ەرەكشە باعالى بولا بەرمەك. سوندىقتان بۇل بايقاۋدى وتكىزۋدەگى ماقساتىمىز وسكەلەڭ ۇرپاقتىڭ بويىندا پاتريوتتىق سەزىم قالىپتاستىرىپ، اتالارىمىزدىڭ ەرلىگىن ناسيحاتتاۋ، وتانعا دەگەن قۇرمەتتى كۇشەيتۋ، ونەرلى وقۋشىلاردى انىقتاپ، ساحنا ونەرىنە باۋلۋ.

(ورتاعا ەكى جۇرگىزۋشى شىعادى)
1 - جۇرگىزۋشى: ءيا، ءبىز بەيبىت ەلدە، بايتاق جەردە ءومىر ءسۇرىپ جاتقان باقىتتى ۇرپاقپىز. ءبىراق ءبىزدى وسى كۇنگە جەتكىزۋ ءۇشىن كەشەگى اتا - بابالارىمىزدىڭ اقتابان شۇبىرىندىنىڭ ازابىن تارتقانىن، اشارشىلىقتا قىناداي قىرىلعانىن، زيالىلارىمىزدىڭ رەپرەسسياعا جازىقسىز ۇشىراعانىن، ۇلى وتان سوعىسىندا كەۋدەلەرىن وققا توسقانىن ەستەن شىعارماۋىمىز كەرەك.
2 - جۇرگىزۋشى: ازاتتىق جولىنداعى ەلىمىزدىڭ تاريحى «ەلىم - اي»، «اتامەكەن»، «جاس قازاق» سەكىلدى اندەر ارقىلى بىزگە جەتتى. ءبىزدىڭ الدىمىزدا تۇرعان ەندىگى مىندەت، ەگەمەن ەلدىڭ ەرتەڭىن سەنىپ تاپسىرار نامىستى، قايسار، ۇلتجاندى ۇرپاق تاربيەلەۋ. وسى ورايدا بىزگە پاتريوتتىق اندەرىمىزدىڭ مولايا تۇسكەنى اسا ماڭىزدى.
1 - جۇرگىزۋشى: ەر ەلسىز بولمايدى، ەل ەرسىز بولمايدى دەمەي مە، دانا حالقىمىز. قان مايداندا قول باستاپ، ەلىنىڭ نامىسىن جاۋعا تاپتاتپاعان باتىرلارعا ارنالادى.
2 - جۇرگىزۋشى: ولاي بولسا، ۇلى جەڭىستىڭ 70 جىلدىعىنا وراي وتكەلى وتىرعان «مەنىڭ ەلىم» اتتى اسكەري - پاتريوتتىق اندەر بايقاۋىن اشىق دەپ جاريالاۋعا رۇقسات ەتىڭىزدەر.
1 - جۇرگىزۋشى: شارامىزدى باستاماس بۇرىن بايقاۋعا قاتىسۋشى ۇمىتكەرلەرىمىزدى ورتاعا شاقىرامىز.
(ۇمىتكەرلەر ورتاعا شىعادى)
2 - جۇرگىزۋشى: وسى بايقاۋعا تورەلىك جاسايتىن قازىلار القاسىمەن تانىستىرىپ وتەيىك.
--------------------------------------
1 - جۇرگىزۋشى: قازىلار القاسى قاتىسۋشىلاردىڭ ونەرىن ءان ورىنداۋ شەبەرلىگى جانە ساحنا مادەنيەتىن مەڭگەرۋ كريتەرييلەرى بويىنشا باعالايدى. جوعارى ۇپاي 10 بالل. بۇل بايقاۋدا جۇلدەلى ورىنعا يە بولعان 3 وقۋشى اۋداندىق سايىسقا جولداما الادى.
2 - جۇرگىزۋشى: رۋحىنان جاقسىلاردىڭ نۇر ساۋلاعان،
جانىمدى مەيىرىمى قۇرساۋلاعان.
جايساڭ ولكە، جايدارى قازاقستان،
شۋاق شاشقان ساۋلەلى كۇنسىڭ ماعان
ءشومىشباي سارييەۆتىڭ سوزىنە جازىلعان، سەيدوللا بايتەرەكوۆتىڭ ءانى «قازاق ەلى» ورىندايتىن ----------------------------
1 - جۇرگىزۋشى: بويدا قىزۋ قانى ويناعان جىگەرلى
قاھارمانى زامانىمنىڭ بۇل ەندى
وتان داڭقى مۇددەسى ءۇشىن قاجەتتىك
ساربازدار ول ەلدىگىمنىڭ تىرەگى
8 «ا»سىنىپ وقۋشىسى جولداسوۆ ميراستىڭ ورىنداۋىندا ب. اۋدانبايەۆتىڭ سوزىنە جازىلعان ايجىگىت اسانوۆتىڭ ءانى « قازاقستان ساربازدارى» قارسى الىڭىزدار!

2 - جۇرگىزۋشى: قازاق دەگەن پەيىلى كەڭ باي حالىق
تولدى ارمانى ەگەمەنگە اينالىپ
بەيبىتشىلىك قورعانىنداي سەنىمدى
ساربازدارى ساپ تۇزەدى سايلانىپ
ورتادا -------------------------------- ورىنداۋىندا رۇستەم كوشەبايەۆتىڭ سوزىنە جازىلعان ورالحان سادۋاقاسوۆتىڭ ءانى «ءان سال، سارباز»
1 - جۇرگىزۋشى: قازاقستان – اتامەكەن، قۇت قونعان جەر،
كەڭ دالا، سۋى ءمولدىر، نۇر تۇنعان جەر.
كوكوراي بەلەستەرى ماقپال كىلەم،
قىرلارى قىزعالداعى قۇلپىرعان جەر.
ورتادا «اتامەكەن» انىمەن ------------------------------

2 - جۇرگىزۋشى: قازاقستان، زامانانىڭ زاڭعارىندا،
حالقىما مەكەن بولعان جايلاۋىڭ دا.
الاتاۋ اق سامايلى باسىن يگەن
قايراتتى قارت قاراتاۋ قويناۋىندا
---------------------------------------------------------- «تۋعان جەر» انىمەن ورتاعا شاقىرامىز
1 - جۇرگىزۋشى: رۋحىنان جاقسىلاردىڭ نۇر ساۋلاعان،
جانىمدى مەيىرىمى قۇرساۋلاعان.
جايساڭ ولكە، جايدارى قازاقستان،
شۋاق شاشقان ساۋلەلى كۇنسىڭ ماعان!
----------- ورىنداۋىندا «العا، قازاقستان» ءانى.
2 - جۇرگىزۋشى: جەڭىس دەگەن جاقسىلىقتىڭ سىڭارى،
جىگەرلەنگەن قۇشتارلىقتىڭ قۇرالى.
كۇرەسكەردىڭ ارمانى مەن ۇرانى
قۋانىش پەن مەرەكەنىڭ بۇل ءانى.
----------- «كاتيۋشا» ءانى.
1 - جۇرگىزۋشى: وسىمەن ۇلى جەڭىستىڭ 70 جىلدىعىنا وراي وتكەن «مەنىڭ ەلىم» اتتى اسكەري - پاتريوتتىق اندەر بايقاۋى ءوز مارەسىنە جەتتى. قازىلار القاسى دايىن بولعانشا
6 - سىنىپ وقۋشىلارىنىڭ ءان شاشۋلارىن قابىل الىڭىزدار!
(ءان شاشۋ)
2 - جۇرگىزۋشى: ەشكىم دە، ەش نارسە دە ۇمىتىلمايدى. وتان ءۇشىن ەرلىكپەن قازا تاپقانداردى ەل ءار ۋاقىتتا ەسىندە ساقتايدى. ويتكەنى ولار ءبىزدىڭ باقىتىمىزدى قورعادى. وتان ءۇشىن، ەل ءۇشىن قۇربان بولدى. وتانىمىزدىڭ داڭقى – ەرلىك پەن قاھارماندىقتىڭ داڭقى. ءبىز ونىڭ ءجۇرىپ وتكەن ەرلىككە تولى جولدارىن، ازاتتىق ءۇشىن كۇرەسكەن ەرلەرى مەن باتىرلارىن ەشقاشان ۇمىتپايمىز. قارتتاردى، مايدانگەرلەردى قادىرلەيىك! ولاردىڭ ەسىمى ەل ەسىندە ماڭگى ساقتالادى. ۇمىتىلماس تۇلعالاردىڭ بەينەسى ءبىزدىڭ كوكەيىمىزدى ۇيالاپ، ماڭگى قالا بەرمەك.
1 - جۇرگىزۋشى: ۇمىتكەرلەرىمىزدى ماراپاتتاۋ ءۇشىن ءسوز قازىلار القاسىنىڭ ءتورايىمى دۇيسەنوۆا اينۇر اپايعا بەرىلەدى.