InfoHub Logo

وكپە، رەنىش، ولاردى ءبىلدىرۋ جولدارى» تاقىرىبىندا جۇرگىزىلەتىن پسيحولوگيالىق جاتتىعۋ

ساباقتىڭ تاقىرىبى: مەنىڭ ەموسيام. مىنەز - قۇلىق جاتتىعۋى
ماقساتى:
▪ جاسوسپىرىمدەردىڭ كوممۋنيكاتيۆتىك مادەنيەتىن دامىتا وتىرىپ، ولارعا قارىم - قاتىناس جاساۋ ءتاسىلىن ۇيرەتۋ.
▪ جانجال جاعدايلاردا كونسترۋكتيۆتى ارەكەت جاساي ءبىلۋدى قالىپتاستىرۋ..
كۇتىلەتىن ناتيجە:
 جاسوسپىرىمدەردىڭ كوممۋنيكاتيۆتىك مادەنيەتى داميدى، قارىم - قاتىناس جاساۋ ءتاسىلىن ۇيرەنەدى.
جانجال جاعدايلاردا كونسترۋكتيۆتى مادەنيەتى داميدى، قارىم - قاتىناس جاساي بىلەدى.
كورنەكىلىگى: جاتتىعۋلارعا قاجەتتى ماتەريالدار.
ءتۇرى: سلايد - پرەزەنتاسيا

1. «مەنىڭ ەموسيام» جاتتىعۋى
ماقساتى: ارتيستىك قابىلەتتى بەلسەندى ەتۋ، ءوزىن ەركىن سەزىنۋگە جەتۋ، ەموسياسىن سيتۋاسيالارعا پارا - پار ەتىپ كورسەتە ءبىلۋ ىسكەرلىگىن قالىپتاستىرۋ.
ۋاقىتى: 10 مينۋت.
ماتەريال: ادام ءتانىنىڭ مۇشەلەرى جانە ەموسياسى بەلگىلەنگەن ءتۇرلى ەموسيا توپتامالارى. توپتامالاردا ءتۇرلى ەموسيالار بەرىلگەن، ولار: «قايعى بەت»، «قۋانىش ەرىن»، «رەنجۋ وڭ قول»، «كوكىرەكتىك ارقا»، «قورقىنىش اياقتار»، «تاڭقالۋ قاستار».
نۇسقاۋ: مەن ءقازىر سىزدەرگە ادام ءتانى مەن ەموسيالىق جاعدايى بەلگىلەنگەن توپتامالار تاراتامىن. سىزدەر ونى مۇقيات قاراپ، ەموسيانى بەينەلەڭىزدەر. مىسالى «قايعى قولدار» توپتاماسى نەنى بىلدىرەدى سونى قولدىڭ كومەگىمەن كورسەتۋ قاجەت. توپتىڭ مىندەتى – سول ەموسيانى انىقتاپ تابۋ.
تالداۋ:
ەموسيانىڭ سىزدەر ءۇشىن قانداي ماڭىزى بار؟
ادام ومىرىندە ول قانداي رول اتقارادى؟
ول قانداي ومىرلىك سيتۋاسيالاردا تۋىنداۋى مۇمكىن؟

2. «ءوز ەموسياڭدى قالاي باسقارۋ كەرەك» ميني - لەكسيا
ماقساتى: ەموسيانى باسقارۋعا ۇيرەتۋ.
ۋاقىتى: 10 مينۋت.
جاعىمسىز ەموسيانى قالاي كەتىرۋگە بولادى؟
ءسىزدى تۇسىنەتىن دوستارىڭىزدىڭ اراسىندا جاعىمسىز ەموسياڭىزدان ارىلۋ. ەگەر ءسىز ءبىر جاعىمسىز ەموسياڭىزدان ارىلعىڭىز كەلسە، وندا جاستىقتى ۇرىڭىز، بەت ورامالدى قۇرعاق بولسا دا سىعىڭىز. اشۋ ەنەرگياسى يىق، قولدىڭ جوعارعى بولىگىندە جانە ساۋساقتاردا جينالادى. كەز كەلگەن دىبىس شىعارىڭىز، اشۋ كۇشى موينىڭىزعا تىعىلىپ قالۋى مۇمكىن. تولىققاندى ارىلۋ قانداي دا ءبىر سپورت تۇرىمەن اينالىسۋدا شىعادى. سوندىقتان دا ناعىز سپورتشىلار دەنە جانە جان ساۋلىعىنا يە. ادامعا تابيعاتتىڭ جاقسى اسەرى مول. قيىن جاعدايدا سەرۋەن جاساۋ، وزەن اعىسىنان جانە كولدىڭ مولدىرلىگىنە قاراۋ، تازا اۋامەن تىنىستاۋ كوپ كومەكتەسەدى. تىنىس الۋ ارقىلى ەموسيانى رەتتەۋ. 3 - 4 قىسقا تىنىس الۋ مەن ونى شىعارۋ ميعا باراتىن يمپۋلستەر اعىنى جاقسارىپ، سترەسكە اسەر ەتەدى. سوسىن تەرەڭ تىنىس الۋ قاجەت.
تابيعات ءبىزدىڭ ميىمىزعا تۇسەتىن پسيحيكالىق اۋىرلىقتان قورعانۋدىڭ تاماشا قۇرالى جىلاۋ مەن كۇلكىنى بەرگەن. كۇلكى جۇيكە جۇيەسىنىڭ ەرەكشە قورعانىشى. ول ءقاۋىپتى يمپۋلس اعىمدارىنان قۇتقارادى. وسى جاتتىعۋدا جىلاۋ مەن كۇلكىنىڭ، ەمدىك قاسيەتتەرى بىرىگەدى. ال ەندى ەموسيانى رەتتەيتىن بىرنەشە جاتتىعۋلار جاسايمىز.
1. باس بارماقتى ىشىنە قاراتىپ، جۇدىرىقتاڭىز. تىنىسىڭىزدى جايمەن ىشكە جيناپ، جۇدىرىعىڭىزدى قىسىڭىز. سوسىن جۇدىرىعىڭىزدى بىرتىندەپ بوساتىپ، تىنىسىڭىزدى شىعارىڭىز. 5 رەت قايتالاڭىز. ەندى وسى جاتتىعۋدى كوزدى جۇمىپ جاسايمىز. بۇل تيىمدىلىگىن ارتتىرادى.
2. ەكى گرەك جاڭعاعىن الاقاندا اينالدىرىڭىز. ەكى الاقانعا كەزەكپەن جاساڭىز.
3. كىشكەنتاي بوبەك ساۋساعىڭىزدىڭ باسىنا ماسساج جاساڭىز.
4. جاڭعاقتى كىشكەنتاي بوبەك ساۋساعىڭىزعا جاقىن ورنالاستىرىپ، ەكىنشى الاقانمەن 3 مينۋتتاي اينالدىرىپ قيمىل جاساڭىز.
3. «بۇزىق تەلەفون» جاتتىعۋى
ماقساتى: زەيىندى دامىتۋ، ەموسيالىق قاتايۋدان ارىلتۋ، كوڭىل - كۇيدى كوتەرۋ.
ۋاقىتى: 10 مينۋت.
نۇسقاۋ: سىزدەر اسپان جانە جەر ءپرينسيپى بويىنشا ەكى توپقا بولىنەسىزدەر. ەڭ سوڭىندا تۇرعان ادام الداعى تۇرعان ادامنىڭ يىعىنان ءتۇرتىپ قاراتىپ الىپ، بي قيمىلىن كورسەتەدى. قايىرىلىپ قاراعان ادام بي قيمىلىن ەسىنە ساقتاپ، كەلەسى ادامعا ادامدى قاراتىپ، وسىلايشا جاتتىعۋ جالعاسادى. سوسىن توپ اياقتالعاندا، ءبيدىڭ العاشقى نۇسقاسى مەن سوڭعىسى سالىستىرىلادى. ءسويتىپ، العاش بي قيمىلىن كورسەتكەن ادام توپتىڭ باس جاعىنا بارادى.
تالداۋ: كوڭىل - كۇيىڭىزبەن ءبولىسىڭىز. قيمىلدى ويلاپ تاۋىپ، ونى قايتالاۋ قيىن بولدى ما؟ ويىننىڭ ماعىناسى نە؟

مەنىڭ ەموسيام مىنەز - قۇلىق جاتتىعۋى. جۇكتەۋ