InfoHub Logo

ورىنداعان: تاڭقىبايەۆا بوتاكوز راحمان قىزى

توبى: س - 15 - 9
تاقىرىبى: مەنىڭ وتانىم - قازاقستان
ماقساتى:
1) وتاندى سۇيۋگە، ەلىمىزدىڭ رامىزدەرىن قاستەرلەۋگە، تۋعان ەلىنە، جەرىنە دەگەن سۇيىسپەنشىلىكتەرىن ارتتىرۋ.
2) وقۋشىلاردى دوستىققا، ادامگەرشىلىككە، سانالىلىققا تاربيەلەۋ.
كورنەكىلىك: مۋلتيمەديادا دايىندالعان سلايدتار: قازاق ەلىنىڭ رامىزدەرى، قازاقستان كارتاسى، سۇراقتار.
ساباقتىڭ ءتۇرى: بانداما، سۇراق - جاۋاپ، جۇپپەن، توپپەن جۇمىس.

ساباقتىڭ بارىسى:
1. قازاقستان رەسپۋبليكاسىنىڭ مەملەكەتتىك گيمنى ورىندالادى
2. بايانداما «مەنىڭ وتانىم - قازاقستان» ەكراندا سلايدپەن كورسەتىلەدى.
وتان دەيمىز وت جاققان جەرىمىزدى،
وتان دەيمىز وسىرگەن ەلىمىزدى.
وتان دەيمىز تۋعان جەر، اتامەكەن -
بيىك تاۋ، ورمان، توعاي، كولىمىزدى.
وتاننىڭ شەتى دە جوق، شەگى دە جوق
ول ءبىراق، ءوز ۇيىڭنەن باستالادى..
ءوز وتانىڭىن، ءوز ەلىڭنىڭ پاتريوتى بولعانعا نە جەتسىن! سايىن دالا — اتاجۇرت بابالارىمىزدىڭ كوزدىڭ قاراشىعىنداي ساقتاپ، نايزانىڭ ۇشى، بىلەكتىڭ كۇشىمەن قورعاعانىنىڭ ارقاسىندا بىزگە جەتىپ وتىر. ەندەشە وسىنداي الىپ وتاندى ءسۇيىپ ءوتۋ كىمگە دە بولسىن پارىز ءارى قاسيەتتى مىندەت. وتاندى ءسۇيۋ ونىڭ ءاربىر تاسىن سۇيۋدەن باستالادى. ياعني، تۋعان اناڭا، تۋعان جۇرتىڭا دەگەن ماحاببات وتانعا دەگەن ماحابباتقا ۇلاسپاق.

قازاقستان جەرىن ەجەلدەن قونىستانىپ كەلە جاتقان ەل — قازاق حالقى. كوپتەگەن عاسىرلار بويى ەل باسقارعان دانا باسشىلارىمىز، قولباسشى باتىرلارىمىز كەڭ - بايتاق جەرىمىزدى سىرتتان تونگەن كاۋىپتەن قورعاپ كەلدى. قازاق حالقى — ەرجۇرەك، دوستىققا ادال، باۋىرمال، قوناقجاي حالىق.
1991 جىلى 16 جەلتوقساندا قازاق حالقى ازاتتىق جولىنداعى ەكى جارىم عاسىر بويعى ۇزدىكسىز كۇرەستەن كەيىن مەملەكەتتىك تاۋەلسىزدىككە قول جەتكىزدى.
1991 جىلى 1 جەلتوقساندا بۇكىلحالىقتىق ەلدىڭ تۇڭعىش پرەزيدەنتىن سايلاۋ وتكىزىلدى، سايلاۋ ناتيجەسىندە مەملەكەت باسشىسى بولىپ نۇرسۇلتان ءابىش ۇلى نازاربايەۆ سايلاندى.
1992 جىل 4 ماۋسىم — پارلامەنت وتىرىسىندا قازاقستان رەسپۋبليكاسىنىڭ مەملەكەتتىك رامىزدەرى — تۋى، ەلتاڭباسى جانە گيمنى قابىلداندى.
1992 جىل ناۋرىز — قازاقستان بىرىككەن ۇلتتار ۇيىمىنا مۇشە بولىپ قابىلداندى.
1993 جىل 28 قاڭتار — ەگەمەن قازاقستاننىڭ تۇڭعىش كونستيتۋسياسى قابىلداندى.
1994 جىل 6 شىلدە — قازاقستان رەسپۋبليكاسى جوعارعى كەڭەسىنىڭ كەزەكتى جالپى وتىرىسىندا پرەزيدەنتتىڭ استانانى اقمولاعا كوشىرۋ تۋرالى ۇسىنىسى ماقۇلداندى.
1995 جىل 29 ءساۋىر — رەسپۋبليكالىق رەفەرۋندۋمدا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ وكىلەتتىك مەرزىمى 2000 جىلعى 1 جەلتوقسانعا دەيىن ۇزارتىلدى.
1995 جىل 30 تامىز — قازاقستاننىڭ جاڭا كونستيتۋسياسى قابىلداندى.
1997 جىل 10 قازان — پرەزيدەنتتىڭ جارلىعىمەن مەملەكەتتىڭ استاناسى بولىپ اقمولا جاريالاندى.
1997 جىل 11 قازان — پرەزيدەنت ن. ءا. نازاربايەۆ رەسپۋبليكا حالقىنا «قازاقستان — 2030» جولداۋىن قابىلدادى.
1999 جىل 10 قاڭتار — ن. ءا. نازاربايەۆ قازاقستان پرەزيدەنتى بولىپ قايتادان سايلاندى.
2005 جىل 4 جەلتوقسان — قازاقستان رەسپۋبليكاسىنىڭ پرەزيدەنتى سايلاۋىندا ن. ءا. نازاربايەۆ پرەزيدەنت بولىپ سايلاندى.
2007 جىل 4 ماۋسىم — قازاقستان رەسپۋبليكاسىنىڭ مەملەكەتتىك نىشاندارى تۋرالى قازاقستان رەسپۋبليكاسىنىڭ كونستيتۋسيالىق زاڭى قابىلداندى.
ەلدە بەيبىتشىلىك پەن كەلىسىمگە، تۇراقتىلىق پەن دامۋعا قول جەتكىزىلدى. قازاقستان رەسپۋبليكاسىنىڭ 2030 جىلعا دەيىنگى ۇزاق مەرزىمدى دامۋ ستراتەگياسى بەلگىلەنىپ جۇزەگە اسىرىلدى.