مىسىق ساۋدا...
ءبىر كىسى بازارعا بارىپ كەلەدى. اۋىلدا وڭاي پايدا ىزدەيتىن، جۇمىس دەسە كەجەگەسى كەيىن تارتاتىن ءبىر كىسى بار ەكەن، سول:
— ە، اقساقال، بازاردا نە ارزان، نە قىمبات ەكەن؟ — دەيدى. بازارشى قالجىڭداپ:
— بازاردا مىسىق پۇل ەكەن، — دەيدى.
اناۋ اۋىلداعى بارلىق مىسىقتاردى جيناپ، ءبىر قاپقا تولتىرا سالادى دا، اۋزىن بۋىپ، بازارعا ءجۇرىپ كەتەدى. بازار تۇستىك جەر ەكەن، مىسىقتار قارنى اشىپ، ءبىرىنىڭ ۇستىنە ءبىرى باستىعىرىلىپ، قاراڭعى تۇنەكتەن قالاي قۇتىلۋدىڭ جولىن تابا الماي مياۋلاي باستايدى.
ءبىر ۋاقىتتا الگى كىسى بازارعا كەلەدى. بازارداعى بىرەۋلەر بۇلكىلدەپ جاتقان قاپتى كورىپ:
— بۇل نە؟ — دەيدى.
— مىسىق، الاسىڭ با؟ — دەپ سۇرايدى.
ونىڭ «مىسىق» دەگەنىنە انالار تۇسىنبەي كورسەتشى دەگەن كىسىشە قاپتىڭ قاسىنا كەلەدى. اناۋ قاپتىڭ اۋزىن اشا بەرگەندە، ىشىندەگى مىسىقتار تىم-تىراقاي قاشا جونەلىپتى. پايداكۇنەم اۋزى اڭقيىپ قالا بەرەدى.
You Might Also Like
-
ەرتەدە ەسپەمبەت دەگەن شال جۇمىسى بولىپ تۋ قىردان سىرعا كەلىپتى. ءبىر ۇيگە تۇسسە، ءۇي يەسى ونىڭ ەسپەمبەت ەكەنىن بىلمەي قۇر كارتوپ اسىپ بەرىپتى.
