InfoHub Logo

تاقىرىبى: «ناعىز دوس قانداي؟»
ماقساتى: — وقۋشىلاردىڭ قورشاعان ورتامەن قارىم - قاتىناسىن جاقسارتۋ؛
- وقۋشىنىڭ ءوز ويىن ەركىن ايتۋعا ۇيرەتۋ؛
- وقۋشىنىڭ دوستارىنا دەگەن كوزقاراسىن انىقتاۋ؛
- جەكە تۇلعا ارالىق قارىم - قاتىناستىڭ مۇمكىندىگىن جانە داعدىلارىن قالىپتاستىرۋ؛
- ءوز قىلىقتارىن جانە وزگەنىڭ دە تالداي ءبىلۋ مۇمكىنشىلىگىن دامىتۋ؛

ساباقتىڭ قۇرىلىمى:
1. قۋانىش شەڭبەرى.
2. جۇرەكتەن جۇرەككە…
3.- ەكى دوس تۋرالى بەينەفيلم (كورسەتۋ، تالداۋ)
4. دوس تۋرالى تاقپاقتار
5. دوس تۋرالى اڭگىمە (بولجاۋ ءادىسى)
6. دوس تۋرالى ءان
7. باي ادام تۋرالى اڭىز (كورىنىس)
8. مەنىڭ ويىمشا ناعىز دوس... (ەسسە جازۋ)
9. دوس تۋرالى حور
10. قورىتىندى.
كورنەكىلىك: قالام، ا4 بەتى، ۆاتمان، ءتۇرلى - ءتۇستى ماركەر، سازدى اۋەندەر
وتكىزۋ ءادىسى: توپتىق

بارىسى:
سالەمەتسىڭدەر مە، قۇرمەتتى وقۋشىلار! سەندەردى «قۋانىش شەڭبەرىن» قۇرۋعا شاقىرامىن. شەڭبەر بويىمەن جۇمساق جۇرەكتى ءبىر - بىرىمىزگە بەرە وتىرىپ، كورشىلەرىڭىزبەن امانداسىپ، تىلەك ايتۋلارىڭدى سۇرايمىن…
تىلەكتەرىڭە كوپ راحمەت. جاقسى كوڭىلمەن ساباعىمىزدى باستايىق.
بۇگىنگى ءبىزدىڭ تاقىرىبىمىز «ناعىز دوس قانداي؟».
- ەكى دوس تۋرالى بەينەفيلم (كورسەتۋ، تالداۋ)
- سەن ناعىز دوس بولا الاسىڭ با؟ وقۋشىلار ءوز ويلارىن ەركىن جەتكىزۋگە، ءبىر - ءبىرىن تىڭداۋعا ۇيرەتەدى.
دوس تۋرالى تاقپاقتار
1. دوستىق دەگەن تاۋسىلمايتىن قازىنا،
كوكتەمدە دە سولىپ قالار گۇل ەمەس،
قارامايدى ول سىيدىڭ كوپ پەن ازىنا
ناعىز دوستار ءتىپتى سىي دا تىلەمەس.

2. ەكى دەگەن – ەكى دوس،
ءبىرىن - ءبىرى قيمايتىن
ارتىق كەمدى ەتپەي ءسوز،
ءبىرىن - ءبىرى سىيلايتىن
دوسىڭا بول ادال جان،
بىردەي ءبولىس سىناقتى
ءبىر نۇكتەگە قادالعان،
ەكى كوزىڭ سياقتى.

3. دوستار بىرگە جۇرەمىز،
بىرگە وينايمىز، كۇلەمىز.
بىرگە بالىق اۋلايمىز،
مىنە بىزدەر قاندايمىز.
ورمان، كولگە، شىڭعا ءبىز،
ساياحاتقا شىعامىز.
بولىنبەيدى ىرگەمىز،
ءارقاشان دا بىرگەمىز.

4. دوستارىمدى سۇيەمىن بىرگە جۇرگەن،
بىرگە ويناپ، مەنىمەن بىرگە كۇلگەن.
دوستار دەگەن جانىڭنىڭ ءبىر بولشەگى
ورىن العان جۇرەكتىڭ ءبىر تۇبىنەن.
5. ناعىز دوستار ءبىر - بىرىنە ۇناعان.
قيىندىقتا ءبىرىن - ءبىرى سىناعان.
مۇمكىن ەمەس دوسسىز ەمەس ءومىر سۇرۋدە،
سۇيەۋ بولار شاقتارىڭدا قۇلاعان.

6. دوسى ءۇشىن دوس كونەدى بەينەتكە،
دوس دەگەن ءسوز ەڭ ءقادىرلى جەر - كوكتە،
جاقسىلاردىڭ ايرىلماس دوسى كوپ.
قولىن بەرگەن قيىنشىلىق كەزدەسسە.
دوس تۋرالى اڭگىمەلەردى بولجاپ اياقتاۋ
ءى ءىى توپتارعا. ءبىر قۇمىرسقا ءوز يلەۋىنەن ءبولىنىپ، ارا قوڭىزبەن دوس بولىپتى. جەم ىزدەي شىققان قۇمىرسقا جول ۇستىنەن ءبىر ءدان تاۋىپ الىپتى. جالعىز ءوزى ارى بەرى اۋرەلەنىپ، قوزعالتا الماپتى. ەندى كومەك سۇراۋ ءۇشىن دوستارىن ىزدەيدى. گۇل جيناپ جۇرگەن اراعا جولىعىپ: دوسىم ماعان كومەكتەسىپ جىبەر دەپ ءوتىنىپتى. كورمەي تۇرسىڭ با، مەندە جۇمىس ىستەپ جاتىرمىن عوي، دەپتى ارا. ەندى ارا قوڭىزدان كومەك سۇراپتى.
سەن ءۇشىن ءوز ەڭبەگىمدى ەش قىلا المايمىن! – دەپ كەتە بارادى قوڭىز. ەكى دوسىنان كۇدەر ۇزگەن قۇمىرسقا مۇڭايىپ كەلە جاتىپ، ءوزىنىڭ ۇيالاس دوستارىمەن ۇشىراسىپتى. ولار مۇنىڭ ءتۇرىن كورىپ: نە ىستەپ ءجۇرسىڭ؟ دەپتى.
قۇمىرسقا ءوز باسىنان كەشكەنىن ايتادى. دوستارى كومەكتەسەدى دە، ءداندى بىرىگىپ كوتەرىپ الىپ كەتەدى. قۇمىرسقا قايتا ۇيىرىنە قوسىلادى. «جان دوستىڭ ءقادىرى ەسكى دوستاي بولا الماس»، دەگەن ءسوز سودان قالعان ەكەن.
ءىىى ءىۇ توپتارعا. ەرتەدە جاۋىنگەرشىلىك ءجيى بولاتىن كەزدە، قازاقتىڭ ەكى جاۋىنگەرى ءتوس قاعىسىپ دوس بولادى. ەكى دوستىڭ بىرەۋى تۇتقيىلدان تيگەن جاۋ قولىنا تۇسەدى. دوسىنىڭ قولعا ءتۇسىپ قالعانىن ەستىگەن باتىر كۇزدىڭ قارا سۋىعان ەلەمەستەن، وزەندى مالتىپ ءوتىپ، جاۋ جاتقان جاعاعا كەلەدى.
مەن قولدارىڭا تۇسكەن ءبىر جاۋىنگەرگە قۇن تولەپ، ساتىپ الۋعا كەلدىم. مەنىڭ ايىرباسقا بەرەتىن مالىم، مۇلكىم جوق. ءبىر – اق نارسە بەرەمىن. ول ءوزىمنىڭ ءومىرىم. دوسىمدى بوساتىڭدار دەيدى. قولباسى ويلانىپ وتىرىپ، ونى سىناماق بولادى.
جارايدى، مەن سەنى قىرشىنىڭنان قيماي اق قويايىن. ماعان سول ءومىرىڭنىڭ ءبىر بولشەگىن عانا بەرسەڭ بولادى: ماعان ەكى كوزىڭ كەرەك، دەيدى قولباسى، ەكى كوزىڭدى ويىپ الامىن!
ول دا بولسىن، كوزىمدى تەزىرەك ال دا، دوسىمدى بوسات، دەيدى جىگىت.
ءسويتىپ، الگى جاۋىنگەر تۇتقىننان بوساعان دوسىنىڭ يىعىنا قولىن ارتىپ، زاعيپ كۇيى قۋانىپ، كۇلىمدەپ كەلە جاتادى. مۇنى كورگەن جاۋدىڭ قولباسى: مىناداي ەرلەرى بار حالىقتى تۇتقيىلدان كەلىپ باس سالماسا، بەتپە-بەت ۇرىستا جەڭۋ قيىنعا سوعادى ەكەن، دەپ ءتۇيىپتى.