InfoHub Logo

(باستاۋىش سىنىپتارى دەكاداسىندا وتكىزىلگەن)
اينالامەن تانىستىرۋ
ساباقتىڭ تاقىرىبى: «نان داستارحانعا قالاي كەلەدى؟»
ماقساتى: ءدان تۇقىمىمەن تانىسۋ، بيدايدان نان جاسالاتىنىن ايتا وتىرىپ، داستارحانعا جەتكەنگە دەيىنگى ىستەلەتىن ەڭبەك مازمۇنىمەن، قولدانىلاتىن تەحنيكالاردىڭ اتتارىمەن تانىستىرۋ. 
دامىتۋشىلىق ماقساتى: بالالاردىڭ اقىل - وي بەلسەندىلىگىن ارتتىرۋ. ناقىل ءسوز، ماقال - ماتەل ارقىلى ءتىل بايلىعىن دامىتۋ.
تاربيەلىك ماقساتى: بەرىلگەن تاپسىرمانى ورىنداۋعا، ەڭبەكقورلىققا تاربيەلەۋ، ناقىل سوزدەردىڭ تاربيەلىك ءمانىن تۇسىنۋگە تالپىندىرۋ. ۇلكەندەردىڭ ەڭبەگىن باعالاي بىلۋگە تاربيەلەۋ.
جاڭا سوزدەر: ناۋبايحانا، ديىرمەن، كومباين، ديحان، ەليەۆاتور.
ءادىس - تاسىلدەر: ءتۇسىندىرۋ، سەرگىتۋ، ويىن، اڭگىمەلەۋ، سۇراق - جاۋاپ.
كورنەكى قۇرالدار: ەڭبەك ادامدارىنىڭ سۋرەتتەرى، نان تۇرلەرىنىڭ سۋرەتتەرى، نان، باۋىرساق، ويىنعا ديداكتيكالىق قۇرالدار، ۇن، سمايليك.
ءپانارالىق بايلانىس:  ءتىل دامىتۋ،  بەينەلەۋ،  ساۋات اشۋ،  ماتەماتيكا
ساباق بارىسى:  ۇيىمداستىرۋ.
1. امانداسۋ
2. سۇراق-جاۋاپ. 
- بالالار، ءقازىر جىلدىڭ قاي مەزگىلى؟
- قىس مەزگىلىنەن كەيىن قاي مەزگىل كەلەدى؟
- كوكتەمدە قانداي وزگەرىستەر بولادى؟
3. مىنە، ءبىزدىڭ الدىمىزدا داستارحان جايۋلى تۇر. ونىڭ ۇستىندە نانداردى كورىپ تۇرسىڭدار. ەندى ءبىز وسى داستارحانعا نان قالاي كەلەتىنىن مىنا سۋرەتتەردەن كورەتىن بولامىز.
4. - كوكتەمدە مىنا سۋرەتتەگى تراكتورلار جەردى جىرتىپ، جەرگە مىناداي بيداي ءدانىن سەبەدى. (بالالارعا بيدايدى كورسەتەمىز)
- ديحانشىلار جاز بويى ەگىلگەن داندەردى سۋارىپ، كۇتىپ - باپتايدى. (ديحان سوزىنە تۇسىنىك بەرىپ كەتەمىز)
- كۇز بولعاندا جايقالىپ، بيداي ءوسىپ شىعادى. ءوسىپ شىققان بيدايدى كومباينشىلار  ورىپ،  ماشينالارعا سالىپ بەرەدى. (كومباين سوزىنە توقتالىپ كەتۋ)
- كولىكتەر ونى ەليەۆاتورعا تاسيدى. ەليەۆاتوردا بيدايدى جىلداپ ساقتاۋعا بولادى. (ەليەۆاتور سوزىنە توقتالۋ)
- قاجەت بيدايدى ديىرمەنگە اپارىپ، ودان ۇن جاساپ شىعارادى. (ديىرمەن سوزىنە توقتالۋ) بالالارعا ۇندى كورسەتەمىز.
- دايىن بولعان ۇننان ناۋبايحانالاردا ءتۇرلى نان ونىمدەرىن شىعارادى.
- مىنە، بالالار، ءبىزدىڭ داستارحانىمىزعا نان وسىنداي كوپ ەڭبەكتىڭ ارقاسىندا كەلەدى ەكەن.
تاقتاداعى ۇننان جاسالعان ونىمدەر تۋرالى سۋرەتتەرگە توقتالۋ.
5.ديداكتيكالىق ويىن: «قايسىسى ارتىق؟»
ويىننىڭ شارتى: بەرىلگەن سۋرەتتەردىڭ ىشىنەن نان ونىمدەرىنە جاتپايتىن تاعام تۇرلەرىن شىعارىپ تاستاۋلارى كەرەك.
6.سەرگىتۋ ءساتتى 
جايقالادى اق بيداي
باسىن ءيىپ اققۋداي.
تراكتور مەن كومباين
 جۇرگىزۋگە مەن دايىن
7.ديداكتيكالىق ويىن: (تاقتامەن جۇمىس)  «دۇرىس ورنالاستىر»
ويىننىڭ شارتى: ۇن، توقاش، نان سۋرەتتەرى بەرىلەدى. 
8. اينالامەن تانىستىرۋ الىپپە - داپتەرىنەن بەرىلگەن تاپسىرمانى ورىنداۋ. بالالارعا بيدايدىڭ سۋرەتىن سالعىزۋ.
 جۇمباق جاسىرۋ: 
ۇزىن مۇرتتى سارىلار
قوينىندا ءدانى بار.         (بيداي)
بيداي - پشەنيسا.
نان - حلەب؛     
9. ماقال - ماتەلدەر
1.    نان-تاماقتىڭ اتاسى 
2.اس - اتاسى نان 
3ەڭبەكتىڭ نانى ءتاتتى، جالقاۋدىڭ جانى ءتاتتى 
4    داستارحان كوركى -  نان
5    داستارحانىندا نان جوقتىڭ، تاماعىنىڭ ءدامى جوق 
10. تىيىم سوزدەر:
ناندى اياق استىنا تاستاما. 
«جەردە جاتقان ناندى ەڭكەيىپ ال. 
ءداندى شاشپا، ناندى باسپا.
نان – قاسيەتتى ءدام، ونىمەن ويناۋعا بولمايدى
11. ديداكتيكالىق ويىن: «تەز ويلا» (ماماندىق تۇرلەرى اتاۋ.) 

 
1. جەردى جىرتادى. 
تراكتور 
2. ەگىلگەن داندەردى سۋارىپ، كۇتىپ-باپتايدى. 
ديقانشى 
3. بيدايدى ورادى، باستىرادى.
 كومباينشىلار
  4. بيدايدى جىلداپ ساقتايتىن جەر . 
ەليەۆاتور
  5. بيدايدان ۇن جاسايتىن ادام.
ديىرمەنشى
  6  نان پىسىرەدى.
ناۋبايشى
  7. ىستىق نان قايدا تۇسەدى . 
دۇكەنگە
  8. انامىز ۇننان نە پىسىرەدى؟ 
باۋىرساق، شەلپەك، نان، توقاش

 12.سەرگىتۋ ءساتتى
نان قيقىمىن شاشپاڭدار،
جەردە جاتسا باسپاڭدار.
تەرىپ الىپ قاستەرلەپ،
  تورعايلارعا تاستاڭدار.
13. قورىتىندى ءبولىم. 
- بالالار ءبىز ەسىمىزگە تۇسىرەيىكشى اق باۋىرساق، ءتاتتى توقاش، باتوندار ءبىزدىڭ داستارحانعا كەلۋ ءۇشىن قانداي جولداردان وتەدى ەكەن؟
- سول ءۇشىن قانشاما ادام جۇمىس ىستەپ، تەر توكتى، قانە ەسىمىزگە ءتۇسىرىپ اتاپ كەتەيىكشى
تراكتورشىلار، كومباينشىلار، ناۋبايشى، دۇكەنشىلەر
  - سوندىقتان قانشاما ادام كۇنى - ءتۇنى ەڭبەك ەتىپ، تەر توككەن قاسيەتتى ناندى ءبىز قادىرلەۋىمىز، قاسيەتتەۋىمىز كەرەك