InfoHub Logo

ايگىلى «National Geographic» جۋرنالىنىڭ قازاق تىلىندەگى العاشقى سانى جارىققا شىقتى. بۇل ەلىمىزدە مەملەكەتتىك تىلدە تارالاتىن تۇڭعىش شەتەلدىك باسىلىم بولىپ تابىلادى،- دەپ جازادى inform.kz

«جۋرنالدىڭ ءبىرىنشى بەتى قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ شىعارماشىلىق ۇجىمعا جولداعان ارنايى قۇتتىقتاۋ حاتىمەن اشىلعان. وندا ەلباسى: «مەن الەمگە ايگىلى باسىلىمنىڭ قازاق جەرىندە، قازاق تىلىندە جارىق كورۋىن انا ءتىلىمىزدىڭ حالىقارالىق دەڭگەيدەگى تاعى ءبىر جەتىستىگى دەپ باعالايمىن»، - دەپ اتاپ وتەدى. سونداي-اق، مەملەكەت باسشىسى ۇلى دالاداعى ايشىقتى تابيعات پەن شەجىرەلى تاريحتى، كەڭ بايتاق قازاقستاننىڭ تۋريستىك الەۋەتىن دايەكتى دەرەكتەرمەن بايانداپ، الەم جۇرتىنا جان-جاقتى ناسيحاتتاۋ - ەڭسەلى ەلدىكتىڭ بەلگىسى ەكەنىن ايتادى»، - دەلىنگەن باسپا ءسوز بايانىندا.

 باسىلىم العاشقى سانىنان-اق قازاقستانداعى وزەكتى ەكولوگيالىق پروبلەمالارعا نازار اۋدارىپ وتىر. «ارال تاعدىرى - ادام تاعدىرى» دەپ اتالاتىن ماقالادا عالامشارىمىزدىڭ ەڭ ۇلكەن سۋ قويماسى، ورتالىق ازيانىڭ ماڭىزدى ستراتەگيالىق نىسانى - ارال تەڭىزىنىڭ بۇگىنگى جاي-كۇيى باياندالعان.

«National Geographic قازاقستان» جۋرنالىنىڭ نەگىزگى ماقساتى -ەكولوگيالىق ماسەلەلەرمەن قاتار، ەلىمىزدىڭ قايتالانباس سۇلۋ تابيعاتىن، وسىمدىكتەر مەن جان-جانۋارلار دۇنيەسىنىڭ الۋاندىعىن ناسيحاتتاۋ. سونداي-اق، قازاقستاندىق عالىمدار مەن زەرتتەۋشىلەردىڭ عىلىمي ىزدەنىستەرىنە اقپاراتتىق قولداۋ كورسەتۋ. وسى ماقساتتا جۋرنال ۇجىمى بيىل ەلىمىز بويىنشا ءبىرقاتار زەرتتەۋ ەكسپەديسيالارى مەن فوتوكورمەلەر ۇيىمداستىرماق.

«National Geographic» جۋرنالىنىڭ تاريحى سوناۋ 1888 جىلدان باستالادى. ءقازىر الەمنىڭ 38 تىلىندە 80-نەن استام ەلگە تارالادى. ءبىر قۋانارلىعى، ول ورتالىق ازيا ايماعىندا ءبىرىنشى بولىپ قازاقستاندا جارىق كورىپ وتىر.

---