ناۋبايشىنىڭ دۇعاسى
نان الۋشىلاردىڭ اراسىنان ءباز بىرەۋلەر وعان جالعان اقشا بەرەتىن. الايدا ناۋبايشى جالعان اقشا ەكەندىگىن بىلە تۇرا ءلام ميم دەمەيدى. قاي كەزدە بولماسىن جالعان اقشا ۇسىنعان كىسىنىڭ سۇراعان نانىن بەرەتىن. سول ماڭايدا تۇراتىنداردىڭ بارلىعى ونىڭ بۇل ارەكەتىنەن دە حاباردار بولا باستايدى. ءتىپتى ونىڭ بۇل قىلىعىنا دا تاڭداناتىن. ءبىراق ەشكىم سىرىن تۇسىنبەدى.
كۇندەردىڭ كۇنىندە اجال ءساتى كەلگەندە ناۋبايشى قولىن جايىپ؛ «ءاي مەنىڭ ۇلى راببىم! كوپتەگەن جىلدار بويى كەيبىر پەندەلەرىڭ نان الۋ ءۇشىن ماعان جالعان اقشا بەرىپ كەلدى. ءبىراق مەن، ولاردىڭ ايىبىن بەتىنە باسپادىم، جالعان اقشالارىن كەرى قايتارمادىم. ۇنەمى كەشىرىممەن قارادىم. سۇراعانىن بەرىپ كەلگەنىمدى بىلەسىڭ، اللاھىم! ءدال ءقازىر مەن، سەنىڭ قۇزىرىڭا شىنايى بولماعان، شالا قۇلشىلىقتارىممەن بىرگە بارامىن. ولاردى بەتىمە باسپا!»، دەپ جالبارىنىپ دۇعا قىلعان ەكەن.
بىرەۋدىڭ ايىبىن جاسىرۋ ادامگەرشىلىكتەن، مۇسىلمانشىلىقتان بولىپ تابىلادى. ءاربىر ادامنىڭ قاتەلىگى مەن كەمشىلىگى بولادى. وزگەنىڭ قاتەلىگىمەن، كەمشىلىگىمەن اينالىسىپ، ءوزىن ۇمىتقانداردىڭ ءحالى نەندەي كۇلكىلى دەيدى ىزگىلەر. ال ءوزىن-وزى ەسەپكە تارتىپ جۇرگەن كىسى كۇنا اتاۋلىدان ارىلىپ ىزگى جانداردىڭ قاتارىنا ەنۋى ابدەن مۇمكىن. ءبىر حاديس شاريفتە بىلاي دەيدى:
وزگەنىڭ كەمشىلىكتەرىمەن اينالىسپاي، ءوز كەمشىلىكتەرىمەن شۇعىلدانعان جاندى سۇيىنشىلەيمىن.
بىرەۋدىڭ ءمىنىن كورگەنشە،
جاماندىعىن تەرگەنشە،
ءوز ويىڭدى مازالاپ،
ءوز بويىڭدى تازالاپ،
وزىڭمەن الىس ولگەنشە!شاكارىم قۇدايبەردى ۇلى
You Might Also Like
-
كەڭەس وكىمەتى كەزىندە ءبىر اۋىلدا ءبىر-اق قۇران بولدى دەسەك، ارتىق ايتقاندىق بولماس. ونىڭ ءوزى نە مولدانىڭ، نە اتا-باباسى ءدىندار بولعان ادامداردىڭ ۇيىندە عانا بار ەدى. سونداي ءبىر كەزەڭدە، مۇسىلمان ەلى...
-
بىردە ماسكەۋلىك «زناميا» جۋرنالىنىڭ تىلشىلەرى كۋبا ريەۆوليۋسياسىنىڭ كوشباسشىسى فيدەل كاسترودان سۇحبات الىپ وتىرىپ، سوۆەت ەلىندەگى قانداي داڭقتى باتىرلاردى بىلەسىز دەپ سۇراپتى. ول ءبىراز وي...
