نازاربايەۆ زياتكەرلىك مەكتەپتەرى UNESCO سىيلىعىن يەلەندى
نازاربايەۆ زياتكەرلىك مەكتەپتەرى UNESCO «Wenhui Award -2019» سىيلىعىن يەلەندى.
باسپا ءسوز قىزمەتىنىڭ حابارلاۋىنشا، «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنىڭ ءتورايىمى كۇلاش ءشامشيدينوۆاعا الماتىداعى كلاستەرلىك بيۋرو ديرەكتورى كريستا پيكاتتىڭ قولى قويىلعان قۇتتىقتاۋ حاتى كەلگەن.
«قازاقستان، قىرعىزستان، تاجىكىستان جانە وزبەكستان بويىنشا UNESCO-نىڭ كلاستەرلىك بيۋروسىنىڭ اتىنان «نازاربايەۆ زياتكەرلىك مەكتەپتەرى» دەربەس ءبىلىم بەرۋ ۇيىمىنا دەگەن قۇرمەتىمدى بىلدىرەمىن. سونداي-اق، اسقان قۋانىشپەن سىزدەردىڭ ۇيىمدارىڭىز UNESCO Wenhui Award 2019 سىيلىعىن جەڭىپ العانىن حابارلايمىن»، – دەلىنگەن كريستا پيكاتتىڭ حاتىندا.
NIS - UNESCO-نىڭ ءبىلىم سالاسىنداعى سىياقىسىن يەلەنگەن قازاقستاننىڭ ءبىرىنشى وكىلى. Wenhui Award ۋنيۆەرسيتەت پەن مەكتەپ اراسىنداعى «ءبىلىم–2030» جوباسىن ىلگەرىلەتۋ جولىنداعى سەرىكتەستىكتى دامىتۋعا باعىتتالعان.
«UNESCO سىيلىعى قازاقستاندىق يننوۆاسيالىق مەكتەپتەرگە ساپالى ءبىلىم مەن ءومىر بويى ءبىلىم الۋعا ىقپالداساتىن ۋنيۆەرسيتەتتەر مەن مەكتەپتەر اراسىنداعى تابىستى سەرىكتەستىك ءۇشىن، بالالار مەن جاستاردى ومىرگە، جۇمىسقا جانە جاھاندىق ازاماتتىققا بەيىمدەۋ جولىنداعى ەڭبەك ءۇشىن بەرىلەدى. فينالدىق كەزەڭ نومينانتتارىنىڭ ىشىندە اۆستراليا، جۇڭگو، مالايزيا جانە شري-لانكا ەلدەرىنىڭ بەدەلدى ۋنيۆەرسيتتەرى بولدى» دەلىنگەن باسپا ءسوز بايانىندا.
You Might Also Like
-
سەكسەننىڭ سەڭگىرىنە سەكىرگەن اپامىزعا دۇنيەدەگى بار جاقسىلىقتى تىلەگىمىز كەلەدى. اماندىق بولسىن، جاماندىق بولماسىن! ارامىزدا امان-ەسەن جۇرە بەرىڭىز! نەمەرە-شوبەرەلەرىڭىزدىڭ ەسەيگەنىن كورىپ، ولاردىڭ...
-
وتكەن كۇننىڭ ارتتا قالىپ ەلەسى، تىرشىلىكتىڭ جىلجي بەرەر كەمەسى. باسىڭىزعا ب ا ق پەن ىرىس سىيلاعان، 70 جاستىڭ قۇتتى بولسىن بەلەسى.
