نە دەگەن كۇش دەسەيىشى!
1917 جىلدىڭ ۇمىتپاسام، مارت ايى. ول كەزدە قوجايىندار جەر ۇستىنە شىعارىلعان كومىردەن جۇمىسشىلاردىڭ كومىر الىپ جاعۋىنا رۇقسات ەتپەيتىن. اركىم ءوزى شاحتا ىشىنەن ارقالاپ الىپ شىعۋى كەرەك. سوندىقتان شاحتا استىندا جۇمىس ىستەمەيتىن جۇمىسشىلار قىرداعى كومىردەن ۇرلاپ جاعادى.
اتى ەسىمە تۇسپەي وتىر، ءبىر ۇستا بار ەدى. كوكتايشا دەگەن ۇستامەن بىرگە جۇمىس ىستەيتىن. كۇلدىباي ما ەكەن؟ ايتەۋىر الەۋمەتتى جىگىت ەدى.
سول ءبىر كۇنى جاعايىن دەسە ۇيىندە وتىنى جوق. شاحتا باسىنا بارادى دا، كومىردىڭ ءبىر ۇلكەن كەسەگىن يىعىنا قوندىرىپ الىپ كەلە جاتادى عوي. الدىنان قوجايىننىڭ يتارشىلارىنىڭ بىرەۋى شىعا كەلەدى دە، ونى كورىپ قالادى. بايقاۋسىز ءوتىپ بارا جاتقان كىسىنىڭ تىزەسىنەن الگى سۇم تاياقپەن بەرىپ جىبەرەدى. ءوزىنىڭ ارقالاپ اكەلە جاتقان كومىرى اياعىنا ءتۇسىپ، سودان الگى جىگىت اقساق بولدى. جەرگە تۇسكەن كومىرى ەكى جارىلىپ تۇسكەن ەكەن.
ەرتەڭىندە الەۋەتتى جىگىتتەر الگى كومىردىڭ سىنىعىنىڭ ءوزىن ورنىنان قوزعالتا المادى. جۇرتتىڭ ايتۋىنا قاراعاندا، الگى كومىردىڭ اۋىرلىعى 9 پۇتتاي ەدى دەيدى. نە دەگەن كۇش دەسەيشى! ءبىر جارىم سەنتنەردى ارقالاپ جۇرگەن.
سول جىلى قاراعاندىدا جۇمىسشىلار سوۆەتى قۇرىلدى. باستىعى نيكيتين دەگەن ورىس بولدى. جىگىت-اق ەدى. نيكيتين باستىق بولعاننان كەيىن باستىعى كۇلدىبايدى اياعىنان ۇرىپ قۇلاتىپ جۇرگەن قارا يۆان دەيتىن ورىستان قۇنىن اپەردى.
You Might Also Like
-
ەسىل بويىندا كۇيشىلىك، انشىلىك ونەرىمەن ەلگە تانىلعان، كەدەي دە بولسا ءوز ورتاسىندا اساۋ كوكتىڭ تۇقىمىنداي سىي-سىياپات، قوشامەتكە بولەنىپ جۇرگەن ءبىر قىز بار دەپ ەستىگەن تاتتىمبەت، ونەر دەسە ومە...
-
— «اينالماق» دەگەن ءوزىن-وزى ساداقا ەتىپ، قۇرباندىققا قياتىن ىرىم ەكەن. ءوزىن بىرەۋدىڭ جولىنا قۇربان ەتكىسى كەلگەن كىسى اۋىرىپ جاتقان ناۋقاستى ءۇش اينالىپ شىعۋى كەرەك. قا...
