نە كەڭىردەك كەتتى...
ءبىر تەنتەك ادام ءارۋاقىت استا، تويدا ۇرىس-كەرىس، توبەلەس شىعارىپ، ويىن-ساۋىقتىڭ بەرەكەسىن كەتىرەدى ەكەن.
ءبىر تويدىڭ يەسى تويىن باستاردان بۇرىن الگى تەنتەكتى شاقىرىپ الىپ:
— ازاماتىم، وسى تويدا تەك ءجۇر: ۇرىس-كەرىس شىعارما. تىنىش جۇرسەڭ، توي تارقاعان سوڭ ات مىنگىزەم، شاپان كيگىزەم، — دەپتى.
تەنتەك وعان كونىپتى، تويدا ۇرىس-كەرىس شىعارماي، تىنىش ءجۇرىپتى. توي تارقاعان سوڭ كەلىپ، توي يەسىنەن ۋادە ەتكەن ات، شاپانىن سۇراپتى.
توي يەسى:
— ول اتىڭ استىڭدا، شاپانىڭ ۇستىڭدە. ەگەر مەن تەك ءجۇر دەمەسەم، سەن بۇرىنعى ادەتىڭشە، ۇرسىسىپ، توبەلەسىپ، شاپانىڭدى جىرتىپ، شاپانسىز قالار ەدىڭ، اتىڭدى ايىپقا بەرگەن بولار ەدىڭ، مەن ايتقان سوڭ تەك ءجۇردىڭ: شاپانىڭ ءبۇتىن، اتىڭ استىڭدا. سول مەنىڭ ساعان بەرگەن ات-شاپانىم ەمەس پە؟ — دەپتى.
You Might Also Like
-
جانتالاس اتىس كەزىندە تاكەن دەيتىن سولدات كۇنى بۇرىن قازىپ العان ترانشەياسىنا كەلىپ تىعىلادى. سول كەزدە اعاش باسىندا بارلاۋدا وتىرعان سولدات جەرگە سەكىرىپ ءتۇسىپ، الگى جىگىتتىڭ جانىنا كەلەدى دە:
-
ەرتەدە ءبىر الاڭعاسار بولىپتى. ءبىر كۇنى قار جاۋىپ تۇرعاندا اۋىلدىڭ بوزبالالارى قالجىڭداپ:
