InfoHub Logo

ارقاقاپتاعى رومب جانە تۇمشاپەش استىنداعى جاشىك سەكىلدى كۇندە كورىپ جۇرگەن زاتتاردىڭ دا ءسىز ويلاپ كورمەگەن فۋنكسيالارى بار.  

كۇن سايىن پايدالانىپ جۇرگەن ۇيرەنشىكتى زاتتار سيۋرپريزدەرگە تۇنىپ تۇر. ءبىز ولار جايىندا ءبارىن بىلەمىز دەپ ويلايمىز، الايدا ول ويىمىز قاتە. بۇگىن ءبىز كۇندەلىكتى تۇرمىستا پايدالانىپ جۇرگەن زاتتارعا قاتىستى ەڭ توسىن ايعاقتاردى توپتاستىردىق.   

1. ازيالىق فاست-فۋد سالىناتىن قوراپتار

ارينە، قولدى يكەمگە كەلتىرىپ، تاياقتارمەن كەسپەنى نەمەسە كۇرىشتى قوراپتىڭ بۇرىش-بۇرىشىنان الىپ جەۋگە بولادى، ءبىراق ول قوراپتى جايىپ جىبەرسە، ودان تاماقتى الىپ جەۋگە الدەقايدا ىڭعايلى بولاتىن تاقسى (تارەلكا) پايدا بولادى.  

2. سىمعا ورناتىلعان سيليندر

بۇل ەلەكتر تىزبەكتەرىندەگى جوعارى جيىلىكتى بوگەۋىلدەردى باسىپ ازايتاتىن فەرريت فيلتر. وسىنىڭ ارقاسىندا سيفرلىق سيگنالدىڭ ساپاسى جاقسارادى. ايتپاقشى، بۇل فيلترلەر الىنبالى دا بولىپ جاسالادى.  

3. كويلەك جاعاسىنىڭ ارتقى جاعىنا قادالاتىن تۇيمە

بۇل تۇيمە تاعىلعان گالستۋك جاعادان شىعىپ تۇرماۋى ءۇشىن قاجەت. سوڭعى كەزدەرى بۇنداي جەيدەلەر كوپ شىعارىلماي ءجۇر، ويتكەنى وسى تۇيمەنىڭ استىنا سىيىپ تۇراتىن ەنسىز گالستۋكتار باياعىدا ساننەن قالعان. قازىرگى كەزدە بۇنداي تۇيمەلەر تازا دەكوراتيۆتىك فۋنكسيانى اتقارادى.  

4. شاراپ شولمەكتەرىنىڭ ءتۇپ جاعىنداعى ويدىم

شولمەكتىڭ اۋزىن تىعىنمەن جاۋىپ بەكىتكەن كەزدە ونىڭ ءبۇيىرى مەن تۇبىندە كۇشتى قىسىم پايدا بولادى. تۇپتەگى ويدىم قىسىمدى شولمەكتىڭ ىشىنە بىركەلكى تۇسىرەدى دە، سونىڭ ارقاسىندا شولمەك جارىلىپ كەتپەيدى. ايتپاقشى، كوبىكتى شاراپتار قۇيىلاتىن شولمەكتەردىڭ تۇبىندەگى ويدىم باسقا شاراپ شولمەكتەرىندەگىدەن ۇلكەنىرەك بولىپ كەلەدى.  

5. جەيدەنىڭ جوعارعى تۇيمەسى سالىناتىن كولدەنەڭ تىلىنگەن تۇيمەكوز (ىلگەك)  

نەگە جەيدەنىڭ تۇيمەلىك جولاعىنداعى تۇيمەكوزدەردىڭ بارلىعى تىگىنەن تىلىنگەن دە، ال جوعارعىسى كولدەنەڭ تىلىنگەن؟ جاۋابى وپ-وڭاي: وسى تۇستا جەيدەنىڭ تۇيمەسى ءجيى-جيى اعىتىلىپ كەتە بەرەدى. تۇيمەنىڭ تىك تۇيمەكوزبەن سالىستىرعاندا كولدەنەڭ تۇيمەكوزدەن اعىتىلىپ كەتۋى قيىنىراق.    

6. كروسسوۆكانىڭ باۋ وتكىزىلەتىن قوسىمشا ساڭىلاۋلارى

ولاردى پايدالاناتىندار از، ءبىراق ولاردىڭ بۇنىسى بەكەر: وسى ساڭىلاۋلاردىڭ ارقاسىندا كروسسوۆكا اياققا ويداعىداي كيىلىپ، سپورتپەن شۇعىلدانۋ كەزىندە وكشەڭىزدى قاجاپ تاستامايدى.  

7. كەدانىڭ ءبۇيىر تۇسىنداعى تەسىكتەر

«جەلدەتىپ تۇرۋ ءۇشىن» دەيتىن ايدان انىق جاۋاپتان بولەك باسقا دا نۇسقاسى بار. بار گاپ Converse All Stars اياق كيىمدەرى ەڭ باسىندا باسكەتبولشىلارعا ارناپ شىعارىلعاندىعىندا. كەدانىڭ وسى قوسىمشا تەسىكتەرىنەن دە باۋ ءوتىپ بايلاناتىن. سونىڭ ارقاسىندا اياق كيىم اياقتا نىق تۇراتىن.   

8. سپاگەتتيگە ارنالعان قاسىقتاعى ساڭىلاۋ

قانشا سپاگەتتيدى ءپىسىرۋ كەرەكتىگىن ويلاپ باس قاتىرماۋىڭىز ءۇشىن وسى ساڭىلاۋ جاسالعان. ساڭىلاۋعا سىيعانى — ءبىر ادامعا ارنالعان ستاندارتتى پورسيا.  

9. ءشومىش (وجاۋ) تۇتقاسىنداعى ويىق

ول ويىق سىزگە ءشومىشتى ءىلىپ قويۋ ءۇشىن عانا قاجەت ەمەس. بۇل ويىقتى ءسىز ءپىسىرىپ جاتقان تاماقتى ارالاستىراتىن قاسىقتى ۇستاپ تۇرعىش رەتىندە دە پايدالانۋعا بولادى.  

10. شارلى قالامنىڭ قالپاعىنداعى ساڭىلاۋ

بالالار نە بولسا سونى اۋزىنا سالا بەرەدى، ال شارلى قالامداردى كەمىرىپ-قاجاعاندى مەكتەپ جاسىنداعىلار دا جاقسى كورەدى. ەگەر بالا بايقاۋسىزدا قالپاقتى جۇتىپ قويىپ، ول تىنىستاۋ جولدارىندا تۇرىپ قالسا، بۇل كىشكەنتاي عانا ساڭىلاۋدان اۋا ءوتىپ، ءسابي دەم الا بەرەدى.

11. كولىكتىڭ اسپاپ-قۇرالدار پانەلىندەگى جانارماي بەلگىسى جانىنداعى نۇسقاما

بۇل ءبىر كەمەڭگەر ادامنىڭ ويلاپ تاپقان امالى، ول، وكىنىشكە وراي، كولىكتەردىڭ ءبىرازىندا جوق. نۇسقاما جانارماي باگىنىڭ اۋزى كولىكتىڭ قاي جاعىندا ەكەنىن كورسەتىپ تۇرادى. جالعا العان كولىككە جانارماي قۇياتىن كەزدە وتە قاجەت.

12. مۇزكامپيت تاياقشاسىنىڭ ۇشىنداعى ساڭىلاۋ

بۇل جەردە ول تازا تەحنولوگيالىق تۇرعىدا قاجەت بولىپ تۇر: كىشكەنتاي تەسىك مۇزكامپيتتىڭ پلاستيك تاياقشادان ءتۇسىپ قالماۋى ءۇشىن جاسالادى. كىشكەنتاي تۇتىكتى ءالى سۇيىق ءشارباتقا باتىرعان كەزدە، ءشاربات سول ساڭىلاۋعا اعىپ كىرەدى دە، قاتقان سوڭ كامپيتتى تۇسپەيتىندەي ەتىپ ۇستاپ قالادى.

13. ارقاقاپتاعى تىلىكتەرى بار كۆادرات جاپسىرما

باس كەزىندە بۇنداي جاپسىرمالار تەك تۋريستىك ارقاقاپتاردا بولدى: تىلىكتەردەن ارقان، مىلتىق وتكىزىلىپ قوياتىن. قالالىق ارقاقاپتارعا ولار تەك ادەمىلىك ءۇشىن عانا تىگىلەدى.    

14. شالباردىڭ قىرى

ءقازىر ول كلاسسيكالىق شالبارلاردىڭ مىندەتتى اتريبۋتىنا اينالدى، ءبىراق ونى ەشكىم ادەيىلەپ ويلاپ تاپقان جوق. XIX عاسىردا كيىم تىگۋمەن اينالىساتىن كوپتەگەن كاسىپورىندار ونىمدەرىن ەكسپورتقا شىعاراتىن ەدى. تاسىمالداعان كەزدە جۇك مەيلىنشە از ورىن الۋى ءۇشىن شالبارلاردى جونەلتۋ الدىندا نىعىزداپ تاستايتىن. وسىنىڭ ناتيجەسىندە بالاققا قىر ءتۇسىپ قالىپ، ودان ارىلۋ قيىننىڭ قيىنى بولدى. بۇعان كونۋدەن باسقا امال قالمادى.  

15. باس كيىمدەردەگى شاشاق

كۇلكىلى ۇلپىلدەك شارلار XVIII عاسىردا كەمەلەردەگى ورىنجايلاردىڭ الاسا توبەلەرىنە جانە دوڭەس، شىعىڭقى زاتتارعا باسىن ۇرا بەرىپ، زارەزاپ بولعان فرانسۋز تەڭىزشىلەرىنىڭ تاقيالارىندا پايدا بولدى. كەيىنىرەك ءار ءتۇرلى ءپىشىم مەن تۇستەگى شاشاقتار كوپتەگەن اسكەري باس كيىمدەرگە دە تىگىلە باستادى. سول شارلار ارقىلى ولاردىڭ يەلەرى قانداي اسكەر تۇرىنە جاتاتىنىن اجىراتۋعا بولاتىن بولدى.    

16. كەڭسە پىشاعىنىڭ ارتقى جاعىنداعى بىتەۋىش

كەڭسە پىشاعىنىڭ ءجۇزى مۇقالعان سەكسيالارىن سىندىرىپ الىپ تاستاۋدىڭ بىرنەشە ءتاسىلى بار. بۇنى، قولدى كەسىپ الا جازداپ، قولىڭىزبەن سىندىرىپ كورۋگە بولادى، كەمپىراۋىزدى پايدالانۋعا بولادى، نە بولماسا، پىشاقتىڭ ءوزىن مۇقيات شولىپ شىعۋعا بولادى. ونىڭ سابىنىڭ ارتقى جاعىندا شىعارىپ، پىشاق ءجۇزىنىڭ قاجەتسىز بولىپ قالعان سەكسياسىنا سالىپ، ونى سىندىرىپ تاستاۋعا بولاتىن بىتەۋىش بار.   

17. رۋلەتكانىڭ تاقالاعىنداعى ساڭىلاۋ

ول ادامنىڭ جالعىز ءوزى ۇزىن كەسىندىلەردى ولشەي الۋى ءۇشىن قاجەت. كەسىندىنىڭ باس جاعىنا بۇراشەگە بۇرالىپ كىرگىزىلەدى دە، وعان تاقالاقتاعى ساڭىلاۋ ارقىلى رۋلەتكانىڭ ۇشى ىلىنەدى. ال ىسمەر كىسى قاجەتتى ۇزىندىقتى ولشەپ الادى.

18. Heinz كەچۋبىنىڭ وراماسىنداعى 57 سانى

بۇل سان Heinz كومپانياسىنىڭ جارنامالىق ۇرانىنىڭ ءبىر بولىگى (57 ءتۇرى بار) بولۋىنان بولەك، قۇتىعا جازىلعان بۇل ساننان پراكتيكالىق پايدا دا بار. ەگەر كەچۋپ اقپاي جاتسا، الاقانىڭىزبەن 57 سانىن بىر-ەكى رەت ۇرىپ قالىڭىز.  

19. تۇمشاپەش استىنداعى جاشىك

كۇندەلىكتى جاعدايدا ول جەردە تابالار تۇرادى. الايدا، شىندىعىندا، بۇل جاشىك «جىلىتۋشى» دەپ اتالادى. باسىندا ول، تۇمشاپەشتە تاعى ءبىر تاعام ءپىسىپ جاتقاندا، دايار تۇرعان تاعامدار سۋىپ قالماۋى نەمەسە ىسىتىلۋى ءۇشىن ويلاستىرىلعان.

---