InfoHub Logo

قىزىلوردا وبلىسى،
قازالى اۋدانى، قازالى اۋىلى،
№9 «بالاۋسا» بالاباقشا تاربيەشىسى
شىنار مۇبەرەكوۆا

كيەلى، قاسيەتتى تۋعان جەرىم.

كيەلى، قاسيەتتى تۋعان جەرىم،
وزىڭنەن بۇرشىك جارىپ كوكتەپ ەدىم
ءومىر دەگەن اسۋلى ۇلى جولدا
دەم بەرىپ قولتىعىمنان دەمەپ ەدىڭ.

مەن سەنىڭ قۇدىرەتىڭە باس يەمىن
اتا - بابام تىرشىلىك ەتكەن جەرىم
ۇرپاعىمىن دەي الام كەۋدە كەرىپ
ءجالاڭتوس، جانقوجاداي كيەلى ەلدىڭ.

تالاي عاسىر شىندىعىن ارتقا تاستاپ
ءوزىڭدى الپاۋىتتاي اسقاق ۇستاپ،
و، تۋعان جەر كەلەسىڭ توتەپ بەرىپ
كەزدەسسە دە الدىڭنان قيىن سوقپاق.

تاريحتىڭ تاعىلىمىن دا تارازىلاپ
قالدى ما جۇرەگىڭدە نەبىر سىزات
ادام قولدان جاساعان ازاپتى ايتسام
العاندايمىن جاراڭنىڭ اۋزىن تىرناپ

تابيعاتىڭ بۇگىن جوق تامساندىرعان
تالاي قۇسقا شىرقاتىپ ءان سالدىرعان
عارىش كوككە سامعاعان زىمىراندار
ادام كوزىن اشقىزباس شاڭ مەن قۇمنان

جەرىڭ ازىپ بارا ما اعىمعا وراي
وزگەردى مە الدە بۇل زامان قالاي
جاسىل جەلەك ورانعان كوكوراي بەل،
تۇسىمىزگە كىرە مە ساعىمدارداي.

ءالى دە بولاشاقتان ءۇمىت كۇتەم
كيەلى، قاسيەتتى شابىتتى ولكەم
اتا - بابا رۋحىنىڭ الدىندا مەن
تۋعان جەر كەشىرشى دەپ تىزە بۇگەم.
11. 05. 2005ج

ارالىم ەندى بىزگە ەرتەگىسىڭ.

ن ەگە ەرتە سۋالدىڭ جانىم ارال،
قالجىراعان ەلىڭنىڭ ءحالى جامان.
تولقىنىڭدا تەربەلگەن كەمەلەرىڭ،
جەتىم قوزى كۇزەكتە ماڭىراعان.

ەرىك بەرمەس تولقىنىڭ جاعاعا ۇرىپ،
كوككە شاپشىپ بالىعىڭ اسىر سالىپ.
كوز ءتيدى مە، بۇل كۇندە بولماعانداي،
كولشىك عانا، تەڭىز جوق كوزدەن عايىپ.

ەكى وزەندى جاتاتىن بىردەي ەمىپ
كۇننەن كۇنگە باراسىڭ جەرگە ءسىڭىپ
ەلىڭ كوكتەن سۇرايدى قولىن جايىپ
«كەلەر ارال»، «ورالار» دەگەن ءۇمىت.

نەگە ەرتە سۋالدىڭ جانىم ارال،
مەن ءوزىڭدى قاي جەردەن تاۋىپ الام
ازاماتپىز دەيمىز - اۋ كەۋدە كەرىپ
جان ەكەنبىز ۋىزعا جارىماعان.

ءبارىن قولدان جاسادىق ءبىلىپ تۇرىپ
بەرمەدىك كوز بىلگەنگە جانە ىرىق
نە جازىعى بار ەدى ارالىمنىڭ
ەلگە بايلىق، جەرىمە بەرگەن كورىك.

نە شارا ەندى بارماق تىستەگەنمەن
ارالىم ماڭگى بىزگە وكپەلەگەن
جۇرەككە قورعاسىن بوپ قۇيىلاتىن
اقىنمىن اقيقاتقا سان شولدەگەن.

ارالىم ەندى بىزگە ەرتەگىسىڭ
بولماعانداي تولقىنىڭ، وكتەم كۇشىڭ
سەن جايلى نە ايتامىز جاس ۇرپاققا
«جاۋاپ جوق» ۇيالامىن ەرتەڭ ءۇشىن
شارق ۇرىپ شاعالاڭداي ىزدەپ وتسەم
جىرىما قۇلاق ءتۇرىپ ورالار ما
ارالىم باۋرايىڭا اققۋ قۇسىڭ.

جاسقا وسيەت
اكەنىڭ ب ا ق داۋلەتى ازىق بولماس
پەرزەنتتىڭ اتاق - داڭققا جەتۋىنە
ءسوزدىڭ دە بايىبىنا تۇسىنبەسەڭ
كەتەرسىڭ ءباز بىرەۋدىڭ جەتەگىندە

ءومىردىڭ بۇرالاڭ جول سوقپاعى كوپ
سىن جولدان ازازىلگە بۇرىلماي ءوت
ەڭبەك ەتسەڭ جيىلار مال - دۇنيە
بوي الدىرما، ەنجارلىق جامان ادەت

ابىرويدان ايرىلماسسىڭ دۇنيە ءۇشىن
كوز تويمايدى، تاۋسىلماس كەم - كەتىگىڭ
قىزعىش قۇستاي قورىساڭ مال - مۇلىكتى
دوس تۇگەل، بەزىپ كەتەر بار تۋىسىڭ

قول ۇشىن بەر قينالعان ازاماتقا
نە كەلىپ نە كەتپەيدى جۇمىر باسقا
كۇنى ەرتەڭ نە بولارىن بىلمەيدى ادام
قازانىڭ ورتايمايدى ءبىر قول اسقا.

ب ا ق - داۋلەت ماڭگى تۇرماس ءبىر باسىڭدا
«ءۇپ»ەتسە ۇشىپ كەتەر قاس - قاعىمدا
قۋانىشتى قايعىنى بولىسەتىن
قاسىڭا دوس پەن باۋىر، تۋىس جينا.
4. 02. 2006ج

ءبىر وكىنىش، ءبىر ءۇمىت.
ءبىر وكىنىش، ءبىر ءۇمىت
تىنىم بەرمەc ساناعا
سىناعى كوپ عۇمىرىڭ
تۇسەر مە ءبىر ارناعا.
جاستىق ءتاننىڭ جاسىلى،
بويداعى قان تاسۋى
توتەپ بەرمەس قامالعا.
قيماسسىڭ سەن تاعدىرىم
جاسىق جاندى جامانعا
وسال بولماي ومىردە
امالدا سەن امالدا
تۇسىنگەنگە بىلگەنگە
قۇداي دا جاق ادامعا
«تاعدىرىم قيىن بولدى»دەپ
تىزگىندى بەرمە ارامعا
ءبىر وكىنىش، ءبىر ءۇمىت
كەزەك كەلەر ادامعا.
توزە بىلسەڭ جەتەرسىڭ
ويلاعان ماقسات ارمانعا
وسىنى دوسىم ايتتى دەپ
بەرىك ۇستا ساناڭدا
سابىر ءتۇبى - سارى التىن
سابىرلىق كەرەك ادامعا.
17. 11. 2006ج

ولەڭىم
ولەڭ - مەنىڭ جان دوسىم جاناشىرىم
ولەڭ - مەنىڭ رۋحاني بار اسىلىم
ولەڭ - مەنى پاك جولدان تايدىرمايتىن
ولەڭ - مەنىڭ قادامىم باساتۇعىن

ولەڭ - مەنىڭ ارمانىم جەتەلەيتىن
ولەڭمەنەن ورگە مەن ورمەلەيمىن
ولەڭ مەنىڭ ءسابيىم بەسىكتەگى
ولەڭ مەنىڭ عاشىعىم ەركەلەيتىن

ولەڭ - مەنىڭ ءومىرىم العا باستار
ولەڭ عانا سەرگىتىپ كوڭىلدى اشار
ولەڭ مەنىڭ جىر كەمەم تۋرا جۇزەر
تۇڭعيىقتان تالپىنتىپ الىپ شىعار.
16. 08. 2007ج

«ەلىم» دەپ شىققان الاڭعا.
قانشاما جاستىڭ ارمان باقىتىن قۇيىنعا وراپ،
قانشاما جاستى كوز جاسىمەنەن، قانىنا بوياپ،
«ەلىم» دەپ شىققان، «جەرىم» دەپ شىققان الاڭعا جاستار
جازىقسىز ەدى - اۋ، جازىقسىز كەتتى - اۋ وڭكەي جاس بوزداق.

قانشاما ۋاقىت بۇركەۋلى جاتقان جۇرەكتىڭ دەرتىن،
جەتكىزگەن ۋاقىت باساتىن سول كۇن وزەكتىڭ ءورتىن.
ۇمىتپەن شىققان، سەنىممەن شىققان الاڭعا جاستار
الساق دەپ قولعا ەرتەڭگى ەلدىڭ ەركىندىك كىلتىن.

نە كوردى ولار قارۋلى جاساق قاپتاعان،
جازىقسىز جاندى ءبىر جان جوق سول ءسات جاقتاعان.
قازاقتىڭ ناعىز قاراكوزى مەن قامبارىن
تابانعا سالىپ، تەپكىگە الىپ تاپتاعان.

نە كوردى ولار، ومىردەن مىنا نە كوردى،
ون سەگىزبەنەن نە ءبارى جيىرما بىردە ەدى.
«ەلىم» دەپ شىققان، «جەرىم» دەپ شىققان جاستاردى
ۇلتشىلدار مەن ناشاقورلارعا تەڭگەردى.

ۋاقىت ەمشى جيىرما جىل قىس پەن جاز ءوتتى،
ەل قۇرمەتتەر قۇربان بولعان ەرلەردى.
قازاق ءۇشىن كەتپەس ماڭگى تاڭدايدان
جەلتوقساندا توگىلگەن جاستىڭ كەرمەگى.
15. 12. 2006ج

ومىردە ورگە اعاتىن وزەن ەدىڭ.
قورىقپاعان ول ەشكىمنەن، ەشتەڭەدەن
اجالداي نوسەرلەگەن وقتانداعى.
ەل ءۇشىن تىگىپ ءوزىن قۇرباندىققا
ادىلدىكتى اڭساعان ونىڭ جانى.

ماحامبەت پەن ماعجانداي قايسار اقىن
ەلىنىڭ ەرتەڭىنە بولعان جاقىن.
ەل ەسىندە ايتىلعان اقتىق ءسوزىڭ،
ەل اۋزىندا ەرلىگىڭ قايرات اتىڭ.

اقىن بولدىڭ ەلىڭە جاقىن بولدىڭ
جاستا بولساڭ ويلادىڭ ەل تاعدىرىن
تەمىر تور، تەمىر توسەك، تار قاپاستا
اۋزىڭنان تاستامادىڭ ەل ۇرانىن.

ومىردە ورگە اعاتىن وزەن بولسا،
تەڭەر ەم مەن ءوزىڭدى سول وزەنگە
سەن جەتپەدىڭ دەگەنمەن ەلىڭ جەتتى
قاپاستا سەن اڭساعان اق ساۋلەگە.

قازاقتىڭ قايتا تۋماس قايرات ۇلى
وزەكتى ءتىلىپ تۇسەر وتكىر ءتىلدى.
رۋحىڭ بيىك سەنىڭ ەلىڭ ءۇشىن
جۇرگەيسىڭ اقىندىقتا جەبەپ ءبىزدى.
15. 12. 2007ج

قازاقتىڭ ءبىر قىزىمىن.
قازاقتىڭ ءبىر قىزىمىن انا كورگەن،
جۇرەككە سەزىم وتىن جاعا بىلگەن
قۋانىشىن، شاتتىعىن ءبىر ءبولىسىپ
قايعىسىن قارسى كەلگەن دارا كورگەن.

قازاقتىڭ ءبىر قىزىمىن سۇيە بىلگەن
وتىنا ماحابباتتىڭ كۇيە بىلگەن
جار قۇشىپ بالا ءسۇيىپ ومىرىندە
«انا» دەگەن اتاقتى يەلەنگەم.

قازاقتىڭ ءبىر قىزىمىن سىيلاي بىلگەن،
ۇلكەندىك وسيەتكە قۇلاق تۇرگەن.
جاماندىق، قياناتقا ۇلكە قاراپ
جاقسىنىڭ جان سۇلۋىن جيناي بىلگەن

قازاقتىڭ ءبىر قىزى بوپ اقىن بولسام
ەلىمنىڭ ەرتەڭىنە جاقىن بولسام
قۋانام كۇلىپ اتقان ءار تاڭىما
قازاق بوپ تۋعانىمدى ماقتان تۇتام.
7. 03. 2005ج.