InfoHub Logo

تاقىرىبى: ءومىر گ ۇلى – انالار!
ماقساتى: كوكتەمنىڭ العاشقى مەرەكەسى – انالار مەرەكەسى جونىندە تۇسىنىك بەرۋ. بالالاردى انالارىنا دەگەن سۇيىسپەنشىلىككە باۋلۋ، انا ەڭبەگىن ارداقتاپ، قۇرمەتتەي بىلۋگە تاربيەلەۋ.
كورنەكىلىگى: قاناتتى سوزدەر، شارلار، گۇلدەر، سۋرەتتى پلاكاتتار.

ءجۇرىسى:
تاربيەشى:
- قۇرمەتتى قوناقتار، ۇستازدار! بۇگىن بىزدە ۇلكەن مەرەكە، سىزدەردىڭ الدارىڭىزدا مەكتەپالدى دايارلىق سىنىپ تاربيەلەنۋشىلەرى وزدەرى دايىنداعان بيلەرىن بيلەپ، اندەرىن شىرقاپ، تاقپاقتارىن ايتپاقشى.
كوكتەمنىڭ العاشقى ايىنداعى ەڭ العاشقى مەرەكە – 8 ناۋرىز – انالار مەرەكەسى دە كەلىپ جەتتى. انا — ءاربىر ادام بالاسى ءۇشىن ەڭ ىستىق، جانعا جاقىن، ماعىنالى دا قاستەرلى ءسوز. ادامزات بالاسى العاش دۇنيە ەسىگىن اشقاندا انانىڭ اق سۇتىمەن بويىنا ءنار الادى، انا قۇشاعىنا ەنىپ، انا مەيىرىمىنە بولەنەدى. ادامنىڭ اۋزىنان شىعاتىن ەڭ العاش ءسوزى دە – «انا». ءمىرجاقىپ دۋلاتوۆ اعامىز ايتقانداي، ءبىزدى سۇيەتۇعىن، كۇيەتۇعىن، ءارقاشان قامىمىزدى ويلاپ جۇرەتۇعىن ابزال جاندى ادام، بۇل – انا. قانشاما بايلىق يەسى بولساڭ دا، الەمگە ايگىلى ادام بولساڭ دا، اناڭدى، ونىڭ ساعان جاساعان جاقسىلىعىن ۇمىتپاۋ – سەنىڭ ءومىر بويىنداعى بورىشىڭ. «قارياسى بار ءۇيدىڭ قازىناسى بار» دەپ بەكەر ايتىلماعان، ورتامىزداعى اسىل اجەلەرىمىز دە، انالارىمىز دا امان بولسىن! وسى مەرەكەگە وراي «ءومىر گ ۇلى – انالار» تاقىرىبىنداعى مەرەكەلىك شارامىزدى باستاۋعا رۇقسات ەتىڭىزدەر!
ءمادينا:
جينالىپپىز بۇگىن، مىنە، ءبارىمىز،
ۇلكەن - كىشى جاسىمىز، كارىمىز دە.
قوش كەلدىڭىز، قادىرمەندى انالار،
گۇل - گۇل جايناپ ءبىزدىڭ مىناۋ كەشىمىزگە!
توعاي:
شۋاقتى كوكتەم كەلدى گۇلىن الىپ،
كوكتەمنىڭ مەرەكەسى بۇگىن انىق.
ءومىردىڭ كوكتەمى دە، گ ۇلى – انالار.
انا دەپ باس يەدى كۇللى حالىق!
بي: «قىزدار مەرەكەسى». ورىندايتىندار: احمەديار - نۇرشا، نۇرالى - ءمادينا، توعاي - جاننۇر.
اياۋلىم:
انا دەگەن – جارىق جۇلدىز شىراعىڭ.
انا دەگەن – قاينار ىستىق بۇلاعىڭ.
انا دەگەن - ومىردەگى قامقورىڭ.
انا دەگەن – سۇيەنەرىڭ، جان قۇربىم.
التىناي:
ءبىز عانا ەمەس ءقادىر تۇتقان بالالار،
انالاردان تۋعان نەبىر دانالار،
انا دەگەن تىرشىلىكتىڭ تىرەگى.
ارمىسىزدار، قاسيەتتى انالار!
نۇرشا:
اياۋلى دا التىن نۇرلى اناشىم،
جۇرەگىممەن ماڭگى بىرگە بولاسىڭ.
سەن اسقارسىڭ، سەن اسپانسىڭ، بيىكسىڭ،
سەن دارحانسىڭ،
سەن جومارتسىڭ، داناسىڭ!
ميرجان:
اسىل انام - التىن جان، اسقار تاۋىم،
ارايلانىپ الدىمنان اتقان تاڭىم.
الپەشتەدىڭ، الديلەپ، ايالادىڭ.
و، اناشىم، ءبىر ءوزىڭسىڭ سايا باعىم!
«مىسىق» ءبيى. ورىندايتىن: گابيتوۆا اسىلاي. (- مەن ادەمى مىسىقپىن مياۋ - مياۋ - مياۋ، تەز جۇگىرە الامىن، جىلى جەردە ۇيىقتاعاندى جاقسى كورەمىن. مەنەن تىشقاندار قورقادى. مياۋ - مياۋ - مياۋ)
ميراس:
ومىردە قىمبات ەكەن انا دەگەن،
ءومىرى گۇل جاراتىن بالامەنەن،
بىزدەردى اق گۇلىندەي ايالاعان،
مەن ونىڭ جالعاسى بوپ قالا بەرەم.
البينا:
انا - بالا، بالا - انا ءبىر ۇعىم،
ءبىر - ءبىرىڭسىز جوق ولاردىڭ باقىتى.
انا - بالا، بالا - انا ءاردايىم،
بىرگە ءجۇرسىن، بىرگە كورسىن شاتتىقتى.
اقىرىس:
انا تۇرسا قۇشاققا الىپ بالاسىن،
باقىت، شاتتىق بەلگىسىندەي جاراسىم.
قاباعىڭدى كىربىڭ شالماي ومىردە،
قۋانىشقا كەنەلە بەر، اناشىم!
ناديرا:
انا دەيمىز ءبارىمىز دە اڭقىلداپ،
انا دەيدى ءسابيى دە جارقىلداپ.
انا دەگەن بايتەرەگى ءومىردىڭ،
انا دەگەن التىن قازىق، التىن ب ا ق!
«ءۇندى» ءبيى. ورىندايتىن: جاردەموۆا ناديرا.
داۋلەت:
ۇمىتپاڭدار انالاردىڭ ءالديىن،
سول الديدەن باستالادى ءان - كۇيىڭ.
سۋىتپاڭدار ەلجىرەگەن جان كۇيىن،
ارداقتاڭدار، ارداقتاڭدار انانى!
جاننۇر:
انا دەسەم سەزىم بيلەر تىم ىستىق،
جاراسىمدى ادامدارعا تۋىستىق.
بار ادامعا بەرسە انانىڭ مەيىرىمىن.
ورنار ەدى بار الەمدە تىنىشتىق.
اسىلاي:
انا دەگەن - اسىلى عوي دالانىڭ،
انا دەگەن - ساعىنىشى بالانىڭ.
بۇل ومىرگە قۋانىشپەن نۇر توككەن،
باس يەمىز الدىندا ءبىز انانىڭ!
ساعىنىش:
سۇرىنسەم سۇيەپ، بولاتىن تىرەك،
سول ۇلكەن جۇرەك.
سەن ەكەن جالعىز، جان - انا!
بارلىعى (حورمەن):
اق سۇتىنەن جارالعان،
اق سۇتىنەن ءنار العان،
اناعا باس يەمىز!
«انا تۋرالى بىرەر ءسوز». ءسوز كەزەگى بالالارعا بەرىلەدى.
ءمادينا: اق تىلەۋلى، كەڭ پەيىلدى انالارىمىز ءومىردىڭ باستاۋى، تىرشىلىكتىڭ ءسانى. انالار ءبىزدىڭ باستى بايلىعىمىز. انا - ادامزات مەكەن ەتكەن جەر شارىنىڭ ءار تۇكپىرىندە، ءار ۇيدە مەيىرىم مەن مەرەيدىڭ، دوستىق پەن تۋىستىقتىڭ تۋىن تىككەن اياۋلى جان.
داۋلەت: بايشەشەك سونشالىقتى نازىكتىگىنە قاراماستان قاردىڭ استىنان بۇرشىك جارادى. ءبىزدىڭ اسىل انالارىمىز دا سونشالىقتى نازىكتىلىگىنە قاراماستان بارلىق قيىندىق اتاۋلىعا ءتوزىمدى.
التىناي: ادام ەڭ الدىمەن انا الدىندا قارىزدار. انا قارىزى التىنعا بولەۋدى، اق وردا سالۋدى قالامايدى. انا بالاسىنىڭ ەر جەتىپ ادال بولۋىن قالايدى. اناعا وسىدان ارتىق تارتۋ تارالعىنىڭ كەرەگى جوق.
اسىلاي: انا – بارلىق ءومىردىڭ باستاۋى. ول ادامدى ومىرگە اكەلەدى، ونى تاربيەلەيدى، وسىرەدى. ادام بويىنداعى بارلىق اسىل قاسيەت كۇننىڭ نۇرىنان، انانىڭ اق سۇتىنەن داريدى.
ديلناز: ادام ءۇشىن ەڭ اياۋلى، قاستەرلى جان - انا. ول بالا دۇنيەگە كەلگەننەن باستاپ، ءوزىنىڭ جۇمساق الاقانىن، جىلى ءجۇزى، ىستىق قۇشاعى مەن مەيىرىمىن، ماحابباتىن ارنايدى. انا ماحابباتى ادامعا قانات بىتىرەدى، كۇش بەرەدى.
ەسەنكەلدى: مەنىڭ انام - ەڭ قۇرمەتتى جان. ول وتە ادەمى، مەيىرىمدى، قايىرىمدى. ول ماعان ءومىر سىيلادى. راحمەت، ساعان اناشىم!
«ءۇندى» ءبيى. ورىندايتىن: قۋانعالي ءمادينا.
ساعىنىش:
حالقىمىزعا بيلىك ايتار دانالار،
دانالاردىڭ ءوزى انالاردان جارالار.
جۇرەگىنىڭ ءبىر بولشەگى بالا ءۇشىن،
سىزدەن جاقىن ادام بار ما، انالار؟!
ەسەنكەلدى:
بالاعا ەڭ جاقىنى ءسىز عوي انا،
ءسىزدىڭ ىستىق قۇشاعىڭىز بىزگە پانا.
سىزدەرگە تەڭەستىرەر ەش نارسە جوق،
تەڭەسە الار وعان تەك وتان عانا.
ايگەرىم:
انالاردى سۇيەمىز،
ءسوزىن ويعا تۇيەمىز.
اجەنى دە ارداقتاپ،
ادەپپەن باس يەمىز.
الپەشتەگەن بالاسىن
انا – باقىت، انا – جىر.
اركىم ءسۇيىپ ءوزىنىڭ
ماقتان ەتەر اناسىن.
ايگەرىم:
اقىل قۇيعان ساناما
كۇننەن ارتىق راسىندا.
كۇن الىستا، ال انام
ىلعي مەنىڭ قاسىمدا.
«كوڭىلدى بالالار» ءبيى. ورىندايتىندار: ءبىر توپ تاربيەلەنۋشىلەر.
نۇرالى:
شۋاق توگىپ كۇلىمدەيتىن قاراسام،
اناشىمدى كۇنگە عانا بالاسام.
جەر بەتىندە ەڭ جاقىنىم - ءوزىڭسىڭ
ماپەلەيسىڭ، ايالايسىڭ ءارقاشان!
احمەديار:
اينالايىن اناشىم،
كوكتە كۇن بوپ جاناسىڭ.
ەت جۇرەگىڭ ەلجىرەپ
قۇشاعىڭا الاسىڭ.
سىيلاعان ماعان ءومىردى
اناشىم مەنىڭ ايالى.
جۇرەگى جۇمساق كوڭىلى
كۇن شۋاقتى سايالى.
بەكۇلان:
تەڭدەسى جوق داناسىڭ،
ارقا سۇيەر پاناسىڭ.
ەڭبەگىڭدى اقتايمىن،
امان بولشى اناشىم!
تاربيەشى:
- وسىمەن «ءومىر گ ۇلى - انالار» اتتى ەرتەڭگىلىگىمىزدى اياقتايمىز. قىمباتتى انالار، جەر بەتىنە جاقسىلىق نۇرىن سەۋىپ، ارالارىمىزدا امان - ەسەن جۇرە بەرىڭىزدەر دەمەكپىن.

اتىراۋ وبلىسى، جىلىوي اۋدانى،
قۇلسارى قالاسى، №21 جالپى نەگىزگى ءبىلىم بەرەتىن مەكتەپتىڭ
مەكتەپالدى دايارلىق سىنىپ تاربيەشىسى
يكسانگالييەۆا جۇمابيكە وتەگەن قىزى