InfoHub Logo

1-جۇرگىزۋشى: قۇرمەتتى قوناقتار، وقۋشىلار، ۇستازدار، ونەر سۇيەر قاۋىم! قازاقستان رەسپۋبليكاسىنىڭ حالىق ءارتىسى، مەملەكەتتىك سىيلىقتىڭ يەگەرى، حالقىنىڭ سۇيىكتى ءانشىسى، كومپوزيتور ەسكەندىر حاسانعالييەۆتىڭ شىعارماشىلىعىنا ارنالعان
«ءومىرى ونەرمەن ورنەكتەلگەن» اتتى مۋزىكالىق ادەبي سالونىنا قوش كەلدىڭىزدەر!

2- جۇرگىزۋشى: «ومىرگە كىشكەنە بولسا دا ءىز قالدىرۋ - ءاربىر ونەرشىل ازاماتتىڭ پارىزى عوي.
ەڭ الدىمەن سونداي ءبىر ازاماتتىق بورىشىمدى وتەسەم دەيمىن. ءبىر كەزەڭدەردە قايعىسى مەن مۇڭى كوپ بولعان، بۇگىنگى قۋانىشى مەن باقىتى مول حالقىنىڭ وتكەن جولىن، بۇگىنگىسىن مۋزىكانىڭ جاندى تىلىمەن جۇرەكتەرگە جەتكىزەتىن ءانشى بولۋ مەنىڭ ۇلكەن ارمانىم.

1-جۇرگىزۋشى: ونەر كەشىنىڭ الدىڭعى ساتىندا بولۋ - باقىت بولسا، سوڭىندا قالۋ - ونەر ادامى ءۇشىن قايعى - مۇڭ. بارلىق جاندارداي مەنىڭ دە مۇڭايعىم كەلمەيدى...
قايتا اسەم اندەر اۋەنىمەن ەكىنشى جۇرەككە قۋانىشتى، تاماشا ىستىق سەزىمدەردى توگىلدىرسەم ەكەن دەپ كوكسەيمىن.» ە. حاسانعالييەۆ

2- جۇرگىزۋشى: ەسىمى رەسپۋبليكاعا، شەتەلدەرگە تانىمال، قازاق ەلىن دۇنيە ءجۇزىنىڭ كوپتەگەن ەلدەرگە تانىتقان ءانشى - كومپوزيتور، جەرلەسىمىز ەسكەندىر حاسانعالييەۆ 2013 جىلى 13 اقپانىندا 73 جاسقا تولادى. ءوزىنىڭ قوڭىر سازدى ۇنىمەن، جۇرەك تەبىرەنتەر اسەم اندەرىمەن ۇلكەننىڭ دە، كىشىنىڭ دە جۇرەگىنە جول تاپقان ەسكەندىر اعامىزدىڭ ومىردەگى، ونەردەگى قادامدارى وزگەلەرگە ونەگە بولارلىقتاي. ءوزى سازگەر، ءوزى ورىنداۋشى، تالانتتى كومپوزيتور ەسترادالىق مۋزىكانى ۇلتتىق بوياۋمەن، بار ناقىشىمەن ورىنداپ، ءان ونەرىنىڭ تابيعاتىنا تەرەڭ بويلاپ جۇرگەن دارا تۇلعالاردىڭ ءبىرى.