وقۋعا بايلانىستى تىلەكتەر
كوزدەگەن مۇرات-ماقساتتارىنا قول جەتكىزىپ، ارماندارىڭ ورىندالسىن. كەلەشەگىڭ كەمەل، بولاشاعىڭ نۇرلى بولسىن. جۇرتقا جۇعىمدى، ەلگە سۇيكىمدى قالپىڭنان اينىماي، الدا تالاي اسۋ بەلەستەردى باعىندىرا بەر.
جالعاندا جاماندىق كورمەي، ءومىرىڭ ۋايىم قايعىسىز ءوتسىن.
*** *** *** *** ***
مەكتەپتى جاقسى ءبىتىرىپ، جوعارى وقۋ ورنىنا ءتۇسىپ، بيىك بەلەستەردەن كورىن. نۇرلى جول، دۋماندى شاق تىلەيمىز.
كەۋدەڭە كۇن ورناسىن. اتا-انانىڭ قۋانىشى، شاڭىراعىڭنىڭ شۋاعى بول. جۇلدىزىڭ جانسىن.
*** *** *** *** ***
ءبىلىم نارىمەن سۋسىنداپ، اقىلدى ازامات، وتان سۇيگىشتىك رۋحتارىڭ مىقتى بولۋىن تىلەيمىز. ازاماتتىق جىگەرلەرىڭ مۇقالماسىن. اسقار شىڭداردى باعىندىرىڭدار. قونار تۇعىرلارىڭ بيىكتەي بەرسىن.
*** *** *** *** ***
اۋلەتىمىزدىڭ كىشكەنتايىن مەكتەپ تابالدىرىعىن اتتاعان قۋانىشتى كۇنىمەن قۇتتىقتايمىز. «تارىداي بولىپ كىرىپ، تاۋداي بولىپ شىق» دەي وتىرىپ، ساباعىڭ «4» پەن «5»-كە وقۋىن تىلەيمىز.
اتا-اناڭنىڭ مەيىرىم-شاپاعاتىنا بولەنىپ، جارقىراعان التىنى، ەركەتاي ەلىگى، اق ساۋلە شاشقان ارايى بولىپ، امان-ەسەن ءجۇرسىن. بارلىق ىزگى ارماندارى ورىندالىپ، ءومىر جولى اشىق، بولاشاعى جارقىن بولىپ، ەگەمەندى ەلىمىزدىڭ دە بىلىكتى ازاماتى بولىپ وسە بەرسىن.
*** *** *** *** ***
ەلىڭە قالانا ءبىل كىرپىش بولىپ،
جان جاقتى گۇل جايناعان ءتۇر، ءتۇس بولىپ.
ومىردە الىنبايتىن قامال بولمايدى،
بىلىمگە بويلاي بىلسەڭ، تىڭ كۇش بولىپ.
تالپىنىپ، قاتارىڭنان قالىسپاعىن،
ءوزىڭدى ونەرلى ىسكە باعىتتاعىن.
ارىڭ مەن ۇياتىڭدى تازا ساقتاپ،
ادىلدىك، شىندىق جولدان اۋىتپاعىن.
ەلىڭ بار كەڭ بايتاق - قازاقستان،
ورنى بار ەۆرازيا ارالىقتان.
ەلتاڭبا، ءانۇران مەن بايراعى بار،
قورعاڭدار وتانىڭدى ادالدىقپەن.
كەتەسىڭ بىتىرگەن سوڭ شار تاراپقا،
كەزىگەسىڭ ءار ءتۇرلى سان سىناققا.
بايلىعىڭ مەن اتاعىڭ تۇرسا دا ورلەپ،
ۇستازىڭدى ءارقاشان ويدا ساقتا.
ءساتىن سالسا ەرتەڭ-اق باي بولارسىڭ،
قولىڭ جەتىپ، قونشىڭمەن جورعالارسىڭ.
ارتىق داۋلەت باس جارادى دەگەن بار عوي،
اياز بيدەي ارتىڭا ءبىر قارارسىڭ.
ءسال قينالعان شاقتاردا مەكتەبىڭە،
ءبىلىم بەرگەن ۇستازدى ويعا الارسىڭ.
بايلىق، مانساپ ماڭگىلىك جولداس ەمەس،
دەگەن ءسوزدىڭ بايىبىنا ءبىر بارارسىڭ.
"اتا كورگەن - وق جونار" دەگەندى ۇعىپ،
تۋ ەتىپ، مۇنى وزىڭە قولدانارسىڭ.
اقىلىن ۇستازداردىڭ تىڭداپ وتسەڭ،
ونەگەلى ۇل مەن قىز بولارسىڭ.
ەي، جاستار، وسى ءسوزدى ۇستانباساڭ،
دوسىڭ كۇلىپ، دۇشپانعا قۇل بولارسىڭ.
You Might Also Like
-
الىپپە دەگەن – التىن ءسوز اپارار سەنى الىسقا. جەڭىل ەمەس الىس جول، تىرىسىپ ب ا ق نامىسقا. الىپپە ساۋاتىڭمەن سانامدى اشتىڭ، دوستارىممەن تەڭدەس ارالاستىم. ۇيرەنىپ، ارىپتەر مەن اڭگىمەنى، كۇن...
-
ۇلكەن ومىرگە قانات قاعىپ باراسىڭ. قاناتىڭ تالماسىن، بيىكتەرگە شىرقا! جوعارعى وقۋ ورنىنا وقۋعا ءتۇسىپ، ستۋدەنتتىك ءداۋىردى قىزىقتى وتكىزىپ، ابىرويمەن بىتىرۋىڭە تىلەكتەسپىن. تاڭداعان ماماندىعىڭنىڭ مىقت...
