دۇنيەنىڭ دوڭگەلەگى ايناپادى:
كىمى ۇستىندە گۋليايتتاپ جايلانادى؛
كىمى استىندا ەزىلەر ساز بالشىقتاي،
بىلمەيمىن، ءتۇبى نەگە اينالادى؟
«ۇستەگىدە نە قاسيەت، استاعىدا
نە جازىق؟» دەپ ەرىكسىز ويلانادى.

— ۇستەگى سىندىرماعان ءشوپتىڭ باسىن،
سوندا دا تاماعى توق، كيگەنى اسىل؛
جاساۋلى، زيننەتتەۋلى پاتاتادا
قىزمەتكەر دايار قىلار كەرەك اسىن.

ون جىل قىزمەت ءبىر كەدەي قىلىپ تاپپاس
قوندىرعان ءبىر جۇزىككە اسىل تاسىن؛
ءبىر كەدەي جىلدىق تاماق ەتەر ەدى،
وندەگەن بوياۋىنا بەت پەن قاسىن.
بەزە نۋگە، ويىنعا مال شاشۋمەن
وتكىزىپ بارا جاتىر ءومىر جاسىن.

قول جوق وندا جۇمىسقا، ىسكە تيەر،
جۇما سايىن ءبىر مودالى كيىم كيەر.
ءسان-ساۋىقتىڭ ءبارى دە تابىلادى:
تەك قايسىسىن كوڭىلى ونىڭ سۇيەر.

ءبىر قوناعى تۇرادى ون مىڭ تەڭگە،
نومەرلەرگە بارىسى ودان كەم بە؟
ءبىر تۇنگى ءبىر ايەلگە شىققان شىعىنىن
تۇسسە دە كەدەي تاپپاس 40 جىل تەرگە.

جولى بوس جيھان كەزسە تاماشالاپ،
الدىندا ستول، ءبيشى قىز، قىزىل اراق؛
پورتۆەين، كارتا ويىنى كۇن-كۇن سايىن،
ءىش پىسكان سوڭ وتىرا ال ماي تەككە قاراپ.

شالكاسىنان جاتسا دا، قۇداي بەرەر،
شاشسا دا كەدەيلىك جوق وعان كورەر.
زاۆودى، فابريگى، جەر جالىنان
جىل سايىن ميلليون-ميلليون دوحود كەلەر.

استاعى جۇمىس قىلعان قولى جاۋرىپ،
جاسىنان تەرگە جۋىلىپ، ارقاسى اۋرىپ.
جەر استىنىڭ كەندەرىن شىعارام دەپ،
جوتەلەدى، وندا جوق دەنگە ساۋلىق.

---