InfoHub Logo

ساباقتىڭ تاقىرىبى: وسىمدىكتەر
ساباقتىڭ ماقساتى:
ا/ بىلىمدىلىگى: وقۋشىلارعا وسىمدىكتەر الەمى ونىڭ تۇرلەرى تۋرالى مالىمەت بەرۋ. وسىمدىكتەر ءتۇرى كوپ بولعانىمەن، نەگىزىنەن بۇكىل وسىمدىك ءۇش توپقا بولىنەتىنىن وقۋشىلاردىڭ جاس ەرەكشەلىگىنە لايىقتى دەڭگەيدە ءتۇسىندىرۋ. وسىمدىك تۋرالى بىلىمدەرىن كەڭەيتۋ. وسىمدىكتەردىڭ پايداسى جانە ونى قورعاۋ تۋرالى ۇعىمدار بەرۋ.
ءا/ دامىتۋشىلىعى: قوسىمشا تاپسىرمالار بەرۋ ارقىلى ويلاۋ قابىلەتتەرىن، سوزدىك قورلارىن مولايتۋ. وقۋشىلاردىڭ قورشاعان ورتا تۋرالى ۇعىمدارىن دامىتۋ.
ب/ تاربيەلىگى: ەستەتيكالىق تاربيەگە نەگىز سالۋ. وسىمدىكتەردى قورعاۋعا، سۇيۋگە، تابيعاتتى ايالاۋعا تاربيەلەۋ
ءادىسى: سۇراق - جاۋاپ، ءتۇسىندىرۋ، كورنەكىلىك. تىرەك سىزبا
ءتۇرى: جاڭا ساباق.
كورنەكىلىگى: ينتەراكتيۆتى تاقتا، سۋرەتتەر، جۇمباقتار، ۆەنن دياگراماسى، سەمانتيكالىق كارتا.
ءى. ساباق بارىسى: 1. ۇيىمداستىرۋ ءبولىمى.

پسيحولوگيالىق دايىندىق.
قورشاعان ورتا تابيعات،
جانۋارلار، وسىمدىك، ادامزات ءسۇيۋ، قورعاۋ – پاراسات.
بىلەيىك مۇنى جاماعات.

2. ءۇي تاپسىرماسى. بىزدەن - سۇراق، سىزدەن - جاۋاپ.
ا/ كۇزگى قۇستار مەن جانۋارلارىنىڭ تىرشىلىگى.
ءا/ قىستاپ قالاتىن قۇستاردى اتا.
ب/ جىل قۇستارىن اتا.
ۆ/ ۇيقىعا كەتەتىن جانۋارلاردى اتا.
گ/ ءتۇسىن وزگەرتەتىن نەمەسە تۇلەيتىن جانۋارلاردى اتا.

تەست جۇمىسى. وقۋشىلارعا توپشاما تاراتىلىپ بەرىلەدى.
1. ادامنىڭ ەستۋ مۇشەسىن اتا؟
1) كوز 2) قۇلاق 3) مۇرىن
2. اۋا تەمپەراتۋراسى نەمەن ولشەنەدى؟
1) قولمەن 2) كوزبەن 3) تەرمومەترمەن
3. كۇزگى جاپىراق ءتۇسى قانداي بولادى؟
1) جاسىل 2) سارى 3) كوك
4. ءولى تابيعاتقا نە جاتادى؟
1) كۇن 2) اۋىل 3) جانۋار
5. ءتىرى تابيعاتقا نە جاتادى؟
1) وسىمدىك 2) تاۋ 3) سۋ

ءىى. جاڭا ساباق.
قىزىعۋشىلىقتى وياتۋ.
جۇمباقتار:
1. وزىنە شاپ - شاق،
كيگەن قالپاعى اپپاق،
بالالار تۇر قاپتاپ. (باقباق)

2. بۇتاعى ىلگەن ۇلپەرشەك،
ءىشى ءنارلى قىزىل ءسول،
تەرىپ اشىپ ۇلگىرسەك (بۇلدىرگەن)

3. داۋىلعا دا، ايازعا دا،
شىداپ باعار ءمىز باقپاي.
تاۋ ەتەگى تۇراعى،
جاپ - جاسىل بوپ تۇرادى.
(قاراعاي)

4. قىسى - جازى شەشپەيتىن،
كويلەگى بار جاسىلدان.
وزگەرتپەيدى ەش كەيپىن،
جارالعانداي اسىلدان.
(شىرشا)

جۇمباقتار شەشىلگەن سوڭ، بۇلدىرگەن، قاراعاي، شىرشا، باقباق سۋرەتتەرىن تاقتاعا ىلىنەدى.
- بالالار وسى تاقتاعا ىلىنگەن سۋرەتتەر نەلەرگە جاتادى؟
- وسىمدىكتەرگە جاتادى.
- وسىمدىكتەر قانداي تابيعاتقا جاتادى؟
- وسىمدىكتەر ءتىرى تابيعاتقا جاتادى.
وسىمدىكتەر - تابيعاتتىڭ جاندى دەنەلەرى. ولار قورەكتەنەدى، تىنىس الادى، وسەدى، كوبەيەدى، قۋرايدى. وسىمدىكتەردىڭ وسۋىنە توپىراق، سۋ، جىلۋ، اۋا، كۇن كوزى كەرەك. وسىمدىكتەر ءۇش توپقا بولىنەدى.

وسىمدىكتەر
↓
• اعاشتار
• بۇتالار
• وسىمدىكتەر

اعاشتار، بۇتالار ساياباقتاردا، ورماندا، باقتا وسەدى. اۋىل مەن قالا كوشەلەرىنە قاراعاش، تال، جوكە، قايىڭ، ەمەن اعاشتارى ءسان بەرىپ تۇرادى. ال راۋشانگۇل، شىرعاناقتىڭ گۇل شوعىرلارى ەرەكشە جۇپار يىسكە بولەيدى. ولارعا ارالار، كوبەلەكتەر، جابايى ارالار كەلىپ قونادى. ولار گۇلدىڭ ءدامدى شىرىنىن سورادى.
شوپتەس وسىمدىكتەر بارلىق جەردە وسەدى. ولاردىڭ كوبى اشىق ءتۇستى ادەمى گۇل اشادى. ەرتە كوكتەمدە باقباق، قوڭىراۋگۇل، قىزعالداقتار گۇلدەيدى. ولار تابيعاتتىڭ اجارىن اشا تۇسەدى.
داپتەرمەن جۇمىس.
وقۋشىلاردى 3 توپقا ءبولىنىپ توپشاما بەرىلەدى.
1. اۋا رايىن انىقتايدى.
2. وقۋشىلار توپشاماداعى سۋرەتىن بوياپ جانە ونىڭ ءتۇرىن اجىراتىپ، سالىستىرىپ اڭگىمەلەيدى.