InfoHub Logo

تاقىرىبى: وتباسى شاڭىراق بەرەكەسى
ماقساتى: وقۋشىلارعا وتباسى، وتباسىن قۇرايتىن ادامدار، ءار ادامنىڭ وتباسىندا الاتىن ورنى مەن ماڭىزىن ءتۇسىندىرۋ. وقۋشىلاردى مەيىرىمدىلىككە، قامقورلىققا، سۇيىسپەنشىلىككە تاربيەلەۋ.
كورنەكىلىگى: سلايد، پلاكات
بارىسى:
- بۇگىنگى ءبىزدىڭ تاربيە ساعاتىمىز «مەنىڭ وتباسىم» دەپ اتالادى. ساباق بارىسىندا ءبىز وتباسى، ادامعا ەڭ قىمبات، ەڭ جاقىن ادامدار تۋرالى، ولاردىڭ مەيىرىمدىلىگى، سۇيىسپەنشىلىگى، يماندىلىعى تۋرالى ءسوز ەتەمىز. ادامعا مەيىرىمدىلىك، سۇيىسپەنشىلىك، قايىرىمدىلىق ەڭ اۋەلى اركىمنىڭ ءوز وتباسىنان باستالادى. ءار ءۇيدىڭ ىشىندەگى ادامدار سول ءۇيدىڭ وتباسىن قۇرايدى. وتباسى دەگەن نە؟ كىم ءوز وتباسى تۋرالى ايتادى؟
«مەنىڭ وتباسىم» وقۋشىلاردىڭ ءوز وتباسى تۋرالى اڭگىمەلەۋى
- وتباسىنداعى ەڭ ۇلكەن، ءقادىرلى ادام كىم؟
- ول - اتا
1 - وقۋشى
مەنىڭ اتام مىقتى ادام،
كۇشتىلەردەن ىقپاعان
جاس كەزىنىڭ وزىندە،
جىگىتى جوق جىقپاعان.
دومبىراسىن قولعا الىپ،
ءان سالادى اتاشىم
كۇي تارتقاندا تولعانىپ،
قىزىعىنا باتاسىن،

2 - وقۋشى
ايتادى ەرتەك جان اتام،
اق ساقالىن سيپالاپ
قۇمارىمدى تارقاتام
جەر مەن كوكتى ارالاپ
ەرتەگىلەر ەلىنە
ءبىر شەگەتىن ساپاردى
ارداقتايمىن ومىردە
اسقار تاۋداي اتامدى.

- وتباسىندا اتادان كەيىنگى ادام كىم؟
- اجە. وقۋشىلار ءوز اجەلەرى تۋرالى ايتادى.
ءان: «اجەمنىڭ ءشايى»

3 - وقۋشى:
كۋاگەر كەشەگى زامانعا
ءاردايىم جايدارى
ءجۇز ءوڭدى،
كوپ ەرتەك بىلەتىن قىزىقتى
كورسەڭدەر اياۋلى اجەمدى
الدەكىم اجەمنىڭ شاشىنا
ادەيى بور جاعىپ قويعانداي،
كيمەشەك تارتقاندا باسىنا
بولادى اقشا بۇلت قونعانداي.

- اتاڭنىڭ بالاسى
كەي كەزدە تالاسىپ
قالاسىڭ اجەگە،
بىلگەنىڭ اسادى كادەگە
ول كىم؟
- ول - اكە

4 - وقۋشى:
ىستىق - اۋ كىم - كىمگە دە اكە دەگەن
سۋىققا شالىندىرماي ماپەلەگەن
ءومىردىڭ سوقتىعىمەن ورگە تارتىپ،
الدىمەن ادام بول دەپ جەتەلەگەن.

- بالالار، ءۇيىمىزدىڭ قۇتىن دارىتىپ، ءتۇن ۇيقىسىن ءتورت ءبولىپ تەربەتەتىن، اۋىرعاندا دارىگەر بوپ ەمدەيتىن، اياۋلى ادام، ەڭ اسىل جان، قىزىعىڭدى دا، بۇزىعىڭدى دا كوتەرەتىن، ۇنەمى جانىندا پەرىشتەدەي قورعاپ، دەمەۋ بەرەتىن كىم؟
- ول - انا
- كىم ءوز اناسى تۋرالى ايتادى؟
وقۋشىلاردىڭ ءوز انالارى تۋرالى ايتادى.

5 - وقۋشى:
الپەشتەگەن بالاسىن
انا – باقىت، انا - كۇن
اركىم ءسۇيىپ ءوزىنىڭ
ماقتان ەتەر اناسىن.

6 - وقۋشى:
ءوزىڭسىڭ، سۇيىكتى انام، قۇدىرەتىم،
جانىمدى جادىراتىپ كۇلدىرەتىن.
سەندەگى ماعان دەگەن مول مەيىردى
نۇر تولى قوس جانارىڭ بىلدىرەتىن.

- كىم اكە - انا تۋرالى ءان بىلەدى؟
وقۋشىلاردىڭ ورىنداۋىنداعى ءان
- سونىمەن بالالار، اتا، اجە، اكە. انا بىزگە قانداي ادامدار؟
- ەڭ قىمبات ادامدار

7 - وقۋشى:
قۇت - بەرەكە اتاڭ قىمبات،
مەيىرىمدى اجەڭ قىمبات
اسقار تاۋىڭ اكەڭ قىمبات،
ايمالايتىن اناڭ قىمبات.
- سونىمەن وتباسىن كىمدەر قۇرايدى؟

قاندىاعاش قالاسى، №1 ورتا مەكتەبى
دايىنداعان: قۇراقبايەۆا ك. ە.

وتباسى شاڭىراق بەرەكەسى. جۇكتەۋ