پاۆلودار وبلىسىندا «ۇستازىڭدى قۇتتىقتا» اكسياسى باستاۋ الدى
پاۆلودارلىق وقۋشىلار مەن ۇستازدار وزدەرىنىڭ ىزگى تىلەكتەرىن بىلدىرگەن #مۇعالىمدەركۇنىپاۆلودار جانە #دەنۋچيتەلياپاۆلودار حەشتەگىمەن بەينەروليكتەر مەن سۋرەتتەردى Facebook، ۆكونتاكتە، Instagram الەۋمەتتىك جەلىلەرىندە ورنالاستىرۋدا بەلسەندىلىك تانىتۋدا، دەپ حابارلايدى pavlodarnews.kz ءتىلشىسى.
وبلىستىق ءبىلىم بەرۋ باسقارماسى باسشىسىنىڭ ورىنباسارى ەرنۇر داۋەنوۆتىڭ ايتۋىنشا، ۇستازدار كۇنى قىركۇيەك ايىنىڭ العاشقى جەكسەنبىسىندە اتالىپ وتەدى. الايدا ءقازىردىڭ وزىندە الەۋمەتتىك جەلىلەردە مەرەكەلىك حەشتەگپەن قۇتتىقتاۋلار پايدا بولا باستاعان.
— وسى حەشتەگتەر بويىنشا جاريالانعان بەينەروليكتەر مەن سۋرەتتەردى الەۋمەتتىك جەلىلەردەن كورۋگە بولادى. بۇگىندە 300-دەن استام ۆيدەو مەن سۋرەت سالىنعان. وبلىستىق ءبىلىم بەرۋ باسقارماسى تۇرعىنداردى اتالمىش اكسياعا بەلسەندى قاتىسۋعا شاقىرادى. وسىلايشا، كەز كەلگەن ادام العاشقى ءارى جاقسى كورەتىن ۇستازىنا دەگەن قۇرمەتىن بىلدىرە الادى، — دەيدى ەرنۇر داۋەنوۆ.
اقبوتا سەيسەنبايەۆا
You Might Also Like
-
جەلىدە باستاۋىش سىنىپ وقۋشىسىنىڭ مەكتەپ اۋلاسىندا تەمەكى شەگىپ تۇرعانى بەينەلەنگەن ۆيدەو پايدا بولدى.
-
ۇيقى بەزى ادام ورگانيزمىندە، اسىرەسە اس قورىتۋدا، ماڭىزدى ءرول اتقارادى. سوندا ۇيقى بەزىنىڭ قابىنۋى نەندەي دەرت؟
