InfoHub Logo

فيزيكا ءپانى 8 سىنىپ

ساباقتىڭ تاقىرىبى: پوتەنسيال جانە پوتەنسيالدار ايىرىمى. ەلەكتر ءورىسىنىڭ كەرنەۋلىگى مەن پوتەنسيالدار ايىرىمى اراسىنداعى بايلانىس. كوندەنساتورلار.

ساباقتىڭ ماقساتى:
بىلىمدىلىك: وقۋشىلاردى پوتەنسيال جانە پوتەنسيالدار ايىرىمى،
ەلەكتر ءورىسىنىڭ كەرنەۋلىگى مەن پوتەنسيالدار ايىرىمى اراسىنداعى بايلانىس، كوندەنساتورلار تۇسىنىكتەرىمەن تانىستىرۋ، ولارعا ەسەپ شىعارۋ بىلىك داعدىلارىن قالىپتاستىرۋ؛
دامىتۋشىلىق: وقۋشىلاردىڭ ىسكەرلىكتەرىن، ويلاۋ، جۇيەلەۋ قابىلەتتەرىن دامىتۋ؛
تاربيەلىك: جاۋاپكەرشىلىككە، ۇقىپتىلىققا، فيزيكالىق ساۋاتتى جازۋعا باۋلۋ. ىزدەنۋگە، شىدامدىلىققا ۇيرەتۋ.
ساباقتىڭ ءتۇرى: ءداستۇرلى ساباق
ساباقتىڭ كورنەكىلىگى: پلاكات، كەسپە قاعازدار، كوڭىل - كۇي فيشكالارى، باعدارشام دوڭگەلەكتەرى، تاۋەلسىزدىك كارتوچكالارى

ساباق بارىسى:
ءى. ۇيىمداستىرۋ.
1. سالەمدەسۋ
2. وقۋشىلاردى تۇگەلدەۋ
3. سىنىپ تازالىعىن تەكسەرۋ
4. قۇتتىقتاۋ (وقۋشىلار قازىرگى كەزدە سەندەر اشىق اسپان، جارىق كۇن ساۋلەسى ءتۇسىپ تۇرعان مەملەكەتتە ءومىر ءسۇرىپ جاتىرسىڭدار، ءبىلىم الۋعا سەندەر ءۇشىن مۇمكىندىك مول. سەندەر كوپ ۋاقىتىڭدى دوستارىڭمەن، تۋعان – تۋىستارىڭمەن وتكىزەسىڭدەر، كوڭىلدى مەرەكەلەردى اسىعا كۇتەسىڭدەر. سەندەرگە قانداي مەرەكەلەر ۇنايدى؟ ارينە بارلىق مەيرامدار جاقسى. ءبىراق ولاردىڭ اراسىندا ءبىزدىڭ مەملەكەتىمىز ءۇشىن ماڭىزدىلارى بار. سونىڭ ءبىرى – قازاقستان رەسپۋبليكاسىنىڭ تاۋەلسىزدىك كۇنى)
5. توپقا ءبولۋ
Iءى. "وي قوزعاۋ"- ۇشقىر ويدان ۇتىمدى جاۋاپ (وتكەندى پىسىقتاۋ):
1. كۋلون زاڭى قالاي تۇجىرىمدالادى؟
2. ەلەكتر ءورiسiنiڭ كۇش سىزىقتارى
3. اتومنىڭ قۇرىلىسى قانداي؟

ءىII. "ءبىلىمىڭدى شىڭدا" جاڭا ساباق
ا) جاڭا تاقىرىپقا كىرىسپە:
قوزعالمايتىن ەلەكتر زاريادتارىنىڭ ەلەكتر ءورىسى ەلەكتروستاتيكالىق دەپ اتالادى.
ەلەكتر ورىسىنە ەنگىزىلگەن زاريادتالعان دەنەگە ءورىس تاراپىنان كۇش ارەكەت ەتەدى. وسى كۇشتىڭ ارەكەتىنەن ەلەكتر زاريادى (زاريادتالعان دەنە) ورىن اۋىستىرا الادى، ياعني زاريادتىڭ ورىن اۋىستىرۋى كەزىندە ەلەكتر ءورىسى جۇمىس اتقارادى. وسى جۇمىس ەلەكتر ءورىسىنىڭ پوتەنسيالدىق ەنەرگياسىنىڭ وزگەرۋ ولشەمى بولىپ تابىلادى.